Je̩re̩maya 33:15 - O̩TAKADA O̩LA O̩JO̩ 1970

¹⁵ Iko le̩ kpʼe̩gba le̩, naje̩ ñw Epa O̩kpakpa kʼi pa ñwu Defid; owñ le̩ ache teju alu kʼoji ajo̩ o̩kpakpa ka, i la ache e̩wñ o̩kpakpa oj ane̩-i.

Je̩re̩maya 33:15 Iomraidhean Croise

Eli Eko̩ DʼO̩jo̩ 45:4

E̩ natanʼe̩wñ alo ef e̩gahi-we̩ ki ra ñwʼe̩ todu ochochi, kpai ochikimi, kpai o̩kpakpa; o̩wo̩ awoto-we̩ la akʼuwe̩ e̩wñ ubailo!

Eli Eko̩ DʼO̩jo̩ 45:7

uwe̩ te̩tafe̩do̩ e̩wñ o̩kpakpa, e̩ la chulaka e̩wñ bibi. Todule̩ O̩jo̩, O̩jo̩-we̩, mʼekpo uyo̩ du danyʼuwe̩ oji tʼameje̩go̩-we̩ le;

Aizaya 4:2

Iko le̩ E̩pa e-Jihofa achʼalifia kpʼojima, e̩ro ane̩ kpʼe̩bi-wñ la achʼe̩wñ uba kpʼe̩wñ ijaga ñw abo Israe̩l ku ma mufu tane̩.

Aizaya 42:21

I nyo̩ Jihofa eju tod o̩kpakpa-wñ, kʼi je̩ ñw uko̩-o̩la ki nana nyʼo̩gba ki ño̩ nʼojima.

Aizaya 53:2

Todu i gba mud o̩kone̩ o̩gba-wñ dabe̩ne̩ kʼoli emele, kpai dabe̩ne̩ kʼili ki atiga kwef ane̩ e̩gbe̩; i la chʼone̩ uto̩ n, i nʼojima n, a fʼu li i nʼalifia kʼa ñeju-wñ n.

Aizaya 9:7

Enyo̩gba o̩da-wñ kpai ure̩do̩ anʼuloji n, oj ede Defid kpai ojane̩-wñ, kʼi fu lonyane̩, kʼi la nʼajo̩ o̩kpakpa kpai e̩wñ o̩kpakpa eche gwo̩nyʼu dago akwʼe̩gba-i tʼogbegbele̩. E̩do̩ Jihofa ki nʼe̩wñ du ki tʼe̩wñ-i ache.

Je̩re̩maya 17:25

mak amonu ku ma agugu oj ede Defid, ku ma atʼo̩ko̩ ane̩ kpai eta nʼanya, tʼama tʼamagboji-ma, tʼaboke̩le̩ Juda kpʼabo ku ma dodo Je̩rusale̩m, agudu wʼalaku alaku ewo-i; oñ amone̩ adodo ewo-i ogbegbele̩.

Je̩re̩maya 30:9

Ma muda are̩ Jihofa O̩jo̩-ma kpai Defid onu-ma, kʼomi adʼu kwane̩ todu ma.

Je̩re̩maya 50:7

E̩ne̩ du ki li ma fʼuma lie̩; ame̩no̩la-ma la kakini, I nʼuda ñw a n, todu ama du Jihofa, ugbo kʼo̩kpakpa adodo, re, owñ che Jihofa kʼi chʼukibeno amata-ma le̩.

Ze̩karaya 3:8

Gbo̩ ta, uwe̩ Joshua agboji amatama-i, uwe̩ kpai ame̩numana-we̩ ku ma gugu o̩gba-we̩ le̩; todu ujiwe e̩wñ oñ abo-i che; todu go, omi adʼadu-mi E̩pa le̩ dufuwa.

O̩la E̩bite 19:11

Tak u li abu ku ma mʼefojale chite̩, e̩ la go, anya efufu kpʼe̩ne̩ ki gugu oji-wñ, e-ku ma do̩ kʼE̩nuke̩do̩no ogbolo kpʼE̩nochochi; oñ ajo̩-wñ kʼi aka kpʼogu kʼi aja chʼo̩kpakpa.