Je̩re̩maya 29:11 - O̩TAKADA O̩LA O̩JO̩ 1970

¹¹ Todu u chema ibe kʼu kpe̩ todu me̩, Jihofa ka-i, owñ chʼibe o̩lafia, i la chʼibe e̩bie̩ne̩ n, kʼu dʼukibeno ñwu me̩ tod ukpoji-me̩ otitala.

Je̩re̩maya 29:11 Iomraidhean Croise

Job 23:13

Owñ muda dʼalu kʼi de̩, e̩ne̩ la neke rʼo̩ ida? E̩wñ ki dʼonugo-wñ e̩do̩, e-le̩ i ache.

Eli Eko̩ DʼO̩jo̩ 33:11

O̩la ki Jihofa alo adago ogbegbele̩, ibe kʼi akpe̩ ef e̩do̩-wñ adago gbogbo nyʼo̩gba o̩gba du.

Eli Eko̩ DʼO̩jo̩ 40:5

O Jihofa O̩jo̩-mi, uwe̩ je̩ ñw uko̩lo̩-we̩ ki fiteju kpai ibe-wa kʼe̩ kpe̩ ki nana nyʼo̩gba; i jʼacholi jo̩ ñw e̩ n! U ma dʼu kadufu, kʼu ma dʼu chʼoluka, i ma tʼekaluka le.

Eli Eko̩ DʼO̩jo̩ 85:9

Ujadu-wñ cheme̩ru abo ku ma railo-wñ, kʼojima ki dodo oj ane̩-wa.

Aizaya 27:4

U nʼuke̩do̩fulu n. I ma chʼiñwa kpai ikeke kogu wa aba mi! Omi ma nyʼakobʼuma, omi ma fʼuma gujo alukate.

Je̩re̩maya 23:5

Go, o̩jo̩-wñ awa, Jihofa aka-i, e̩gba kʼomi adʼE̩pa o̩kpakpa kwane̩ ñwu Defid, tak owñ le̩ ajʼonu, i la ache e̩wñ ibeibe, i la ache e̩wñ tʼeju alu kʼoj ajo̩ ku ma dute̩ ka, kpai e̩wñ o̩kpakpa oj ane̩-i.

Je̩re̩maya 23:6

Iko-wñ le̩ ma ajadu Juda, oñ Israe̩l agugu to̩ko̩o̩. Odu ku ma adʼo̩ le̩ de̩ kakini, Jihofa O̩kpakpa E-wa.

Je̩re̩maya 24:5

Abu ki Jihofa O̩jo̩ e-Israe̩l aka de̩ kakini, Dabe̩ne̩ kʼe̩ro o̩gbaikolo e o̩me̩me̩le̩-i, abe̩le̩ oñ abo ku ma ño̩ bi Juda te̩ ade̩ eju-mi, owñ chʼabo kʼu ko kpuche̩ kwʼugbo-i nyʼane̩ abo Kaldia kʼi chenyo̩ ñwu ma.

Je̩re̩maya 30:10

Todule̩, uwe̩, O Jeko̩b adu-mi, e̩ ki railo n, Jihofa aka-i, e̩do̩-we̩ ki da kpu n, O Israe̩l; todu go, najadu we̩ kwʼo̩najiji, kpʼamugbe̩-we̩ kwʼojane̩ ugbo ku ma jef amu le̩. Jeko̩b la adabi, i la anʼuñmi kʼi agugu yo̩o̩, e̩ne̩ du la anyʼo okpo n.

Je̩re̩maya 30:9

Ma muda are̩ Jihofa O̩jo̩-ma kpai Defid onu-ma, kʼomi adʼu kwane̩ todu ma.

Je̩re̩maya 33:6

Go nafʼikete-ma ji kʼu fʼu kpa, oñ nachʼo̩ga-ma kpa; tak u nadʼure̩do̩ kpʼochochi ololo ololo tejugede ñwu ma.

Edinaku 3:26

i chenyo̩ kʼone̩ ki kibeno kʼi laño̩ nʼede ujadu Jihofa yo̩o̩;

Izikie̩l 11:16

Todule̩ uwe̩ ki kakini, Abu kʼOndu Jihofa ka de̩ kakini, Dagba u chaka mʼuma ño̩ rʼo̩najiji ef abo uche̩ichi, kʼu fʼuma fiatuka rʼojane̩ ojane̩ du, u muda chʼuña kiafo̩ iko re ojane̩ ojane̩ ugbo ku ma wa jo̩ le̩.

Hosiya 3:5

Ubile̩ tak amo̩ma Israe̩l adabi, oñ ma atejane̩ Jihofa O̩jo̩-ma kpai Defid onu-ma; ma la awʼugbo Jihofa kpai ugbo e̩nyo̩-wñ iko o̩jo̩ otitala kpʼailo era.

Maika 4:12

Ma muda ma ibe ki dʼefu Jihofa n, ma la mʼoji o̩la kʼi lo kpʼama n, todu owñ ko ma wa jo̩ alu ku ma ko uti o̩ka wʼugbo ku ma gwu.

Ze̩karaya 1:6

Uko̩la-mi kpai e̩wñ uhio̩me̩-mi, e-kʼomi ñwa ñw amadu-mi amakache̩ le̩ fa, i mʼamata-me̩ n? Taku ma murida kakini, Alu ki Jihofa ki nʼe̩wñ du ñwa ef e̩do̩-wñ kʼi che wa, teju alu kʼo̩na o̩na kʼa le de̩ kpai alu kʼe̩wñ kʼa ache de̩, abe̩le̩ i che wa.

Ze̩karaya 13:9

Tak omi adʼukpe̩ru e̩ke̩ta le̩ nyʼef una, oñ nafʼuma gwe̩ alu ku ma gwe̩ ajifa, u la ajʼuma ma alu ku ma jʼo̩jamalia ma. Ma akwadʼodu-mi, tak u nagbʼomu-ma. Omi akakini, Abo-mi de̩; oñ ma akakini, Jihofa chʼO̩jo̩-mi.