San Mateo 4:12 - Táurinakene máechejiriruwa’i ema Viya tikaijare

¹² Taka'e ema Jesús, eta masamairisiraipa eta makaerataira'i ema Juan, tiyanapa tichawa te máwasa Nazaret te Galilea.

Ignaciano

¹² Tacahe, te jena sácheana, nacara­tacapa ema Juan. Námapa te jácani tayere­hiquene. Tacahe, ema Jesús, eta masamai­ri­ri­sirapa eta macaera­tairahi te cárcel ema macheji Juan, tiyanapa tichava te mávasa Nazaret te Galilea.

San Mateo 4:12 Iomraidhean Croise

San Mateo 11:2

Ema Juan, mávine'i te nakaeratairare, masamairikapa eta máichakeneana'i ema Cristo. Taka'e máewatakapa ena máimitureana

San Mateo 14:3

Taicha ema Aluresi mave'a'i esu Herodías, esu mayena'i ema maparape Filipo, taka'e étapa temerataka'i ema Juan.

Marcos 1:14

Taka'e, ema Jesús, eta masamairisirapa eta makaerataira'i ema Juan, tiyanapa tichawa te máwasa Nazaret te Galilea. Tepanawapa tikametarairu eta Arairu maechejiriruwa ema Viya.

Marcos 6:17

Taicha ema Aluresi mave'a'i esu Herodías, esu mayena'i ema maparape Filipo, taka'e étapa temerataka'i ema Juan, makasiapapa te nakaeratairare.

San Lucas 23:5

Énasera nayurukapa muraka: –Ema maka ichape eta ma'apapisira'i eta napanereruana ena achaneana tikawasana'i te Galilea, étapa ani te Judea.

San Lucas 3:20

émasera ema Aluresi wa'i masuapa'ini, masapi'aichucha tisema'i, máimikaratakapa ema Juan, makasiapapa te nakaeratairare.

San Lucas 4:14

Taka'e, tépanawapa ema Jesús tipaika te awasareana taye'e eta provincia Galilea. Ichape eta máitupajijiasirawa'i taicha máwa'akapa'i ema Machanewa Viya.

San Lucas 4:31

Ema Jesús tiyanapa te Cafarnaúm, eta awasare taye'e eta Galilea, tási'a tamutu sáwarumu'u máimituka'i ena achaneana.

San Juan 1:43

Te apanapa sache, ema Jesús tiyanawarepa te tinapaika te Galilea. Ánaki makainunapa ema Felipe. Tási'a, máichapa: –Yare, pé'ikanu.

San Juan 2:11

Eta juka táinapuiru'i tiáramikare máimereka'i ema Jesús, taye'e eta awasare Caná. Ichapeine'i eta náramira'i ena tinekapana'i eta juka máimeresira'i eta máitupajijiasirawa'i. Taka'e, ichapeine'i eta nasuapira'i ena máimitureana'i.

San Juan 3:24

Eta juka máicha'i ema Juan tamira'upaicha'a eta jena sache eta náeratasirayare'i ema te nakaeratairare.

San Juan 4:43

Te táekenepa eta apinakene'i sache, tiyanawarepa ema Jesús, makaiju'e eta te Galilea.

San Juan 4:54

Eta juka eta tápinane'i eta tiáramikare'i máichakene'i te Galilea, te táekenepa eta machavira'i eta te Judea.