Je̩re̩maya 22:11 - O̩TAKADA O̩LA O̩JO̩ 1970

¹¹ Todu abu ki Jihofa aka ugbo Shalum o̩ma Jo̩saya, onu Juda, kʼi jʼonu koji Josaya, ata-wñ, kʼi la kwʼugbo-i dufu, kakini, I ñʼadabiwʼemi ge̩ n.

Je̩re̩maya 22:11 Iomraidhean Croise

2 Amonu 23:29

Adiko e-wñ Fero-neko, onu Ijipti, mute̩gu nyʼo̩l ohimini Yufretis akogu bo̩ onu Asiria; taku Josaya onu le̩ te̩ke̩ ko bo̩; tak e̩gba kʼi fʼowñ li Fero-neko fʼowñ kpa Me̩gido.

2 Amonu 23:30

Tak ubuko̩lo̩-wñ mʼoku-wñ du tef o̩kogu Me̩gido, oñ ma mʼu du kwʼo̩mo̩ wa Je̩rusale̩m, oñ ma mʼu du ji ef oji-wñ onugo. Tak abo ane̩ le̩ mu Jihoahaz, o̩ma Josaya, du, oñ ma fʼekpo ba tʼo̩ oji, ma la dʼowñ jʼonu koji ata-wñ.

2 Amonu 23:31

O̩do̩ Jihoahaz la chʼogu nyoke me̩ta e̩gba kʼi chane̩ ejʼonu-wñ; oñ i jʼonu Je̩rusale̩m ochu me̩ta; odu iye-wñ la ko̩ Hamiutal o̩ma Je̩re̩maya e-Libna.

2 Amonu 23:34

Taku Fero-neko du E̩layakim, o̩ma Josaya, jʼonu e̩gu Josaya ata-wñ. I la mʼodu-wñ rida ko̩ Jiho̩yakim. Tak i mu Jihoahaz du kwʼo̩mo̩; owñ le̩ la lewa Ijipti. Tak i leku o̩mo̩.

1 Iko Iko E̩wñ 3:15

Amo̩ma Josaya la che: o̩mo̩gba-wñ Jo̩hanan, ekeji che Jiho̩yakim, e̩ke̩ta che Ze̩de̩kaya, e̩ke̩le̩ che Shalum.

2 Iko Iko E̩wn 28:12

Tak abo iche̩ka ef abo ku ma dʼoji dufu ef Ifraim, owñ che Azaraya, o̩ma Johanan kpai Be̩re̩kaya, o̩ma Me̩shile̩mot kpai Je̩hizkaya, o̩ma Shalum kpai Amesa, o̩ma Hadlai, kwane̩ ku ma gbʼo̩na nyʼabo ku ma kwʼoko̩gu le̩ wa.

2 Iko Iko E̩wn 34:22

Abe̩le̩ Hilkaya kpʼabo kʼonu ka ñwu ma le̩, nyʼugbo Ho̩lda, akache̩ onobule̩, kʼi chʼo̩ya Shalum, o̩ma Tokhat o̩ma Hasra, adalo̩na unyi e̩wñ ku ma ko nyʼo̩la, (onobule̩ le̩ la gugu Je̩rusale̩m ikpo unyi ekeji); taku ma bʼo̩ chʼoluka abe̩le̩.

Je̩re̩maya 22:27

I muda chʼe-ane̩ kʼeju-wñ ane̩ ma ku ma dabi tʼo̩mo̩, ama ñʼadabi tʼo̩mo̩ n,

Ze̩fanaya 1:1

O̩la Jihofa ki wʼugbo Ze̩fanaya, o̩ma Kushai, o̩ma Ge̩dalaya, o̩ma Amaraya, o̩ma He̩zakaya, iko Josaya, o̩ma Amo̩n, onu Juda.