Je̩re̩maya 19:8 - O̩TAKADA O̩LA O̩JO̩ 1970

⁸ Oñ Naje̩ ñw ewo-i mud e̩wñ ugoju kpʼe̩wñ ku ma chʼo chui. Ugoju amu e̩ne̩ du ki lale da, ma achʼo chui tod atulubo̩ ki ake̩re̩bʼuma chaka.

Je̩re̩maya 19:8 Iomraidhean Croise

1 Amonu 9:8

Oñ awuwu unyi-i, ki chaka nʼojima abe̩-i, amʼe̩ne̩ du kʼi alale gudu, ma aka kʼe̩he̩e̩, oñ ma akakini, E̩wñ chi ki Jihofa che ane̩-i, kpai unyi-i abe̩i ta?

Je̩re̩maya 18:16

ku ma je̩ ñw ane̩-ma mud e̩wñ ugoju, e̩wñ ku ma chʼo “chui” i che o̩ko̩ko̩lo̩. Ugoju amu e̩ne̩ du ki alale o̩mo̩ da oñ i ami oji ejo.

Je̩re̩maya 25:18

Owñ che Je̩rusale̩m, kpʼewo ewo Juda, kpʼamonu-wñ kpʼamagboji-wñ, kʼu ko ma chʼegbili e̩lanyi kpʼokuta, kpai e̩wñ ugoju, kpai e̩wñ chui kpai ama, alu ki de̩ eñini-i.

Je̩re̩maya 49:13

Todu u fʼo̩la-mi go̩ Jihofa aka-i, ka ku Bozra amud e̩wñ awuwu, kpʼina kpʼane̩ e̩gbe̩, kpʼama; oñ ewo ewo-wñ chaka amud egbili e̩lanyi kpʼokuta gbogbo alo.

Je̩re̩maya 50:13

Todu uwe̩do̩ Jihofa one̩ ñʼadodo ef uwñ ge̩ n, owñ muda achʼalache̩ te̩ chaka; awuwu amʼe̩ne̩ du ki alale Babilo̩n, ma achʼo chui tod atulubo̩ du ki ke̩re̩bʼo̩.

Izikie̩l 27:36

Amanyaja ku ma jʼef amone̩ amone̩ kibo̩ chʼe̩ chui; uwe̩ mud e̩wñ ubailo me̩ uwe̩ ñʼadede̩ o̩gbegbele̩ ge̩ n.

Abo Lifai 26:32

Naño̩ che kʼane̩ le̩ kʼi mud alache̩ te̩; kʼi mud e̩wñ aye ñw ame̩ne̩bi-me̩ ku ma adodo o̩mo̩.

Maika 6:16

Todu ma fʼe̩wñ uhio̩me̩ O̩mri de me̩, kpʼuko̩lo̩ abo unyi Ehab chaka; e̩ la lule̩ tʼikpa alu ku ma ka; todu kʼu dʼuwe̩ chʼe̩wñ ugoju, kpʼabo ku ma dodo ef uwñ ki mud e̩wñ ku ma agwʼo̩ iñmo je̩; todule̩ ame̩ la ane̩ ina ku ma bʼabo-mi.

Ze̩fanaya 2:15

Ewo uyo̩ ki gugu no̩ko̩o̩ le̩ de̩ kʼi ka ef e̩do̩-wñ kakini, Omi de̩, e̩ne̩ du la do̩mo̩ tʼumi le n. Go ab i mud alache̩ te̩, ugbo kʼame̩wñ iñmi oko awa dachi! E̩ne̩ du ki alale gudu aka chui! i la ami o̩wo̩-wñ ejo.

O̩lo̩da Eduwa Onukeji 28:37

Uwe̩ la amud e̩wñ awuwu kpai ita kpai o̩la ku ma du tʼaku aku, ef amone̩ du ugbo ki Jihofa anʼe̩ le.

O̩lo̩da Eduwa Onukeji 29:22

Tak abo o̩gba ki awa, owñ chʼamo̩ma-me̩ ku ma akwane̩ ubi-me̩, kpai ononojo kʼi akwʼane̩ o̩najiji wa li egwo ane̩ le̩ kpai o̩ga ojoji ojoji ki Jihofa aje̩ ñw u bʼane̩-i ma akakini,