Je̩re̩maya 32:29 - O̩TAKADA O̩LA O̩JO̩ 1970

²⁹ Oñ abo Kaldia ku ma kʼogu bʼewo-i awa dʼuna tʼewo-i, ma la agʼu jo, manyʼunyi unyi-wñ ugbo ku ma kʼotulale wa ñwu Beal, ku ma laño̩ kʼe̩wñ iche̩bo̩ omi wa dafo ñw amo̩jo̩ omune̩ ojokunyi-wñ le̩ ku ma nyʼumi uwe̩do̩.

Je̩re̩maya 32:29 Iomraidhean Croise

2 Amonu 25:9

I la fʼunyi Jihofa gujo, kpai unyi onu; kpai unyi du ki jo̩ Je̩rusale̩m, owñ chʼunyi lile du, i fʼu gujo rinyo̩.

2 Iko Iko E̩wn 36:19

Taku ma fʼunyi O̩jo̩ gujo rinyo̩, oñ ma fʼaku Je̩rusale̩m gulo̩ wane̩, ma la fʼuna tʼunyi alifia-wñ chaka agujo rinyo̩, oñ ma fʼe̩wñ eku-wñ e-o̩me̩me̩le̩ chaka kpabie̩ rinyo̩.

Nihe̩maya 8:16

Abe̩le̩ amone̩ le̩ le dufu, oñ ma mʼu ko wa amʼebu ebu ñw o̩la-ma, e̩ne̩ne̩ne̩ne̩ fʼe̩bu-wñ mu oj unyi-wñ kpai ef ologbo-wñ kpai ef ologbo unyi O̩jo̩ kpai ugbo̩da Alaku Omi kpai ugbo̩da Alaku Ifraim.

Aizaya 22:1

O̩la O̩go̩ Ane̩ Ego de̩. E̩wñ chʼuwe̩ kʼe̩ mute̩gu tʼojokunyi jali-i?

Je̩re̩maya 11:17

Todu Jihofa ki nʼe̩wñ du, kʼi dʼuwe̩ gbe̩, tʼojomu-wñ ka kʼe̩bie̩ne̩ ake̩re̩bʼe̩, tod e̩wñ bie̩ne̩ kʼabo unyi Israe̩l kpʼabunyi Juda che ñw o̩la-ma, owñ chʼotulale egujo ñwu Beal ku ma biʼumi eju.

Je̩re̩maya 17:27

I muda che̩wñ ku me̩ ma anetirʼumi ku me̩ ma fʼo̩jo̩ uñmi de kʼi fo̩ n, ku me̩ ma la we enʼadu gudu lʼalaku alaku-i wa Je̩rusale̩m o̩jo̩ uñmi n, maku nafʼu na ko alaku-wñ alaku-wñ-i, oñ e-le̩ ako unyi ojima Je̩rusale̩m mi; i akpalu n.

Je̩re̩maya 19:13

Oñ unyi unyi Je̩rusale̩m, kpʼunyi unyi amonu Juda ku ma fʼu daji le̩ adab uña Tofe̩t, owñ chʼunyi du ku ma gu otulale jo ñw uwewe e̩wñ ojale, ku ma la dʼomi iche̩bo̩ danyu ñw amo̩jo̩ omune̩ ojokunyi-wñ.

Je̩re̩maya 21:10

Todu u fʼeju-mi kparʼewo-i tod e̩bie̩ne̩, i chʼutodu e̩nyo̩ n, Jihofa ka-i; ma adʼu tef o̩wo̩ onu Babilo̩n owñ la anʼuna gujo rinyo̩.

Je̩re̩maya 30:14

Amonuku-we̩ o̩lali chaka gbenyo̩ we̩ me̩; ma tene o̩lafia-we̩ n; agbe kʼe̩nebi achʼone̩ oñ omi chʼuwe̩, u ko̩ we̩ o̩la alu kʼe̩no̩lachi ako̩ one̩ o̩la, todabu kʼadure-we̩ nana nyo̩gba.

Je̩re̩maya 32:3

Todu Ze̩de̩kaya, onu Juda, fʼu dahi tʼo̩mo̩ kakini, E̩wñ chi kʼuwe̩ akache̩ kʼe̩ kakini, Abu ki Jihofa ka de̩, kakini, Go omi adʼewo-i tʼef o̩wo̩ onu Babilo̩n; owñ la afʼu du;

Je̩re̩maya 34:2

Abu ki Jihofa, O̩jo̩ Israe̩l, aka de̩ kakini, Lo, kʼe̩ ko̩la ñwu Ze̩de̩kaya, onu Juda, kʼe̩ ka ñw u kakini, Abu ki Jihofa aka de̩, kakini, Go, nadʼewo-i tʼo̩wo̩ onu Babilo̩n, owñ la anʼuna fʼu gujo;

Je̩re̩maya 39:8

Tak abo Kaldia nʼuna fʼunyi onu kpʼunyi unyi abo ki bo̩ gujo, ma la fʼaku Je̩rusale̩m kpo̩fo̩ wane̩.

Je̩re̩maya 44:25

abu ki Jihofa ki nʼe̩wñ du, O̩jo̩ Israe̩l, aka de̩, kakini, Ame̩ kpʼamo̩ya-me̩, ejeji-me̩ nʼalu-me̩ ko̩la, me̩ la nʼo̩wo̩-me̩ che teju-wñ, kakini, Oji kʼa da a ara tila, owñ chʼotulale egujo ñw onu onobule̩ e-efojale, kpʼe̩wñ iche̩bo̩ omi eko dajane̩ ñw u; me̩ fʼoji ku me̩ da lonyane̩, ku me̩ ra ke.

Je̩re̩maya 52:12

Tak o̩jo̩ e̩ke̩gwa ochu e̩ke̩lu, kʼi chʼo̩do Ne̩biukadre̩za, onu Babilo̩n, e̩ke̩gwe̩la, Ne̩biuzaradan, agboji abide kʼi adago o̩gba onu Babilo̩n, lewa Je̩rusale̩m.

Je̩re̩maya 52:13

Oñ i fʼunyi Jihofa gujo kpʼunyi onu, kpʼunyi unyi Je̩rusale̩m chaka; i fʼuna tʼunyi lile du ki fʼu gujo rinyo̩.

Je̩re̩maya 7:17

E̩ li e̩wñ kʼama jʼache ewo ewo Juda, kpai ej o̩na ej o̩na Je̩rusale̩m-i n?

Je̩re̩maya 7:18

Abimo̩to̩ achʼiji wa, amata-ma la akʼuna, abobule̩ la afʼomu ku ma chʼakala ñw onu onobule̩ e-efojale, ku ma laño̩ dʼomi dafo ñw amo̩jo̩ omune̩, kʼama ki bi mi eju.

Edinaku 4:11

Jihofa che teju e̩do̩fulu-wñ kpa, i mʼuwe̩do̩-wñ ki kpuna le̩ ko dajane̩; i laño̩ fʼuna ko Zayo̩n, e-kʼi fʼe̩rane̩-wñ lie̩ rinyo̩.

Izikie̩l 23:47

Tak o̩wo̩ amone̩ le̩ akʼokuta ro̩do ma, ku ma la nʼo̩kwo̩chageli gwo ma da jʼane̩; ma la akʼamo̩ma-ma e̩ne̩ke̩le̩ kpʼonobule̩ kpa, oñ ma anʼuna gu unyi unyi-ma jo.

Matiu 22:7

Tak onu le̩ we̩do̩, oñ i fʼabogu-wñ kpe̩ nyʼakpʼamakpʼone̩ le̩ rinyo̩, i la fʼewo-ma gujo.

E̩wñ kʼAme̩nukpuche̩ Che 10:9

O̩jo̩ñwa-wñ abu ku ma tʼej o̩na alo ku ma la me̩ru ewo le̩ awa, Pita mute̩gu tʼoj unyi kʼi chadua, e̩gba le̩ dab auwa e̩ke̩fa.

Abo Hibru 3:16

Todu e̩ne̩ gbo̩ kʼi ño̩ nyi e̩do̩ ulukoko wa? I la chʼo̩chaka amone̩ ku ma kwef Ijipti wa lugbo Mose̩s le̩ n?