Je̩re̩maya 23:8 - O̩TAKADA O̩LA O̩JO̩ 1970

⁸ chai, Oji Jihofa kʼi ko kʼi ño̩ ne̩ ugbe̩ abunyi Israe̩l kwʼoj ane̩ o̩wo̩ o̩pata ate̩, kpai kwoj ane̩ du ugbo kʼu ne ma ru le̩ wa. E̩gba le̩ ma adodo oj ane̩ e-ma onugo.

Je̩re̩maya 23:8 Iomraidhean Croise

Aizaya 11:11

Tak i awache iko le̩ kʼOndu adʼo̩wo̩-wñ tʼo̩ onukeji kʼi fʼe̩bobo̩ amone̩-wñ la ñw o̩la-wñ, owñ chʼabo ku ma bo̩bo̩ kwʼAsiria kpai Ijipti kpai Patro̩s kpai Kush kpai Elam kpai Shainar kpai Hemat kpai ala ala ohimini abadi.

Aizaya 14:1

Todu Jihofa ali Jeko̩b ejumomi, i ñʼadu Israe̩l, i la ako ma jʼoj ane̩ e-ma kpo̩: oñ amilowa amanyʼuma, ma la agamʼabunyi Jeko̩b.

Je̩re̩maya 16:14

Todule̩ Jihofa kakini. Go, iko-wñ awa e̩gba ku ma ma ñʼaka kakini, Oji Jihofa, kʼi ko abo Israe̩l kwʼoj ane̩ Ijipti le̩ wa, ge̩ n,

Je̩re̩maya 16:15

chai ma akakini, Oji Jihofa kʼi kʼabo Israe̩l kwʼoj ane̩ o̩wo̩ o̩pata ate̩, kpai akwʼoj ane̩ ugbo du kʼi ne ma ru le̩, tak u nako ma dabi wa ane̩ e-ma e-kʼu du ñw amata-ma le̩.

Je̩re̩maya 23:3

Tak omi akʼe̩bo̩bo̩ ame̩wño̩re̩-mi egini kwʼoj ane̩ du ugbo kʼu ne ma ru le̩ wa. Oñ omi ako ma dabi wʼef iga-ma, tak ama arabi oñ ma awewe nyo̩gba.

Je̩re̩maya 29:14

Ame̩ ali mi Jihofa ka-i, tak u narʼamu-me̩ da, oñ nako me̩ kwʼugbo abo uche̩ichi uche̩ichi du kpai kwʼugbo du kʼu ne me̩ ru le̩ wa jo̩, Jihofa ka-i, oñ nako me̩ dabi wa jʼuña ugbo kʼu je̩ ñwu ma ño̩ me̩ kwo le̩.

Je̩re̩maya 30:10

Todule̩, uwe̩, O Jeko̩b adu-mi, e̩ ki railo n, Jihofa aka-i, e̩do̩-we̩ ki da kpu n, O Israe̩l; todu go, najadu we̩ kwʼo̩najiji, kpʼamugbe̩-we̩ kwʼojane̩ ugbo ku ma jef amu le̩. Jeko̩b la adabi, i la anʼuñmi kʼi agugu yo̩o̩, e̩ne̩ du la anyʼo okpo n.

Je̩re̩maya 30:3

Todu, go, iko-wñ awa, Jihofa aka-i, kʼomi arʼamu abo-mi Israe̩l kpai Juda da, Jihofa aka-i, tak u naje̩ ñw ma dabi wʼane̩ kʼu du ñw amata-ma, taku ma agba.

Je̩re̩maya 31:8

Go, omi ako ma kwʼane̩ o̩wo̩ o̩pata ate̩ wa, kʼu la ko ma kwʼugbo ukpoji ane̩ ile̩ ugbo ki jiji tule wa jo̩, amafeju kpʼame̩no̩lo̩ ajʼef uma, onobule̩ ki dʼefu kpʼe̩ne̩ ki achefu, akpe̩re̩; uwewe-ma atabale oñ ma adabi wʼemi.

Je̩re̩maya 32:37

Go, nako ma kwʼojane̩ ojane̩ du ugbo kʼu ne ma nyi ef uwe̩do̩-mi kpʼe̩do̩fulu-mi kpʼeju e̩kpa nana nana wa; oñ nako ma dabi wʼuña-i, u la aje̩ ñwu ma jo̩ to̩ko̩o̩.

Je̩re̩maya 8:3

Oñ abubo̩ abunyi e̩bie̩ne̩-i ku ma bo̩ ugbo du kʼu ne̩ ma ru le̩ adʼuku akoji iñmi, Jihofa ki nʼe̩wñ du ka-i.

Izikie̩l 28:25

Abu kʼOndu Jihofa aka de̩, kakini, E̩gba kʼu mʼabo unyi Israe̩l ko wa kwʼef amone̩ ojoji ojoji ku ma fiatuka rʼef uma le̩ jo̩, ku ma che kʼomi fo̩ ef uma eju abo uche̩ichi uche̩ichi, tak ama agugu oj ane̩ e-ma e-kʼomi du ñw adu-mi Jeko̩b le̩.

Izikie̩l 34:13

Omi la ako ma kwef amone̩ amone̩ dufu wa, kʼu ño̩ ko ma kwʼojane̩ ojane̩ wa jo̩, tak u nako ma wʼoj ane̩ e-ma onugo; tak omi akʼuje̩wñ ñwu ma je̩ oj uwo uwo Israe̩l o̩la o̩cha o̩cha omi-wñ, kpʼugbo du kʼone̩ dodo ane̩ le̩.

Izikie̩l 36:24

Todu omi ako me̩ kwef abo uche̩ichi uche̩ichi, kʼu la ako me̩ kwʼoj ane̩ ane̩ du wa jo̩, oñ nako ma wa oj ane̩ e-me̩ onugo.

Izikie̩l 36:35

Tak ama kakini, Ane̩ ki chʼoku ane̩ te̩-i dabe̩ne̩ kʼuche̩ Ide̩n abajo̩-i; oñ ewo ewo ki chihi, ki chʼachigodo ki chʼuchodo̩ te̩ le̩ chʼenʼaku aku oñ amone̩ dodo jʼo̩mo̩ me̩.

Izikie̩l 37:25

Ma la adodo oj ane̩ kʼu du ñw adu-mi Jekob ugbo kʼamata-me̩ dodo le̩; o̩mo̩ ma la adodo jo̩, ama kpʼamo̩ma-ma kpʼamaaju-ma ogbegbele̩; oñ Defid, adu-mi Je̩, achʼidachi-ma ogbegbele̩ ge̩.

Izikie̩l 39:28

Tak ama ama ka kʼomi Jihofa, O̩jo̩-ma de̩, oñ chʼabu kʼu je̩ ñwu ma nyʼef amu ef abo uche̩ichi uche̩ichi, kʼu laño̩ mʼuma ko wa oj ane̩-ma ajo̩; u ñʼatʼe̩ne̩ du ef uma no tʼo̩mo̩ ge̩ n;

Joe̩l 3:7

Go, omi ako ma kwane̩ kwʼugbo ku me̩ ko ma ta nyi le̩, oñ u nadʼakoji-me̩ dabiwa abʼume̩ onugo oji ma.

Maika 7:15

Alu ki de̩ iko kʼe̩ kwʼoj ane̩ Ijipti dufu wa, nakʼe̩wñ awuwu ña ma.

Ze̩fanaya 3:20

Iko le̩ omi ako me̩ wa, iko kʼu nako me̩ wa jʼugboʼkate le̩; todu omi aje̩ ñw me̩ nʼodu kpai uñwulo̩ ef amone̩ amone̩ du ane̩ ile̩-i, e̩gba kʼu nadabi arʼamu-me̩ da eju-me̩, Jihofa aka-i.