San Mateo 26:5 - Táurinakene máechejiriruwa’i ema Viya tikaijare

⁵ Enasera naka'e'i: –Wicha'a vikukarataka ema achichu eta juka piéstairaya, machu tája'apuka náicharaka'avi ena achaneana.

Ignaciano

⁵ Tipica­ca­va­na­ri­chu­chasera. Ánipa nacahehi eta náechaji­ri­ruvahi: —Vuíchaha vicuca­rataca éma achichu juca piéstairaya. Taicha camuria­na­yarehi ena achaneana, machu tájahapuca náichara­cahavi taicha navara­ha­yarehi nacatiucha éma. Vicucha­pasera nayana —nacahepa.

San Mateo 26:5 Iomraidhean Croise

San Mateo 14:5

Taka'e ema Aluresi, mawara'a'i makapaka ema Juan, tipika'isera ema nasema'ini ena achaneana, taicha ema Juan, tétavikawa'i eta nasuapira'i, náimati'i ema eta émaira'i profeta.

San Mateo 21:26

Taicha, wa'i taurika'ini vémuna'akawa'ini vicha: Émajiwaichucha eta máitesira'i, taicha vipika'i ena achaneana nasema, taicha namutu'i nasuapa'i ema Juan, eta émaira'i profeta.”

San Mateo 27:24

Taka'e, máima'apa ema Pilato, wa'i máituruka'ini makatiucha'ini. Taka'e, máemepanapa eta une, tikasipawa'upa te namira'u ena achaneana. Tási'a máichawakapa te namira'u: –Wa'i nútiparakaina eta máepeniraya ema maka achane matapiraware'i; eti échinawa.

Marcos 14:12

Títekapapa eta sache táepanirawa'i eta tapiestara eta nanisiraya eta pan maye'ere lewadura, étaichuware eta jena sache, nakapasiraya eta uvesa tikaijare cordero taye'e eta Pascua. Ena máimitureana nayaserekapa ema Jesús: –¿Távi'apuka piwara'a eta wakaiju'e vétupirisi'ayare eta vinisirayare eta uvesachicha te Pascua?

Marcos 14:2

Énasera naka'e'i: –Wicha'a vikukarataka ema achichu eta juka piéstairaya, machu tája'apuka náicharaka'avi ena achaneana.

Marcos 14:27

Ema Jesús máichawakapa: –Emutu eti ejunijikanuyare. Taicha taka'e'i eta taechejiriruwa eta Ajureka: ‘Nísapayare nakarataka ema Pastor eta nakapasirayare, tási'a téjanerepaikainapa eta uvesana.’

San Lucas 20:6

Taicha, wa'i taurika'ini vémuna'akawa vicha émajiwaichucha eta máitesira'i, taicha ena achaneana kuyayakare nakápaka'avi, taicha namutu'i nasuapa'i ema Juan, eta emaira'i profeta.”

San Lucas 22:7

Títekapapa eta sache táepanirawa'i eta tapiestara eta nanisiraya eta pan maye'ere lewadura, étaichuware eta jena sache, nakapasiraya eta uvesa tikaijare cordero taye'e eta Pascua.

San Juan 18:28

Nakuchukapa ema Jesús te mapena ema Caifás, taye'e eta palacio mávi'a'i ema Pilato. Wáipasera nasiapa'ini ena tuparairukana. Nanasipa te aneka, namawaraira'i náechipejikawa'ini eta nanisirayare'i eta cordero pascual.

Hechos 19:29

Taka'e, tisemamurianapa ena achaneana, apanapa eta napanerecha. Natiari'i ema Gayo émapa ema Aristarco, machamuri ema Pablo. Taka'e, ena achaneana nakaratakapa nachururupairikapa ena nani apinana. Námapa taye'e eta náurujisirarewa.

Hechos 21:38

Taka'e, ¿wá'iyara pítina ema tikawasa te egipto, ema tícha'i eta revolución, ema majunakene'i tiámamuri'a'i te wama'i máwapa'i ena cuatro mil keneana tikapa'iana?

Hechos 4:28

Títauchawa'i naicha eta juka pipanereruana etairayare'i taka'eyare'i eta péchejiriruwana.