Je̩re̩maya 24:9 - O̩TAKADA O̩LA O̩JO̩ 1970

⁹ U la ako ma jo̩ ku ma fʼume̩ ne tʼemi tʼano̩mo̩ nyʼojane̩ ojane̩ abo uche̩ichi uche̩ichi ile̩-i du kʼi bie̩ne̩ ñwu ma, ku ma mud oli ina kpai ita kpai aku kpai ama, ugbo du kʼu nane ma ru.

Je̩re̩maya 24:9 Iomraidhean Croise

1 Amonu 9:7

mak e̩gba le̩ omi akʼabo Israe̩l da bʼoj ane̩ e-kʼomi du ñwu ma-i te̩; tak unyi-i, e-kʼu che kʼi fo̩ tod odu-mi, nadʼu ro̩ tinyo̩ bʼumi eju te̩; tak Israe̩l amud ita kpai icha ugbo amone̩ ojoji ojoji du.

2 Iko Iko E̩wn 7:20

e̩gba le̩ namʼuma chi tʼili tʼili kwʼoj ane̩-mi e-kʼu du ñwu ma; oñ unyi kʼu che ki fo̩ tod odu-mi-i nadʼu rikpolo kwo bʼeju-mi te̩, oñ nadʼowñ chʼita kpʼicha kʼamone̩ du aka.

Eli Eko̩ DʼO̩jo̩ 69:11

E̩gba kʼu kʼe̩gbanukpo chʼe̩wñ ubʼo̩la-mi ma, u mud e̩wñ akwu ekwu ñw ma.

Aizaya 43:28

Todule̩ u fʼamagboji uña kiafo̩ le̩ o̩la bie̩, u la mu Jeko̩b dute̩ ñw O̩jo̩ oñ u mʼIsrae̩l du chʼoli ina.

Aizaya 65:15

Ame̩ la atʼodu-me̩ no̩ tane̩ ñw abo-mi kʼu chi kʼi chʼoli ina ñw ma, todu Ondu Jihofa adʼe̩ kpa; tak i adʼodu ojoji ñw amadu-wñ.

Je̩re̩maya 15:4

Omi la aje̩ ñw ma chʼe̩wñ ku ma ño̩ alo tʼemi tʼemi ojane̩ ojane̩ ile̩-i du, tod e̩wñ ku Manasa, o̩ma He̩ze̩kaya, onu Juda, che Je̩rusale̩m.

Je̩re̩maya 19:8

Oñ Naje̩ ñw ewo-i mud e̩wñ ugoju kpʼe̩wñ ku ma chʼo chui. Ugoju amu e̩ne̩ du ki lale da, ma achʼo chui tod atulubo̩ ki ake̩re̩bʼuma chaka.

Je̩re̩maya 25:18

Owñ che Je̩rusale̩m, kpʼewo ewo Juda, kpʼamonu-wñ kpʼamagboji-wñ, kʼu ko ma chʼegbili e̩lanyi kpʼokuta, kpai e̩wñ ugoju, kpai e̩wñ chui kpai ama, alu ki de̩ eñini-i.

Je̩re̩maya 26:6

mak e̩gbale̩ nachʼunyi-i ki dabu Shailo, oñ nachʼewo-i ki chʼina ñw abo uche̩ichi du ane̩ ile̩-i.

Je̩re̩maya 29:18

Tak u nanʼo̩kwo̩chageli kpai o̩kpo̩ta kpai e̩wñ ibi rano ma, kʼu mʼuma ko jo̩ ku ma ko ma rikpolo tʼemi tʼano̩mo̩ tʼojane̩ ojane̩ ane̩-ile̩ du, ku ma mud e̩wñ ihie̩ne̩ kpai e̩wñ ugoju kpai e̩wñ chui, kpai oli ina ef abo uche̩ichi uche̩ichi du ugbo kʼu ne ma ru le̩.

Je̩re̩maya 29:22

Todu ma, oñ abo ku ma ño̩ kwo Juda nyi Babilo̩n le̩ chaka anʼina-i abu kakini, Jihofa ki dʼuwe̩ ehe kʼe̩ dʼalu ku Ze̩de̩kaya kpai Ehab de̩, owñ chʼabo kʼonu Babilo̩n fu ro̩ ef una,

Je̩re̩maya 34:17

Todule̩ abu ki Jihofa aka de̩ kakini, Ane̩ la netirʼumi kʼe̩ne̩ne̩ne̩ne̩-me̩ ki ka ñw o̩maye-wñ kpʼekeji-wñ ka kʼomi nʼo̩la-mi n; Go, nadʼomi nʼo̩la-mi kpogo ñwu me̩ ugbo o̩kwo̩chageli kpʼe̩wñ ibi kpʼo̩kpo̩ta; oñ naje̩ ñw abo ojane̩ ojane̩ ile̩-i du ku ma ko me̩ jo̩ aro̩ tʼemi tʼano̩mo̩ ef uma.

Je̩re̩maya 42:18

Todu abu ki Jihofa ki nʼe̩wñ du, O̩jo̩ Israe̩l le̩, aka de̩ kakini, Alu kʼu kʼuwe̩do̩-mi kpʼe̩do̩fulu-mi danyʼoji abo ku ma dodo Je̩rusale̩m, abe̩le̩ e̩do̩fulu-mi adanyʼume̩ oji, e̩gba ku me̩ mugudu tʼoj ane̩ Ijipti. Ame̩ la achʼama, kpai awuwu kpai oli ina kpai ina; eju-me̩ la ñʼadʼuña-i ge̩ n.

Je̩re̩maya 44:12

Tak omi akʼabo e̩bo̩bo̩ Juda ku ma fʼeju-ma gwanyi enyʼIjipti ku ma ge̩ne̩ o̩mo̩, ma alie̩ rinyo̩ chaka, ma awane̩, oj ane̩ Ijipti. O̩kwo̩chageli kpʼukpo̩ta ako ma mi. Ama aku akwʼe-ki nya gbogbo wa e-ki nana tule, lʼalu o̩kwo̩chageli kpʼukpo̩ta. Ama la ache ama kpai awuwu kpai oli ina kpai ina.

Je̩re̩maya 44:13

Todu omi abʼudu ñw abo ku ma gugu oj ane̩ Ijipti, alu kʼu bu ñwu Je̩rusale̩m, lʼalu o̩kwo̩chageli kpai ukpo̩ta kpʼe̩wñ ibi.

Je̩re̩maya 44:22

Oñ Jihofa ma ño̩ neke je̩do̩ ge̩ n tod e̩bie̩ne̩ kʼe̩wñ ku me̩ jʼache le̩ bie̩ne̩, kpai todu e̩wñ ihie̩ne̩ ku me̩ che; todule̩ oñ ane̩-me̩ mud alache̩ te̩, kpʼawuwu kpʼoli ina, ugbo kʼone̩ ma dodo n, alu kʼi de̩ eñini-i.

Izikie̩l 23:46

Todu abu kʼOndu Jihofa aka de̩ kakini, Omi akʼo̩wo̩ amone̩ wa akobʼuma, oñ nako ma jo̩ ku ma fʼuma ro̩ tʼemi tʼano̩mo̩, ku ma fʼe̩wñ-ma dinya.

Izikie̩l 25:3

E̩ ki la ka ñw amo̩ma Amo̩n kakini, Me̩ gbʼo̩la Ondu Jihofa kel Abu kʼOndu Jihofa aka de̩ kakini, todabu kʼe̩ kakini, Ibaa! nyʼuña-mi kiafo̩ e̩gba ku ma fʼudaji; kpai arʼojane̩ Israe̩l e̩gba ku ma fu gwʼalache̩; kpai arʼabunyi Juda e̩gba ku ma nyʼef amu le̩;

Izikie̩l 26:2

O̩ma one̩, todabu ku Taya ko̩la nyu Je̩rusale̩m kakini, Ibaa, owñ ki chʼalaku amone̩ amone̩ le̩ mukpo̩fo̩, i mubi ñwu mi me̩, abu kʼi fu chihi rinyo̩ oñ nanʼe̩wñ ololo ke.

Izikie̩l 5:8

Todule̩ abu kʼOndu Jihofa ka de̩ kakini, Go, omi, omi onugo chʼe̩nagwunyu-we̩; u la ache e̩wñ kʼoji ajo̩ ka nyʼuwe̩ alumeji-we̩ eju abo uche̩ichi.

O̩lo̩da Eduwa Onukeji 28:25

Jihofa adʼuwe̩ te̩ ñw ame̩nebi-we̩ ku ma gwʼuwe̩ dajane̩ rʼo̩gba-ma; uwe̩ adufu lʼo̩naʼka aledo ma, tak uwe̩ ara lʼo̩na mebie rʼo̩gba-ma; ma anʼuwe̩ tʼemi tʼemi ojane̩ ojane̩ amonu du ile̩-i.

O̩lo̩da Eduwa Onukeji 28:37

Uwe̩ la amud e̩wñ awuwu kpai ita kpai o̩la ku ma du tʼaku aku, ef amone̩ du ugbo ki Jihofa anʼe̩ le.