Je̩re̩maya 27:10 - O̩TAKADA O̩LA O̩JO̩ 1970

¹⁰ Todu ache̩ olemi ma ka ñwu me̩ le̩, kʼama ki mʼume̩ ño̩ bʼane̩-me̩ te̩ nyʼo̩najiji, kʼomi ki ne me̩ dufu, kʼame̩ ki lenyo̩.

Je̩re̩maya 27:10 Iomraidhean Croise

Akwodufu 22:18

E̩ ki je̩ ñw ajochu kʼi deju n.

Je̩re̩maya 14:14

Taki Jihofa ka ñw mi kakini, Olemi oñ amakache̩ jʼakache̩ ef odu-mi le̩; i chʼomi kpʼuma uche̩ n, omi la ñwa ñw ma n, u la ko̩la ñw ma n. Ane̩ ego e-olemi oñ ma jʼakache̩ ñw me̩ le̩, ifa ibe̩te̩ ma bo̩ le̩, ibe eda e-ma oñ ma ka ñw me̩ le̩.

Je̩re̩maya 23:16

Abu ki Jihofa ki nʼe̩wñ du aka de̩, kakini, Me̩ ki ne̩tirʼo̩la amakache̩ ku ma kache̩ ñw me̩ le̩ n. Ma ko̩ me̩ e̩wñ o̩wai ofo; ane̩ ego ku ma go ef ibe e-ma ma ka, i la kwʼugbo alu Jihofa n.

Je̩re̩maya 23:25

U gbʼe̩wñ kʼamakache̩ ku ma kache̩ olemi ef odu-mi ka, ma kakini, U fʼo̩na na, u fʼo̩na na me̩!

Je̩re̩maya 27:14

Me̩ ki la netirʼo̩la amakache̩ n ku ma ka ñwu me̩ kakini, Ame̩ arʼonu Babilo̩n in. Todu ache̩ olemi ma ka ñwu me̩ le̩.

Je̩re̩maya 27:15

Omi kpʼuma uche̩ n, Jihofa aka-i; Ma muda akache̩ olemi ef odu-mi, kʼu ne me̩ dufu ku me̩ lenyo̩, owñ chʼame̩ kpʼamakache̩ ku ma jʼakache̩ ñwu me̩.

Je̩re̩maya 27:16

U ño̩ ko̩la ñw amatama kpʼamone̩-i du kakini, Abu ki Jihofa ka de̩, kakini, Ame̩ ki netirʼo̩la amakache̩-me̩ ku ma kache̩ ñwu me̩ n kakini, Go, ma akʼe̩wñ eku unyi Jihofa dabi kwo Babilo̩n wa faifai, todu ache̩ olemi ma jʼaka ñwu me̩ le̩.

Je̩re̩maya 28:11

Taku Hananaya ko̩la eju amone̩ le̩ du kakini, Abu ki Jihofa ka de̩, kakini, Abe̩le̩ oñ omi agu oli uno̩lo̩ Ne̩biukadne̩za, onu Babilo̩n, che̩ bʼo̩lo̩ abo uche̩ichi uche̩ichi du te̩ gbogbo tak o̩do̩ meji ki jo̩. Taku Je̩re̩maya akache̩ le owñ.

Je̩re̩maya 28:16

Todule̩ abu ki Jihofa aka de̩ kakini, Go, omi adʼe̩ kpuche̩ bʼeju ane̩ ile̩-i te̩. O̩do̩-i pitii oñ uwe̩ aku, todabu kʼe̩ ko̩la ubi edagbo̩ Jihofa.

Je̩re̩maya 32:31

Todu ewo-i tetachʼe̩wñ ki dʼuwe̩do̩ kpʼe̩do̩fulu-mi kwane̩ akwʼo̩jo̩ ku ma ne gbogbo tʼeñini-i; todu kʼu mʼu du bʼumi eju te̩,

Je̩re̩maya 8:19

Gbo̩! omu ukwa omonobule̩ abo-mi ku ma jʼane̩ o̩najiji; Jihofa de̩ Zayo̩n ge̩ n? Onu-wñ dʼef uwñ n? E̩wñ chi kʼama nʼojibo kʼama gbe̩ kpʼe̩wñ o̩wai e-abononojo bi mi eju?

Edinaku 2:14

Amakache̩-we̩ fʼane̩ ego e-olemi kpʼe-idada li todu we̩; ma la bi udu kʼe̩ fe̩ te̩, ku ma rʼamu-we̩ da bʼe̩ te̩ n. Ma muda li ane̩ ego e-olemi kpʼe-ki aje̩ ñw ma fʼe̩ ne bʼane̩-we̩ te̩ li todu we̩.

Danie̩l 4:7

Tak amachifamu kpai amade̩bo kpai abo Kaldia kpai amake̩ma lewa; oñ u mʼo̩na kʼu na du ka jane̩ ñw ma; ma muda kʼofe-wñ ñw mi n.

Ze̩karaya 10:2

Todu amude te̩tako̩la ibe̩te̩, oñ amabifa fʼolemi li; ma kʼoji o̩na olemi, ma nyʼone̩ e̩do̩ ibe̩te̩ ofo. Todule̩ ma alo waa dab ame̩wño̩re̩ egini; ma chʼo̩bata ukpe̩ kʼadidala ma do̩mo̩ n.

Malakai 3:5

Tak omi ate̩me̩rʼume̩ tod ajo̩; oñ nagbibenu piopio nyʼamochu, kpai abo ku ma tene o̩ya one̩ kpai abo ku ma go̩ olemi kpai abo ku ma che abuko̩lo̩ uji ef o̩me̩ ku ma ra ñwu ma, kpai abo ku ma che o̩yaukuo̩ko̩ kpai e̩ne̩ ki ma nʼata n uji; kpai abo ku ma fʼilowa ke̩che̩ tʼo̩wo̩ʼka, ku ma ma la railo mi n, Jihofa ki nʼe̩wñ du ka-i.

O̩lo̩da Eduwa Onukeji 18:10

Ama ki li e̩ne̩ʼka ef ume̩ kʼi aje̩ ñw o̩ma-wñ e̩ne̩ke̩le̩ abe̩k o̩ma-wñ onobule̩ kʼi le gu ef una du n, kpai e̩ne̩ kʼi abifa, abe̩k agegugile̩, abe̩k etikpo̩gu, abe̩k ochu,