San Mateo 3:2 - Táurinakene máechejiriruwa’i ema Viya tikaijare

² Ánipa maka'e “¡Ítsiwacha eta epanereruana, éñauchawa maye'e ema Viya, taicha tiane'ipa eta mawasa ema Viya akenukaya te anuma!”

Ignaciano

² Ánipa macahehi eta máimitu­re­sirahi: —Ítsivacha eta epane­reruana. Éneuchava mayehe ema Viya, taicha máraja­painapa ema aquenu­cayare mavaneruhi ema Viya —máichavacapa.

San Mateo 3:2 Iomraidhean Croise

San Mateo 10:7

Eyana ekametarairuyare naye'e, eta mawasa ema Viya akenuka te anuma takachakayaipa.

San Mateo 11:20

Taka'e ema Jesús tépanawapa máechejisi'a eta awasareana máichinewaka'i eta tiáramikareana, taicha wa'i nae'ika'ini ema Viya. Maka'eipa ema Jesús:

San Mateo 12:41

Eta jena sácheyare téchepumuri'anaya namutu ena achaneana, tiúchuku'anayare ena tikawasanaini'i te Nínive. Natupiruwa'isera nasuapa eta mametaru'i ema Jonás, téñauchawawaneana'i. Taicha ema, máurikenepana'i maye'e ema Jonás.

San Mateo 13:11

Ema Jesús májikapawakapa: “Émasera ema Viya timimaticha'e eti, eta juka maeñaure'i te mawasa ema Viya akenuka te anuma, énasera ena apamuriana achaneana wa'i maitametakawakaima'i.

San Mateo 13:24

Ema Jesús máimikutichinaware eta apana: “Te mawasa akenuka te anuma ema Viya tatiari'iyare eta sácheyare eta nakayesere'iraya ena achaneana, takuti'i eta máichawakenewa mákani achane téwakara'i eta tiúrina ewáraki taye'e eta tiúrina máteji,

San Mateo 13:31

Ema Jesús máimikutiarachaware eta máimituresira'i: “Te mawasa ema Viya Akénuka te anuma, takuti'i eta taki eta mostaza, takaewakene te maesane ema achane.

San Mateo 13:33

Éneichuware máimikutiaracha'i eta máimituresira'i: “Eta mawasa ema Viya Akénuka te anuma, tímikutijirikawa'i eta levadura, esu súkani esena tiúri'i eta tasisijisira eta suépiyaru'i masa, tayanapane apinapukaini arruwa eta suye'e jarina, tasi'ajika'isera, jé'esare tiápukayare'i taicha.”

San Mateo 13:47

“Eta mawasa ema Viya nímikuticha eta yuta'e, te viakijieka te kákiure tave'awaka apanapanenéji eta jímana.

San Mateo 13:52

Taka'e, ema Jesús máichapa: –Ena escriwánu te naimatiekene'apa eta takayemakene'i eta mawasa ema Viya Akénuka te anuma, makuti'i mákani achane tikaye'e jakani peti, maveku'apana eta makaye'ekeneana, arairu etapa eta ichasi.

San Mateo 18:23

“Eta juka, jarari'i taichawa te anuma mawasa akenuka ema Viya, makuti'i mákani rey kamuri'i eta maima'akene te mawara'a'i máechayare eta nanteveana ena mamusurana.

San Mateo 20:1

“Te jena sácheyare níjaraka'enapa eta íkuchiyare eti, takuti eta mawachachira'i ema achane tikaye'e eta ichape quinta úwakiji naye'e ena tikaemataneara'iana. Ema maka mayatiru'i tipaika matanuka ena achaneana tikaemataneanayare'i maye'e. Tírerekanayare'i eta uwa.

San Mateo 22:2

“Ema Viakenu, makuti'i mákani rey te máimiparapechapa ema machicha, máichayare'i eta ichape piesta. Ene taka'e'i eta mawasa akenuka te anuma ema Viya.

San Mateo 23:13

“¡Páure'esami eti, escriwánuana, tási'a énapa ena fariséuona apimira'e'i!, eti érataka'i eta tapaja te anuma mawasa akenuka ema Viya, apaesa wa'i nakusiapa'ini ena apamuriana. Étina'ipukaini ítujikawa'ini esiapa'ini, wa'iware isapa'ini nasiapa'ini nákani tiwara'ana'i tichana.

San Mateo 25:1

“Eta mawasa ema Viya Akénuka te anuma takutiyare te tive'akakanayare: ena diéskeneana esenachichana amaperuana tikuchapana'i ena arayena, nákapirayare te nasamapa eta máitekapiraya. Tiámauchawanapaipa eta namika'uana lámparinana nakuchapi'aya ema arayena.

San Mateo 25:14

“Eta visiapiraya te mawasa anuma ema Viya, takutiyare mákani achane riku, tiyanayare'i te apana awasare, máichu'awakapa ena mamusurana, máijarakawakapa eta plata.

San Mateo 4:17

Taka'e ema Jesús tepanawapa kametarairu: “Eta mawasa ema Viya akenuka te anuma tiane'ipa titekapaucha'e eta eye'e.”

San Mateo 4:23

Eta mapaisirapa'i ema Jesús taye'e eta awasareana te Galilea, tikametarairupaipa eta te petiana náurujisirarewa ena juriyuana. Maechejisi'a'i eta mawasa ema Viya, éneichuware makanarakaware ena achaneana nakajumakeneana.

San Mateo 5:10

“Tétavikawa eta náurikakarewaya, ena tikatajiwana'i taichavene eta naichira eta taurikeneana, taicha ena tisiapanayare te Mawasa anuma.

San Mateo 5:3

“Tétavikawa eta náurikakarewaya ena tijapanuwana eta náchanewa, taicha ena naye'e'i eta Mawasa Akenuka te anuma.

San Mateo 6:10

Piteka pakarichu viye'evina rey. Námutu nasuapavi ena tiavi'ana te juka apake'e, tákuti eta nasuapiravi ena tiavi'ana te anuma.

San Mateo 6:33

Eta taka'e tatiwayare esenikayare ema Viya, taicha akenuka'i ema te anuma, ítauchayare tamutu eta mawara'akeneana'i, ema tíjaraka'eyare tamutu eta juka ekamunukeneana.

Marcos 1:15

Ánipa taka'e'i eta mametarapi: “Eta mawasa ema Viya akenuka te anuma tiane'ipa titekapaucha'e eta eye'e. Échawa éñauchawa me Viya tási'a ejákapa eta ekasiñawairaina me Viya, esuapapa eta Arairu maechejiriruwa.”

Marcos 1:4

Ani taka'e'i eta timerekawapa ema Juan Tikachasirikara'i, ánaki te mawapa'i wama'i, maka'epa, itsiwacha eta epanereruana, éñauchawa maye'e ema Viya, taurikapa ekaikachasi, apaesa maka'epa eta epekaturana.

Marcos 6:12

Taka'e tiyananapa ena máimitureana kametarairuanapaipa naye'e ena achaneana, apaesa nainajika eta napekaturana eta naichira eta tamaurikeneana, nachawa naimati ema Viya.

San Lucas 1:16

Ema tétupirikayare eta táuriwayare eta napanereruana ena pijaneanana israelítana, tachavirayare eta nasuapirayare ema Viya.

San Lucas 11:20

Émakene'isera ema Viya, tíjarakanu'i eta juka nurata'aira'i nukuchukawaka ena éreanana. Eta juka étara íkutiaraya eti eta matuparasiranu'i ema Viya eta nútiyare'i nécha tamutu. Núti'ipa nuti ekuchapakene'i.

San Lucas 13:3

Wá'ira étaparakaina, takamunusera éñauchawawane eti, machu táija'uchawa eta épenira.

San Lucas 13:5

Nútisera numetaka'e, wa'i etaparakaina. Eti'ipa, te wa'i ekueñauchawa, éneichuware tíja'uchawaya eta épenira.”

San Lucas 15:10

Ene maka'e'i ema Viya, eta máurisamurewaya te namuri ena ángeleana, eta máeñauchirawapa mákani achane kapekaturara'ini, máinajisiraipa'i eta mapekaturanaini.”

San Lucas 15:7

Ene taka'e'i eta maúrisamurewa'i ema Viya te anuma, maye'e makaini achane manakika'i eta mapekaturana, naye'e nákani noventa y nueve achaneana tiúritaresirana'i, wa'i nakamunu'ini naeñauchava'ini.

San Lucas 16:30

Ema rícu majikapawarepa: ‘Tata Abraham, Tiúripana'isera'ipukaini mayana'ini ema émana máepenakene, eta naye'e ena nuparapenaveana, mametapanawaka'ini. Németeaka téñauchawawaneanaya.’

San Lucas 21:31

Ene taka'eya, te íma'apa eta juka, échainapa eta táne'irainapa eta taitekapiraya eta mawasa ema Viya akenuka te anuma.

San Lucas 24:47

tási'a etayareichu'i námapikayare eta maíjare eta naímitusirayare ena achaneana tikawasana'i te tamutu eta awasareana. Étaipa te juka Jerusalén, emétakawakayare eta náeñauchirawaina me Viya, apaesa makaepa'a eta napekaturana,

San Lucas 6:20

Ema Jesús máesenimuri'apa ena máimitureana, tási'a máichawakapa: “Tétavikawa eta iurikakarewaya eti paureana, taicha eye'e eta mawasa akenuka te anuma ema Viya.

San Lucas 9:2

Tási'a, mawanekawakapa tikametarairuanayare eta mawasa ema Viya akenuka te anuma. Tikanararekanayarepa'iware nákani nakajumakeneana'i.

Hechos 11:18

Taka'e ena machamuriana tikawasana'i te Jerusalén te nasamapa eta juka, timátinanapa. Nakunachaine'i ema Viya, naka'eipa'i: –¡Yátupi'i eta majakapirawaka'i ema Viya ena apawasana, eta náeñauchirawa'i. Kuti'avianaipa eta, máichekuarakirenapa eta vítaresiraya!

Hechos 17:30

Te vikasiñaraji'ipuka eta vépiyaruana, vimáimatiraicha'a. Ánakiapaipa eta makamichira'i ema Viya, ena achaneana eta nakasiñaira'i eta nasiñarajiana. Puítisera waipa makamicha eta juka. Tiwaneka'avipa vimutu viti eta véñauchirawaina eta maye'e.

Hechos 2:38

Ema Pedro majikapapa: –Ítsiwacha eta ítaresiraina te mamira'u ema Viya. Eta íjarasirawaya maye'e ema Jesucristo, ekaikachasiya emutu eti. Tási'a, ema Viya makaepa'ainapa eta epekaturana. Tíjaraka'enawarepa eta Machanewa ema Viya.

Hechos 20:21

Namutu ena juriyuana enapa ena apawasana numetakawaka'i namutu eta náeñauchirawaina me Viya, étapa eta nasuapiraina nakasiñairaina ema Viákenu Jesucristo.

Hechos 26:20

nukametarairupa tatiwa'i naye'e ena tikawasana'i te Damasco, te nuchawapa, étapa te Jerusalén, nekekawapa te awasarechichana te Judea. Tási'a núchukapa taye'e eta awasareana tayere'ikeneana naye'e ena apawasana. Numetakawakapa'i eta nákaiju'eraina ema Viya, tási'a náeñauchirawaina náitsiwachiraina eta náitaresiraina.

Hechos 3:19

Tási'a puiti, éñauchawainapa ekáiju'enapa ema Viya, apaesa makaepa'a ema tamutu eta epekaturana

2 Corintios 7:10

taicha tatiari'i'i eta jákani máijararu'i ema Viya, táimipanereresira'e'i, mawaraira'i eta éñauchirawaya taye'e eta éjekapirawa'i apaesa makuchuku'a'e, eta ekatisamurewa'i tiáma'i eta iúrikakarewaya. Énasera ena apamuriana achaneana taye'e eta juka apake'e, yátupi tikatisamurewana'i, wá'isera náeñauchawa'ini eta me Viya. Étapa, tiámaya eta náepenira.

Colosenses 1:13

Ema Viya tikatiucha'avipa maye'e ema wínaraji tiavi'a te timapiku, tiama'avipa eta mawasa ema maemunarukene Machicha Jesucristo,

2 Timoteo 2:25

enaipa ena viánarana'i, tiúriyare eta véchejirisirayare. Vikuchapayare eta táetupirisirawaina eta napanereruana, máijaraka'ini ema Viya nasuapiraina eta máechejiriruwa,

Hebreo 6:1

Taka'e vímiyanawa eta vikajurusiraya eta véchemaraiwa'i taye'e eta juka vé'iru'i, apaesa chanaru'enapa eta itusira, enakikapa eta tainapureana naimiturapiana'i maye'e'i ema Cristo. Waipa vikuchawaikene'awa taye'e eta tajina taechejiriruwaina, vinakikapa eta tamaurikeneana, ve'ikapa ema Cristo, waipa vikukicha eta pekatu eta timikuñaka'aviyarae'i, wakasiñawapa ema Viya,

2 Pedro 3:9

Ema Viya, manaka'i eta tayerewa'i, mawaraira'i makuchapa ena achaneana eta náeñauchirawayare maye'e. Ichapemuri eta makamichira'avi'i, eta viye'e, mamawaraira'i wámutu'ichaini vémitiekene'ini. Narari'i ena achaneana tejekapawana'i te napanereruana. Eta naimaira'i eta mayerewa'i ema Viya eta maikuñasirawakayare'i, naimijachaipa'i waipa marata'aima'i maikuñaka eta juka apake'e.

Apocalipsis 2:21

Nuti íchapemuri'i eta nukuchapira'i esu, eta suéñauchawa'ini me Viya. Wa'ikenesera suwara'a suínajika eta suye'erepi.

Apocalipsis 2:5

Taitusiawa puiti nuwara'a, tachawa eta pémunaraiwa'i. Péñauchawa tatiwaina, apaesa píchaware eta táurikeneana takuti eta akane. Te wa'i pikuetupirikawa, nútijakaruwayare níteka, nítsiwachayare eta kandeleru íkutiara'i eye'e.