Aizaya 1:1 - O̩TAKADA O̩LA O̩JO̩ 1970

¹ Ane̩ kʼAizaya, o̩ma Emoz, go de̩, owñ chʼe̩wñ Juda kpai Je̩rusale̩m kʼi li o̩kpanachi Uzaya kpai Jotam kpʼEhaz kpai He̩ze̩kaya, amonu Juda le̩.

Aizaya 1:1 Iomraidhean Croise

2 Amonu 15:1

O̩do̩ ogu nyoke mebie ki Je̩ro̩boam jʼonu Israe̩l, Azaraya, o̩ma Amazaya onu Juda, chane̩ ejʼonu-wñ.

2 Amonu 15:13

Shalum o̩ma Jebe̩sh chane̩ ejʼonu o̩do̩ ogue̩gwa nyoke me̩la kʼUzaya jʼonu Juda; oñ i jʼonu ochuʼka Samaria.

2 Amonu 15:32

O̩do̩ ekeji ki Peka o̩ma Re̩malaya jʼonu Israe̩l Jotam, o̩ma Uzaya, chane̩ ejʼonu Juda.

2 Amonu 15:7

Oñ Azaraya cholu manyʼamata-wñ; taku ma mʼowñ du ji manyʼamata-wñ ef ewo Defid; taku Jotam o̩ma-wñ jʼonu koji-wñ.

2 Amonu 18:1

Oñ i lewatu o̩do̩ e̩ke̩ta ku Hoshia, o̩ma Ela, jʼonu Israe̩l taku He̩ze̩kaya, o̩ma Ehaz, chane̩ ejʼonu Juda.

2 Amonu 19:2

Tak i fʼE̩layakim, kʼi nʼo̩da abunyi-wñ le̩ kpai She̩bna ako̩takada kpʼabogijo ef amatama, kpe̩rʼAizaya akache̩ kʼi chʼo̩ma Emo̩z, e̩gbanukpo la bʼo̩la-ma ma.

2 Iko Iko E̩wn 26:1

Tak abo Juda chaka mʼUzaya, kʼo̩do̩-wñ chʼe̩gwe̩fa, du jʼonu koji ata-wñ Amazaya.

2 Iko Iko E̩wn 26:22

Oñ e̩wñ kibo̩ kʼUzaya che, tʼe-ejodudu tʼe-otitala, Aizaya, akache̩, kʼi chʼo̩ma Emo̩z, fʼu ko̩ nyʼo̩takada.

2 Iko Iko E̩wn 27:1

O̩do̩ Jotam chʼogue̩lu e̩gba kʼi chane̩ ejonu; oñ i jonu o̩do̩ me̩gwe̩fa Je̩rusale̩m. Odu iye-wñ la ko̩ Je̩rusha, o̩ma Zedo̩k.

2 Iko Iko E̩wn 28:1

O̩do̩ Ehaz chʼogu e̩gba kʼi chane̩ ejonu. Oñ i jonu Je̩rusale̩m o̩do̩ me̩gwe̩fa; i la chʼe̩wñ o̩kpakpa eju Jihofa alu kʼata-wñ Defidi che n.

2 Iko Iko E̩wn 29:33

Oñ e̩wñ ku ma kojo̩ ñw u chʼamokuno̩ ulo̩gwa kpʼame̩wño̩re̩ egini icham nyʼo̩gwo̩ko̩ me̩ta.

Eli Eko̩ DʼO̩jo̩ 89:19

E̩gbale̩ uwe̩ kʼo̩la ñw e̩ne̩-we̩ ki amo̩la le̩ ef ane̩ ego oñ e̩ kakini: Omi mʼate̩ko du nʼe̩ne̩ ki gbiti oji me̩, omi mʼe̩ne̩ʼka chi kwef amone̩ le̩ dago atate̩ me̩.

Aizaya 13:1

O̩la Babilo̩n kʼAizaya, o̩ma Emo̩z, li de̩.

Aizaya 2:1

O̩la Juda kpai Je̩rusale̩m kʼAizaya, o̩ma Emo̩z li de̩.

Aizaya 20:2

iko e-le̩ Jihofa ko̩la lʼalu Aizaya o̩ma Emo̩z, kakini, Lo, kʼe̩ mʼe̩gbanukpo le̩ tu bʼago-we̩ te̩, kʼe̩ la mʼe̩da gwo̩ bʼe̩re̩-we̩ te̩. Oñ i fʼabe̩le̩ che, i tʼago ofo kpai e̩re̩ ofo alule̩.

Aizaya 21:2

Ma dʼane̩ ego ki gbiti ka ñw mi; e̩ne̩ ki dʼo̩wo̩ tef ukpo arʼo̩kpo̩ chʼe̩wñ o̩gwo̩ me̩, akpa e̩wñ bie̩ do̩mo̩ akpa e̩wñ bie̩. O Elam, mute̩gu alo ke, O Me̩dia, kpala nyʼuma; ifi-wñ du kʼi afi naje̩ ñw u we.

Aizaya 37:2

I la fʼE̩layakim, kʼi chʼagboji abunyi-wñ, kpai She̩bna ako̩takada, kpʼabogijo amatama kpe̩ nyʼugbo Aizaya akache̩ kʼi chʼo̩ma Emo̩z, e̩gbanukpo dʼo̩la-ma.

Aizaya 38:1

Iko le̩ o̩ga fu He̩ze̩kaya mu, oñ iñmi dʼo̩wo̩ O̩jo̩ i bo̩. Tak Aizaya akache̩, o̩ma Emoz le̩, lewʼugbo-wñ, oñ i ka ñw u kakini, Abu ki Jihofa ka de̩ kakini: Fʼane̩-we̩ kpama, todu uwe̩ aku, e̩ ñʼaye ge̩ n.

Aizaya 40:9

Uwe̩, Zayo̩n, uwe̩ kʼe̩ nʼakoya uche̩nyo̩ wa, mute̩gu tʼoj uwo ki gbo̩gba; uwe̩, Je̩rusale̩m, kʼe̩ nʼakoya uche̩nyo̩ ata chʼomu-we̩ nyʼate̩ taa; chi nyʼate̩ waa, e̩ ki railo n; me̩ naka ñw ewo ewo Juda kakini, Me̩ go O̩jo-me̩!

Aizaya 6:1

O̩do̩ kʼUzaya onu le̩ ku, u fʼOndu li abu kʼi gugu oj ede, i chʼe̩hine tʼatate̩; e̩rane̩ otogbo-wñ che̩ko̩ ef unyi O̩jo̩.

Aizaya 7:1

Oñ i lewatʼo̩kpanachi Ehaz, o̩ma Jo̩tam kʼi chʼo̩ma Uzaya, onu Juda le̩, ku Re̩zin, onu Siria, kpai Peka, o̩ma Re̩malaya onu Israe̩l, mute̩gu nyi Je̩rusale̩m ku ma kʼogu bʼo̩, ma muda neke dʼu n.

Je̩re̩maya 23:16

Abu ki Jihofa ki nʼe̩wñ du aka de̩, kakini, Me̩ ki ne̩tirʼo̩la amakache̩ ku ma kache̩ ñw me̩ le̩ n. Ma ko̩ me̩ e̩wñ o̩wai ofo; ane̩ ego ku ma go ef ibe e-ma ma ka, i la kwʼugbo alu Jihofa n.

Izikie̩l 1:1

Oñ i lewatu o̩do̩ ogue̩gwa, ochu e̩ke̩le̩, o̩jo̩ e̩ke̩lu ochu le̩ abu kʼu dʼef ame̩namu o̩la ohimini Che̩bar, kʼefojale mubile̩ oñ u fʼO̩jo̩ li ef ane̩ ego ago ño̩ go.

Hosiya 1:1

O̩la Jihofa ki wʼugbo Hosiya, o̩ma Been, iko Uzaya kpai Jotan kpai Ehaz kpai He̩ze̩kaya, amonu Juda, kpai iko Je̩roboam, o̩ma Joash, onu Israe̩l de̩.

Emo̩s 1:1

O̩la Emo̩s kʼi dʼef amadide ame̩wño̩re̩ Te̩koa, owñ chʼo̩la Israe̩l kʼi li iko Uzaya, onu Juda, kpʼiko Je̩ro̩boam, o̩ma Joash, onu Israe̩l. I li o̩do̩ meji tak ane̩ le̩ miejo.

Emo̩s 4:5

me̩ ki kʼe̩wñ iche̩bo̩ ugwa kʼo̩jo̩wu dʼef uwñ wa gujo, ku me̩ fʼo̩jo̩ e̩wñ ele ku me̩ ge̩do̩la-me̩ ache da ku me̩ mʼu du kpogo; todu e̩wñ ki nyʼume̩ eju le̩ de̩, O, ame̩ abo Israe̩l! Ondu Jihofa aka-i.

Maika 1:1

O̩la Jihofa ki wʼugbo Maika, e̩ne̩ Mo̩rashe̩t, o̩kpanachi Jotan kpʼEhaz kpai He̩ze̩kaya, amonu Juda, owñ chʼo̩la Samaria kpai Je̩rusale̩m kʼi li.

Nehum 1:1

O̩la Nine̩fa de̩. O̩takada e̩wñ ku Nehum, e̩ne̩ E̩lko̩sh, li ef ane̩ ego de̩.

Habakuk 2:2

Taku Jihofa dohi ñw mi kakini: Ane̩ kʼe̩ go le̩, e̩ fʼu ko̩ nyʼalo alo kʼi tejugede pee, todu kʼe̩ne̩ kʼi acho̩kalatu ki fule.

Ekaluka 12:6

Tak i kakini, Me̩ netirʼo̩la-mi-i: iche̩wñ kʼakache̩ dʼefu-me̩, omi Jihofa aje̩ ñw u kʼi ma mi ef ane̩ ego, nako̩la ñw u ef o̩na.

Ekaluka 24:16

owñ kʼi agbʼo̩la kʼO̩jo̩ ka, kʼi la chema ibe ki dʼefu O̩machala, e̩ne̩ ki ali Odobao̩gagu ef ane̩-ego̩, kʼi awane̩ ku ma muda mʼowñ eju ne̩, i kakini:

Ekaluka 24:4

owñ kʼi agbʼo̩la kʼO̩jo̩ aka, e̩ne̩ kʼi ali Odobao̩gagu ef ane̩-ego, kʼi awane̩ ku ma muda mʼowñ eju ne̩ kakini:

Matiu 17:9

Tak abu ku ma gwo̩ru uwo le̩ awane̩, Jisus hi uma owu kakini, E̩wñ igo ku me̩ li le̩, me̩ ki ka ñw e̩ne̩ du gbogbo wʼe̩gba kʼO̩ma One̩ kwane̩ kwef abo ki ku n.

E̩wñ kʼAme̩nukpuche̩ Che 10:17

Oñ abu kʼoji e̩wñ kʼi li le̩ ema nañtu Pita tabale, go, aboke̩le̩ ku Ko̩rnilio̩s kpe̩ ma wa le̩ fʼunyi Saimo̩n tene oñ ma wa bano alaku.

E̩wñ kʼAme̩nukpuche̩ Che 26:19

Akwʼugbo kide̩, Onu Agripa, u ko̩ egbʼo̩la ane̩ ego e-efojale le̩ gbo̩ n.

2 Abo Ko̩rint 12:1

I dukpe̩ uba eba, i la nʼile ni mana, oñ nadʼe̩wñ ane̩ ego kpʼo̩la Ondu ebite̩ wane̩ i.

2 Pita 1:21

Todu, e̩wñ ki du one̩ e̩do̩ nʼache̩ eka du wa mama ta n: chai abo kʼAfu Kiafo̩ ne̩ ma alo kʼo̩la ki kwʼugbo O̩jo̩.