San Mateo 2:4 - Táurinakene máechejiriruwa’i ema Viya tikaijare

⁴ Taka'e ema Aluresi máimichu'awakapa namutu ena tuparairukana, énapa ena escriwánuana, mayaserekawakapa távi'a máuchusi'ayare'i ema tikaijareyare Cristo.

Ignaciano

⁴ Tacahe, ema Aluresi máimichu­ha­vacapa namutu ena tuparai­ru­cana énapa ena títurue­que­nehana eta Sagrada Escritura. Mayase­re­ca­vacapa: —¿Távihapuca máuchusi­ha­yarehi ema vicucha­pa­quenehi ticaija­reyare Cristo? —macahepa.

San Mateo 2:4 Iomraidhean Croise

San Mateo 13:52

Taka'e, ema Jesús máichapa: –Ena escriwánu te naimatiekene'apa eta takayemakene'i eta mawasa ema Viya Akénuka te anuma, makuti'i mákani achane tikaye'e jakani peti, maveku'apana eta makaye'ekeneana, arairu etapa eta ichasi.

San Mateo 2:3

Eta masamira'i ema Aluresi, ichapeine'i eta mapanerékene'aira'i, waipa máurisamure'ini. Ena tikawasana'i te Jerusalén, éneichuware napanerékene'a'i ena.

San Mateo 2:5

Ena naichapa: –Te Belén te Judea; taicha taka'e'i eta majure ema profetaini:

San Mateo 21:15

Taka'e, ena amaperuana tipiararekana'i eta nakunachira'i ema, ánipa naka'e: “¡Pítikene'i yátupikenevi'i Cristo manerejiruvi'i ema Viya!”, énasera ena tuparairukana énapa ena escriwánuana waipa náurika'ini eta náimaira'i tamutu eta juka, tisemanapa

San Mateo 21:23

Te taekenepa eta juka, ema Jesús tisiapapa eta te mapena ema Viya. Taka'e tímiturekawarepa ánaki, tási'a napauchapa ena tachutiri'ana ena tuparairukana, ena escriwánuana, énapa ena viyakara'ana naye'e ena juriyuana, tási'a nayaserekapa: –¿Nája'asika tiwanekavi'i picha eta juka? ¿Nája'a tituparakavi'i picha eta juka píchakeneana'i?

San Mateo 26:3

Te jena sacheana'i, tiurujikawanapa ena tachutiri'ana naye'e ena tiyujarakara'iana, énapa ena viyakara'ana naye'e ena juriyuana, te maye'e palacio ema Caifás, ema nákenumuri ena tiyujarakara'iana.

San Mateo 26:47

Téchejirikawaicha'a ema Jesús, maka'epainecha ema Júlasi, nachamuri ena ducekeneana maimitureana, mámamuri'apaipa ena kamurikeneana suntaruana, tikaepuchirikianapa'i, étapa eta naye'eana espada. Ena, wanairukana'i naye'e ena akenukara'ana'i enapa ena escriwánuana tachutiri'ana naye'e ena naiyakarana.

San Mateo 27:1

Te tijara'ipa, namutu ena tachutiri'ana ena tiyujarakara'iana, tási'a énapa ena viyakarana naye'e ena juriyuana. Tikaechakasipa eta náimikapasirayare'i ema Jesús.

San Mateo 7:29

Taicha eta máechejisira'i wa'i nasamasaréna'ini, tétavikawa'i eta máitusira'i mayunapaika'i tamutu. Wa'i makuti'ini ena escriwánuana.

Marcos 8:31

Ema Jesús, tépanawapa máimitukawaka'i eta táichararakawayare eta máepenirayare. Ema Machicha ema achane, matupara'aichu'i ichapemuri eta makatajiwairayare, náepuruyare'i ena naiyakarana, enapa ena tachutiri'ana naye'e ena tiyujarakara'iana enapa escriwánuana. Mametakapa ena eta náimikapakayare'i, mapanayaichu'isera sache eta maka'eyare'i eta maepenirayare'i, tási'a tichawayarepa téchepuka.

San Lucas 20:19

Ena tachutiri'ana naye'e ena tiyujarakara'iana, tási'a énapa ena escriwánuana nawara'ainipa náija'uchayare'ini nakarataka ema Jesús, taicha tímatiakawanapa ena eta énaira'i tayunakawaka eta máimikutichirawaka'i. Énasera tipikakarakawana'isera naye'e ena achaneana.

San Lucas 23:10

Éneichuware natiari'i'iware ena tachutiri'ana ena tiyujarakara'iana, énapa ena escriwánuana, ichape eta nakamesaira'i eta nametauchira'i.

San Juan 18:3

Taka'e, te jena yátikene'i, títekapapa ema Júlasi mámamuri'apaipa ena oficialeana énapa ena kamurikeneana suntaruana rumanuana, wanairukana'i ena naye'e ena tuparairukana, taicha napamikawaka'i ena fariséuana, tikamika'uanapaipa'i, tikaepuchirikianapa'i, étapa eta naye'e espada.

San Juan 3:10

Ema Jesús majikapawarepa: –¿Píti, naye'evi'i Maestro ena Israelitana, wa'iware pímatiekene'a'ini eta júkana?

San Juan 7:32

Ena fariséuana nasamaemachapa ena achaneana eta nakunachira'i ema Jesús; tási'a, napanereuchawanepa tikurujikakanapa ena tuparairukana. Náewatakapa ena suntaruana nakaratapanayare'i ema Jesús te mavi'a'i te templo.

San Juan 8:3

Taka'e, sutiari'i'i esu esena tikayepe'ipuka, esu suve'a'i ema apana achane. Ena escriwánuana énapa ena fariseona, eta náimereuchira'i esu, námapa te mamira'u ema Jesús te namuri'i ena achaneana.

Hechos 23:9

Taka'e, téchejikanapa muraka; taka'e, te nataraku ena fariséuana, natiari'i'i ena escriwánuana, techepukana, naka'epa: –Ema maka achane, tájina matapirawaina; éneserapuka táechejika'i ema máchanewa ema Viya, ángelepuka mákani, wa'i vikukanara ema Viya.

Hechos 4:5

Te apanakenepa sache, tikurujikakanapa te jerusalén ena tuparairuka nakenumuri ena juriyuana, ena naiyakara'ana enapa ena escriwánuana.

Hechos 6:12

Taka'e'i, eta nakaechepusira'i eta semanere naye'e ena achaneana, énapa ena viyakarana, tási'a énapa ena escriwánuana. Taka'e, nakaratakapa ema Esteban. Námapa tikayasere'iya te namira'u ena Tuparairukana.