Je̩re̩maya 34:16 - O̩TAKADA O̩LA O̩JO̩ 1970

¹⁶ Me̩ muda rida, oñ me̩ fʼodu-mi bie̩; oñ e̩ne̩ne̩ne̩ne̩-me̩ je̩ ñw adu-wñ e̩ne̩ke̩le̩ kpʼonobule̩ ku me̩ tʼuma no̩ tane̩ ku ma le alu ki nyo̩ ma eju, ku ma mudabi wa. Me̩ la ño̩ fʼuma kamuhite̩, ku ma chʼadu e̩ne̩ke̩le̩ kpʼonobule̩ ñwu me̩.

Je̩re̩maya 34:16 Iomraidhean Croise

Akwodufu 20:7

E̩ ki dʼodu Jihofa, O̩jo̩-we̩, tʼalu adʼo̩ ofofo n; todu Jihofa adale ñw e̩ne̩ ki dʼodu-wñ tʼalu adʼo̩ ofofo n.

Je̩re̩maya 34:11

Ama ubi le̩ ma murida, oñ ma je̩ ñw amadu-ma e̩ne̩ke̩le̩ kpʼonobule̩ ku ma tʼuma no̩ tane̩ le̩ mudabi, oñ ma fʼuma kamuhite̩ ku ma chʼamadu e̩ne̩ke̩le̩ kpʼonobule̩ ge̩.

Izikie̩l 13:22

Todu ame̩ nʼo̩lemi akpʼame̩no̩kpakpa e̩do̩ bie̩, e-kʼomi ma gwʼuma e̩do̩dudu n, oñ me̩ dʼugbiti ñw o̩wo̩ ame̩ne̩bibi, todu kʼi we erida bʼo̩na bibi-wñ te̩ kʼi deju.

Izikie̩l 18:24

Oñ e̩gba kʼe̩no̩kpakpa muna bʼe̩wñ o̩kpakpa-wñ te̩ kʼi la akwochʼe̩wñ uji, kʼi nache teju e̩wñ ihie̩ne̩ du kʼe̩ne̩bibi ache, i adeju? Ma ñʼarewa e̩wñ o̩kpakpa du kʼi che n: ef e̩re̩ ubi kʼi ro̩ ñwu mi kpʼef adure kʼi ta oñ i aku ef uwñ.

Izikie̩l 20:39

I chʼe-ame̩, O abunyi Israe̩l, abu kʼOndu Jihofa ka de̩ kakini, Me̩ lo me̩, e̩ne̩ne̩ne̩ne̩-me̩ ki che ode-wñ ate̩to̩gba-i, iche̩wñ kʼame̩ ma netirʼumi n. Me̩ muda anʼe̩wñ ele-me̩ kpʼode-me̩ kpʼodu-mi kiafo̩ bie̩ ge̩ n.

Izikie̩l 3:20

Omune̩ de̩ ge̩; e̩gba kʼe̩no̩kpakpa rida bʼe̩wñ o̩kpakpa-wñ te̩ kʼi la fʼudu, kʼu la dʼe̩wñ uke̩re̩ tʼo̩gba-wñ, eku i aku; todabu kʼuwe̩ ma juka ñw u n, i aku ef adure-wñ le̩. E̩wñ o̩kpakpa du kʼi la che akwoubi, ma ñʼare̩-wa ge̩ n; omi muda tene e̩bie̩-wñ o̩wo̩-we̩.

Izikie̩l 39:7

U la aje̩ ñwu ma fʼodu-mi kiafo̩ ma alumeji abo-mi Israe̩l; u lañʼaje̩ ñwu ma fʼodu-mi kiafo̩ kpabie̩ ge̩ n; tak abo uche̩ichi uche̩ichi ama ka kʼomi Jihofa de̩, kʼu chʼe̩ne̩ kiafo̩ efu Israe̩l.

Abo Lifai 19:12

Me̩ ki la go̩ odu-mi olemi ku me̩ fʼodu O̩jo̩-me̩ bie̩ n: omi, Jihofa, de̩.

Malakai 1:12

Ame̩ muda adʼo̩ ji, owñ chʼabu ku me̩ kakini, itebulu Jihofa mudaji me̩, e̩ro e̩wñ ki jʼoji-wñ, owñ chʼuje̩wñ-wñ, chʼe̩wñ ide̩te̩.

Malakai 1:7

Ame̩ kʼuje̩wñ e̩daji wa che oj ubo̩ iche̩bo̩-mi. Oñ ame̩ kakini, Ugbo oñ a fʼuwe̩ daji? Owñ chʼe-kʼame̩ kakini, Itebulu Jihofa chʼe̩wñ ide̩te̩.

1 Samiue̩l 15:11

So̩l kʼomi du jʼonu le̩ awo̩ mi; todu i mudabi bʼumi ubi te̩ me̩, i la che e̩wñ kʼomi ñwa ñw u n. Oñ Samiue̩l we̩do̩; tak i kwokwado̩ Jihofa gbogbo ñwʼo̩jo̩.