Je̩re̩maya 32:32 - O̩TAKADA O̩LA O̩JO̩ 1970

³² todu e̩wñ biene̩ kʼamo̩ma Israe̩l kpʼamo̩ma Juda che ku ma nyʼumi uwe̩do̩, tʼama tʼamonu-ma, tʼamagboji-ma, tʼamatama-ma, tʼamakache̩-ma, tʼabo Juda, tʼabo ku ma dodo Je̩rusale̩m.

Je̩re̩maya 32:32 Iomraidhean Croise

E̩zra 9:7

Akwʼe̩gba amata-wa a te̩te̩dʼef abi inai-na eje̩ gbogbo tʼojolu eñini; todu agbo̩-ni-wa le̩ oñ ma mʼawa kpai amonu-wa kpai amatama-wa ko nyʼamonu ojane̩ ojane̩ o̩wo̩, ma mʼawa ko ñw o̩kwo̩cha-geli kpʼamu, kpʼinya eda, kpʼeju etunyʼane̩, alu ki ño̩ de̩ eñini-i ge̩.

Aizaya 1:23

Amajo̩fe̩-we̩ chane̩ ena ma chʼame̩numa amajoji. E̩ne̩ne̩ne̩ne̩-ma achalu obi eje̩ oñ ma jʼara tʼe̩wñ ki nʼe̩wñ eje̩ efu ubi. Ma gbʼomu abo ku ma ma nʼata n ka n, o̩la o̩yaukuo̩ko̩ atetʼugbo ma n.

Aizaya 22:1

O̩la O̩go̩ Ane̩ Ego de̩. E̩wñ chʼuwe̩ kʼe̩ mute̩gu tʼojokunyi jali-i?

Je̩re̩maya 2:26

Alu kʼanyo̩ amu ajoji e̩gba kʼamone̩ fʼu li, abe̩le̩ oñ anyo̩ amu abo unyi Israe̩l: ama kpʼamonu-ma kpʼamagboji-ma kpʼamatama-ma kpʼamakache̩-ma,

Je̩re̩maya 44:17

A muda ache teju o̩la du ki kwef alu-wa dufu tila, kʼa gu otulale jo ñw onu onobule̩ e-efojale, kʼa la kʼe̩wñ iche̩bo̩ omi dajane̩ ñw u, alu kʼa te̩tache, awa kpʼamata-wa, amonu-wa kpʼamagboji-wa ewo ewo Juda, kpʼo̩na o̩na Je̩rusale̩m, todu e̩gba le̩ a nʼuje̩wñ e̩kute̩, i la ra ñw a, oñ a ma li e̩wñ e̩bie̩ne̩ n.

Je̩re̩maya 44:21

Otulale ku me̩ gujo ewo ewo Juda kpʼej o̩na o̩na Je̩rusale̩m, ame̩ kpʼamata-me̩, kpʼamonu-me̩ kpʼamagboji-me̩, kpai amone̩ ane̩ le̩ du, Jihofa rewa n? Ibe-wñ la tʼe-le̩ n?

Je̩re̩maya 7:17

E̩ li e̩wñ kʼama jʼache ewo ewo Juda, kpai ej o̩na ej o̩na Je̩rusale̩m-i n?

Izikie̩l 22:6

Go, amidachi Israe̩l ef uwe̩, alu du kʼukpahiu e̩ne̩ne̩ne̩ne̩ de̩ i la dʼe̩do̩-wñ tʼe̩bie̩ edafo.

Danie̩l 9:16

O Ondu, nagbo̩ko̩bʼe̩, uwe̩do̩-we̩ kpʼe̩do̩fulu-we̩ ki narida bʼewo-wa Je̩rusale̩m te̩, owñ chʼuwo-we̩ kiafo̩-i, teju alu kʼo̩kpakpa-we̩ chaka de̩. Todu Je̩rusale̩m kpʼamone̩-we̩-i mud ina ñw abo du ku ma jo̩ lʼuwa daka noji adure-wa kpai udu kʼamata-wa fe̩.

Danie̩l 9:6

a la netirʼamadu-we̩ amakache̩ ku ma ko̩la ñw amonu-wa kpʼamagboji-wa kpʼamata-wa kpʼamone̩ ane̩-i chaka ef odu-we̩ n.

Danie̩l 9:7

O Ondu, uwe̩ nʼo̩kpakpa, e-wa chʼeju anyo̩, alu ki de̩ eñini-i ñw aboke̩le̩ Juda kpʼabo ku ma dodo Je̩rusale̩m kpʼabo Israe̩l ku ma me̩rʼanane̩ kpai abo ku ma jʼo̩najiji chaka, ojane̩ ojane̩ ugbo du kʼe̩ ne ma ru tod ada-we̩ ku ma je̩.

Danie̩l 9:8

O Ondu, eju anyo̩ chʼe-wa kpʼe-amonu-wa kpʼamagboji-wa kpʼamata-wa todabu kʼa fʼuwe̩ dure.