Je̩re̩maya 16:21 - O̩TAKADA O̩LA O̩JO̩ 1970

²¹ Todule̩ omi aje̩ ñw ma ma, onu ʼkate-i oñ naje̩ ñw ma ma ukpahiu-mi kpʼugbiti-mi, tak ama ama ka kʼodu-mi ko̩ Jihofa.

Je̩re̩maya 16:21 Iomraidhean Croise

Eli Eko̩ DʼO̩jo̩ 83:18

Kʼama ki ma ka kʼuwe̩ kate, kʼodu-we̩ ko̩ Jihofa le̩, uwe̩ chʼO̩machala ki nʼo̩da ane̩-ile̩ du.

Eli Eko̩ DʼO̩jo̩ 9:16

Ma fu Jihofa ma lugbo ajo̩ kʼi aka; uko̩lo̩ kʼame̩ne̩bibi che mud oku ki fʼama onugo mu. Higaion. Sila.

Akwodufu 14:4

Oñ nache kʼe̩do̩ Fero ki gbiti, tak i arano ma; tak omi anʼojima ugbo Fero kpai ugbo abogu-wñ chaka; tak abo Ijipti ama ka kʼomi Jihofa de̩. Ma la fʼabe̩le̩ che.

Akwodufu 15:3

Jihofa chʼagbiti ogu; Jihofa, oñ odu-wñ ko̩.

Akwodufu 6:3

Omi kwotejugede ñw Ebraham kpai Aise̩k kpai Jeko̩b, kʼu chʼO̩jo̩ Odobao̩gagu; i muda chʼe-odu-mi Jihofa, u je̩ ñwu ma ma ka kʼomi de̩ n.

Aizaya 43:3

Todu omi che Jihofa O̩jo̩-we̩, E̩ne̩ Kiafo̩ e-Israe̩l, E̩najadu-we̩. U mʼIjipti du chʼe̩wñ ulʼuwe̩ tane̩, Itiopia kpai Sela koji we̩.

Je̩re̩maya 33:2

Abu ki Jihofa, kʼi ache ka de̩, owñ che Jihofa kʼi fʼu bo̩ kʼi lonyane̩; odu-wñ ko̩ Jihofa; i kakini,

Izikie̩l 24:24

Abe̩le̩ Izikie̩l achʼujiwe ñwu me̩; ame̩ la ache teju e̩wñ du kʼowñ che le̩; e̩wñ-i lewa, tak ame̩ ama ka kʼomi Ondu Jihofa de̩.

Izikie̩l 24:27

O̩jo̩ kʼu naka-i uwe̩ achi alu-we̩ ñw e̩ne̩ ki fu tane̩; uwe̩ la ako̩la, alu-we̩ ñʼaji ge̩ n; abe̩le̩ oñ uwe̩ achʼujiwe ñwu ma; tak ama ama ka kʼomi Jihofa de̩.

Izikie̩l 25:14

U la anʼo̩wo̩ abo-mi Israe̩l fʼache̩-mi na abʼIdo̩m ma; tak ama ache Ido̩m teju uwe̩do̩-mi kpai e̩do̩fulu-mi efu Ido̩m; abe̩le̩ ama ama ache̩ ena-mi, Ondu Jihofa ka-i.

Izikie̩l 6:7

Oñ abo kʼuku kpa ma awane̩ alumeji-me̩, tak ame̩ ama ka kʼomi Jihofa de̩.

Emo̩s 5:8

E̩ne̩ kʼi che o̩ya o̩machi kpai ajuwe̩ anʼo̩ma, kʼi rʼe̩chubi gbe̩m da ki mud odudu, kʼi anʼodu fʼo̩ro̩ka chubi, kʼi adʼomi ohimini abadi wa, kʼi ako da bʼeju ane̩-ile̩-i ma, Jihofa oñ odu-wñ ko̩,