Je̩re̩maya 27:9 - O̩TAKADA O̩LA O̩JO̩ 1970

⁹ I la chʼe-ame̩, me̩ ki we enetirʼamakache̩-me̩ kpʼamabifa-me̩ kpʼamano̩na-me̩ kpʼabo ku ma gʼakpa ojale kpʼamochu-me̩ ku ma jʼaka ñwu me̩ kakini, Ame̩ are̩ onu Babilo̩n in.

Je̩re̩maya 27:9 Iomraidhean Croise

Akwodufu 22:18

E̩ ki je̩ ñw ajochu kʼi deju n.

Akwodufu 7:11

Taku Fero fʼamanibe kpai amachobochi do̩ wa; oñ ama, amachifamu Ijipti le̩, ño̩ ne̩ e̩wñ ifamu-ma chʼabe̩le̩ ge̩.

Ita, Ita 19:27

O̩ma-mi, we o̩la ku ma kʼone̩ egbo̩ tak e̩ na bʼo̩la e̩wñ ema te̩.

Aizaya 8:19

Tak e̩gba ku ma aka ñw e̩ kakini, E̩ natene ugbo abo ku ma dʼaje̩nu kpai abo ku ma dʼe̩bo̩ ku ma ko̩la etikpo̩gu kpai abo ku ma ko̩la ñw o̩la-ma: i dukpe̩ kʼamone̩ atene ugbo o̩jo̩-ma n? Ma ñʼatʼabo ki ku ene tod abo ki deju?

Je̩re̩maya 14:14

Taki Jihofa ka ñw mi kakini, Olemi oñ amakache̩ jʼakache̩ ef odu-mi le̩; i chʼomi kpʼuma uche̩ n, omi la ñwa ñw ma n, u la ko̩la ñw ma n. Ane̩ ego e-olemi oñ ma jʼakache̩ ñw me̩ le̩, ifa ibe̩te̩ ma bo̩ le̩, ibe eda e-ma oñ ma ka ñw me̩ le̩.

Je̩re̩maya 23:16

Abu ki Jihofa ki nʼe̩wñ du aka de̩, kakini, Me̩ ki ne̩tirʼo̩la amakache̩ ku ma kache̩ ñw me̩ le̩ n. Ma ko̩ me̩ e̩wñ o̩wai ofo; ane̩ ego ku ma go ef ibe e-ma ma ka, i la kwʼugbo alu Jihofa n.

Je̩re̩maya 23:25

U gbʼe̩wñ kʼamakache̩ ku ma kache̩ olemi ef odu-mi ka, ma kakini, U fʼo̩na na, u fʼo̩na na me̩!

Je̩re̩maya 23:32

Go, omi chʼe̩nagwunyʼabo ku ma kache̩ o̩na ku ma na olemi ofo, Jihofa aka-i, oñ ma mʼu du ka, ku ma la nʼolemi-ma kpʼuba-ma ibe̩te̩ kʼamone̩-mi la. I la chʼomi kpʼuma uche̩ n, u la ñwa ñwu ma abe̩le̩ n, ma la nʼile du ñw amone̩-i n, Jihofa aka-i.

Je̩re̩maya 29:8

Todu abu ki Jihofa ki nʼe̩wñ du, kʼi chʼO̩jo̩ Israe̩l, aka de̩, kakini, Ame̩ ki je̩ ñw amakache̩-me̩ kpʼamabifa-me̩ ku ma jʼef ume̩ le̩ gba me̩ ibe n; me̩ ki la netirʼo̩na ki nyo̩ me̩ eju ku me̩ na le̩ n,

Izikie̩l 21:29

abu ku ma jʼali e̩wñ ane̩ ego e-olemi todu we̩, ku ma la bʼuwe̩ ifa olemi, ku ma dʼuwe̩ dachi nʼo̩lo̩ ame̩ne̩bibi kʼagbe̩ uku dʼo̩la-ma, e-kʼiko-ma jo̩ me̩, owñ chʼiko ku ma abʼudu ñwu ma iko otitala le̩.

Danie̩l 4:7

Tak amachifamu kpai amade̩bo kpai abo Kaldia kpai amake̩ma lewa; oñ u mʼo̩na kʼu na du ka jane̩ ñw ma; ma muda kʼofe-wñ ñw mi n.

Maika 3:7

E̩gbale̩ ukata abo ku ma gʼane̩ la achi, oñ anyo̩ amu amabifa; ochochi, o̩chaka-ma afʼo̩wo̩ bʼalu ma, todu i nʼohi du kʼO̩jo̩ adu ñwu ma n.

Ze̩karaya 10:2

Todu amude te̩tako̩la ibe̩te̩, oñ amabifa fʼolemi li; ma kʼoji o̩na olemi, ma nyʼone̩ e̩do̩ ibe̩te̩ ofo. Todule̩ ma alo waa dab ame̩wño̩re̩ egini; ma chʼo̩bata ukpe̩ kʼadidala ma do̩mo̩ n.

Malakai 3:5

Tak omi ate̩me̩rʼume̩ tod ajo̩; oñ nagbibenu piopio nyʼamochu, kpai abo ku ma tene o̩ya one̩ kpai abo ku ma go̩ olemi kpai abo ku ma che abuko̩lo̩ uji ef o̩me̩ ku ma ra ñwu ma, kpai abo ku ma che o̩yaukuo̩ko̩ kpai e̩ne̩ ki ma nʼata n uji; kpai abo ku ma fʼilowa ke̩che̩ tʼo̩wo̩ʼka, ku ma ma la railo mi n, Jihofa ki nʼe̩wñ du ka-i.

E̩wñ kʼAme̩nukpuche̩ Che 8:11

Oñ ma nadibetʼowñ todu i nʼe̩wñ ifamu le̩ fʼuma ibe kpatuka kpo̩kpe̩ me̩.

Abo E̩fe̩sus 5:6

Me̩ ki je̩ ñw e̩ne̩ du ne̩ o̩la ofofo mʼume̩ ibe da n; todu lef e̩wñ-i oñ uwe̩do̩ O̩jo̩ awa bʼamo̩ma uko̩ egbo̩lagbo̩ oji ma.

O̩lo̩da Eduwa Onukeji 13:2

tak ujiwe abe̩k e̩wñ uno̩ kʼi ka ñw e̩ wache̩, tak i aka ñw e̩ kakini, Wa, kʼa tʼamo̩jo̩ omune̩ kʼame̩ ma ma ma n ubi, kʼa re̩ ma,

O̩lo̩da Eduwa Onukeji 18:14

Todu abo uche̩ichi ichi kʼuwe̩ abʼuma gbʼane̩-i netirʼamagegugile̩ kpai amabifa; i muda chʼuwe̩, Jihofa O̩jo̩-we̩ je̩ ñw e̩ che abe̩le̩ n.

Jo̩shua 13:22

Belam o̩ma Beo̩r ge̩, ake̩ma le̩, abo Israe̩l ño̩ mu Belam o̩ma Beo̩r ake̩ma le̩ du kpa ugbada efu abo-ma ki bo̩ ku ma kpa le̩.

O̩la E̩bite 18:23

I la nugbo du kʼugane̩ agege atejugede ef uwe̩ ge̩ n; i nugbo du ku ma ñʼagbo̩ omuko̩la o̩ko̩ya-etito̩ kpʼo̩ya etito̩ ef uwe̩ ge̩ n; todabu kʼamachinyama e-we̩ chʼame̩ne̩lile ane̩-ile̩; todabu kʼe̩wñ obochi-we̩ mʼabo uche̩ichi du ko la.

O̩la E̩bite 21:8

I la chʼe-amachokpo, kpʼabo ku ma ko ke̩do̩no, kpʼabo ihie̩ne̩, kpʼamakpone̩, kpʼame̩-nabutabu, kpʼamachobochi, kpʼamachode, kpʼamaremi chaka, ukpe̩ e-ma chʼef ubu ki ajo una kpai itolu; e-le̩ chʼuku ekeji.

O̩la E̩bite 22:15

Amabia kpʼamachobochi kpʼame̩-nabutabu kpʼamakpone̩ kpʼamachode kpʼe̩ne̩ du ki ache̩do̩ e̩wñ olemi ki laño̩ che jʼo̩do̩da-wñ.

O̩la E̩bite 9:21

ma la ribeda kwef one̩ ekpa-ma n, abe̩ku kwef obochi-ma eche n, abe̩ku kwef e̩wñ abutabu-ma eche n, abe̩ku kwef oji-ma eji n.