Je̩re̩maya 30:21 - O̩TAKADA O̩LA O̩JO̩ 1970

²¹ E̩nojima-ma achʼe̩ne̩ e-ma onugo, alumeji e-ma onugo oñ e̩nuto̩gba akwo; u la aje̩ ñw u te̩ wa, tak i ate̩ me̩ru mi, todu e̩ne̩ te̩te̩nʼe̩do̩ kʼi ate̩me̩ru mi? Jihofa aka-i.

Je̩re̩maya 30:21 Iomraidhean Croise

Abakwane̩ 18:27

Tak Ebraham dohi kakini. Go ta, ibenu naje̩ kʼu ko̩la ñw Ondu-i, omi kʼu chʼebutu kpai elulu.

Abakwane̩ 18:30

Tak i kakini, O̩la kʼu naka-i i ki bi Ondu eju n. Ikani ma fʼone̩ ogue̩gwa li o̩mo̩ fa? Oñ i kakini, Iche̩wñ kʼu fʼone̩ ogue̩gwa li o̩mo̩ nache n.

Abakwane̩ 18:32

Tak i kakini, I ki bi Ondu eju n, kʼu nako̩la onukate ta. Ikani ma fʼone̩ me̩gwa li o̩mo̩ fa? Oñ i kakini, Nakpʼo̩ bie̩ n todu one̩ me̩gwa le̩.

Abakwane̩ 49:10

Okute̩ akwo bo̩ Juda te̩ n, e̩ne̩ ki adʼo̩da wa akwo bʼagbagba e̩re̩-wñ te̩ n, gbogbo taku Shailo lewa; owñ le̩ oñ amone̩ du agbʼo̩la-wñ gbo̩.

2 Samiue̩l 7:13

Owñ le̩ akʼunyi tod odu-mi, oñ omi ahi ede o̩fe̩ ojane̩-wñ e̩re̩ nyane̩ ogbegbele̩.

E̩zra 2:2

Abo le̩ kpe̩re̩ wa kpai Zerubabe̩l kpai Je̩shua kpai Nihe̩maya kpai Se̩raya kpai Ree̩laya kpai Mo̩rde̩kai kpai Bilshan kpai Mispar kpai Bigfai kpai Rehum kpai Beana. Aluka aboke̩le̩ abo Israe̩l le̩ de̩:

Nihe̩maya 7:2

kʼomi dʼo̩da Je̩rusale̩m tʼo̩wo̩ o̩maye-mi Hanani, kpai Hanana-ya ki chʼagboji unyi onu; todu owñ chʼe̩ne̩ ki achubi one̩, i la arailo O̩jo̩ tʼamone̩ wewe le.

Eli Eko̩ DʼO̩jo̩ 65:4

E̩ne̩ kʼuwe̩ achi kʼi te̩wa kʼi gugu ef ologbo-we̩, gbede! E̩nyo̩ unyi-we̩ abʼuwa jo̩, owñ chʼunyi-we̩ kiafo̩ le̩!

Eli Eko̩ DʼO̩jo̩ 89:29

Naje̩ ñw ugbe̩-wñ ki do̩mo̩ gbogbo alo oñ ede-wñ akpo̩kpe̩ dabe̩ne̩ kʼo̩jo̩ñwa o̩jo̩ñwa efojale akpo̩kpe̩.

Akwodufu 3:5

Tak i kakini, E̩ ki te̩me̩rʼemi n; mʼe̩da-we̩ gwo̩ bʼe̩re̩-we̩ te̩, todu uña ugbo kʼe̩ dago le̩ chʼane̩ ki afo̩.

Aizaya 63:1

E̩ne̩ kwʼIdo̩m awa-i? kʼi nyʼe̩wñ o̩la ekpikpa chuaa kʼi kwo Bo̩zra awa-i? Owñ ki nʼe̩gahi ef e̩wñ o̩la-wñ? kʼi adʼe̩re̩ nyʼane̩ ef unana ukpahiu-wñ awa-i? Omi ki ako̩la o̩kpakpa de̩, kʼu chʼagbiti ugbo one̩ ejadu.

Je̩re̩maya 30:9

Ma muda are̩ Jihofa O̩jo̩-ma kpai Defid onu-ma, kʼomi adʼu kwane̩ todu ma.

Je̩re̩maya 33:15

Iko le̩ kpʼe̩gba le̩, naje̩ ñw Epa O̩kpakpa kʼi pa ñwu Defid; owñ le̩ ache teju alu kʼoji ajo̩ o̩kpakpa ka, i la ache e̩wñ o̩kpakpa oj ane̩-i.

Je̩re̩maya 49:19

Go, i ate̩gu wa dab idu kwʼuwobi Jo̩rdan kʼi ako̩bʼo̩do̩ ki gbiti le̩; todu naje̩ ñw ma ra kwʼugbo-wñ achi-gili; oñ nadʼo̩da-wñ ñw e̩ne̩ kʼomi achi. Todu e̩ne̩ dab omi? E̩ne̩ ñʼadʼ iko ñw mi? E̩ne̩ chʼadidala kʼi adago o̩gba-mi?

Je̩re̩maya 50:44

Go, i awa dabe̩ne̩ kʼidu kʼi akwefʼuwobi Jo̩rdan wa kʼi kobʼugbo kʼone̩ adodo kʼi gbiti le̩ ma; todu omi aje̩ ñw ma ra bʼo̩ te̩ achigili. Oñ e̩ne̩ ku ma chi, e̩ne̩ le̩ nadʼu chʼagboji-wñ. Todu e̩ne̩ dab omi? E̩ne̩ la adʼiko ñw mi? Ugbo adidala kʼi la neke dago o̩gba-mi de̩?

Izikie̩l 37:24

Taku Defid, adu-mi, ajʼonu-ma, o̩chaka-ma la anʼadide okate; ma la alule̩ tʼeju oji ajo̩-mi o̩kpakpa, ma la ade e̩wñ uhio̩me̩-mi, ku ma che teju-wñ.

Hosiya 1:11

Taku ma akʼamo̩ma Juda kpʼamo̩ma Israe̩l wa jʼugbokate, oñ ma achi e̩ne̩ ka kʼi chʼagboji-ma; taku ma akwo bʼojane̩ le̩ te̩, todu iko Je̩zree̩l le̩ atabale.

Ekaluka 16:40

kʼi chʼe̩wñ urewa ñw abo Israe̩l, todu kʼe̩ne̩ ejaduña du kʼi ma dʼef ugbe̩ Aro̩n in, kʼi we ete̩ me̩ru kʼi gu e̩wñ ki akpo jo eju Jihofa; kʼi we ede̩ alu ku Ko̩ra kpai ame̩numana-wñ de̩—owñ chʼalu ku Jihofa ñwa ñwu E̩leaza lugbo Mose̩s le̩.

Ekaluka 16:5

oñ i ka ñwu Ko̩ra kpai ame̩numana-wñ kakini, Odudu Jihofa aña wa abo ki chʼabo e-wñ, kpai e̩ne̩ kiafo̩, oñ i aje̩ ñw e̩ne̩ le̩ ki te̩me̩rʼuwñ, e̩ne̩ kʼi du i aje̩ ñw e̩ne̩ le̩ te̩me̩rʼu.

Matiu 2:2

Ugbo e̩ne̩ ku ma bi kʼi chʼonu amaJu de̩? todu a li awo-wñ o̩wo̩ olodudu oñ a wa adojikane̩ ñw u-i.

Matiu 27:37

Taku ma fʼolubutu o̩la e̩wñ ki chi du tʼugbo oji-wñ ate̩ kakini: OWÑ-I CHE JISUS, ONU AMAJU.

Matiu 3:17

Me̩ la go, omuko̩laʼka ka kwʼefojale kakini, Owñ-i chʼO̩ma ufe̩do̩-mi e-kʼu fʼuyo̩-mi li ef uwñ.

Luku 24:26

Idukpe̩ ku Kraist ali uwa ugbo e̩wñ-i tila n? kʼi laño̩ mugudu tef ojima-wñ n?

E̩wñ kʼAme̩nukpuche̩ Che 5:31

O̩jo̩ nʼo̩wo̩-wñ awo̩to̩ mʼowñ le̩ dudago kʼi mud Uchane̩ kpʼE̩najadu, kʼi dʼibe enda kpʼadure eto̩no̩ ñw abo Israe̩l.

Abo Rom 8:34

e̩ne̩ akpʼabi? Kraisti Jisus kʼi leku ku ma la mʼu du dajikwane̩, kʼi ño̩ dʼo̩wo̩ awo̩to̩ O̩jo̩, kʼi lañʼacholugu todu wa?

O̩lo̩da Eduwa Onukeji 17:15

e̩ne̩ ki Jihofa O̩jo̩-we̩ achi, owñ le̩ kate oñ uwe̩ adu jʼonu-we̩. E̩ne̩ʼka ef amo̩maye-we̩ oñ uwe adu jʼonu-we̩; i nʼugbo du kʼuwe̩ adʼononojo kʼi ma chʼo̩maye-we̩ n jʼonu-we̩ n.

O̩lo̩da Eduwa Onukeji 18:18

Nadʼakache̩ kʼi dab uwe̩ kwane̩ kwef amo̩maye-ma ñwu ma; tak u nadʼo̩la e-mi tef alu-wñ oñ i akʼe̩wñ du kʼu nañwa ñw u ñwu ma.

O̩lo̩da Eduwa Onukeji 33:5

Oñ i mud onu efu Je̩shurun, e̩gba kʼabo ku ma dʼoji dufu ef amone̩ le̩ wa jeju jo̩, kʼabo o̩lo̩pu o̩lo̩pu Israe̩l chaka jʼugboʼkate.

Abo Hibru 1:3

abu kʼowñ chʼo̩gaa e-ojima-wñ, alu kʼonugo onugo O̩jo̩ de̩ alu le̩ i de̩ che̩ che̩ che̩, i laño̩ mʼe̩wñ du gbane̩ lef o̩la ukpahiu-wñ, abu kʼi fʼe̩gwe̩hiolo e-adure che kpa, i kwogugu o̩wo̩ awo̩to̩ inaina ef uña atate̩-i,

1 Jo̩n 2:2

owñ la chʼe̩wñ unyie̩do̩ tod adure-wa, i muda chʼutodu e-wa kate n, chai todu abo ile̩ du ge̩.

O̩la E̩bite 19:16

Oñ i chenʼodu ki che̩ko̩ o̩lʼotogbo-wñ kpʼoj uta-wñ kakini, Onu amonu, kpai Ondu amodu.