San Mateo 2:2 - Táurinakene máechejiriruwa’i ema Viya tikaijare

² tási'a nakayasesererupa: –¿Tavi'a mavi'a ema rey-yare'i, naye'e ena israelítana máuchure'i? Taicha víma'a'i eta jarairiki tauchure'i, puiti viteka'i vejirapana.

Ignaciano

² Nacaya­se­se­re­ru­paipahi, ánipa nacahe: —Víti, tímite­cahavi eta vitanu­sirahi ema amuya máuchurehi rey-yarehi eyehe eti israelítana. Taicha vímahahi eta arairu jarairiqui, vémetearuhi máicutiarahi ema Viya eta máuchusinehi ema amuya rey-yare. Titupihapa eta te juca eyehe. Puiti vivarahahi véjira­pa­nayare éma. ¿Távihapuca mávihahi ema amuya? —nacahepa.

San Mateo 2:2 Iomraidhean Croise

San Mateo 2:3

Eta masamira'i ema Aluresi, ichapeine'i eta mapanerékene'aira'i, waipa máurisamure'ini. Ena tikawasana'i te Jerusalén, éneichuware napanerékene'a'i ena.

San Mateo 21:5

“Emétakawaka ena achaneana tikawasana'i te jena awasare Jerusalén: ‘Apaesa natsekawa eta najakapirayare ema naye'eyare Rey. Tétavikawa'i eta mamansuwapa'i, tikaperayare eta burru, tachicha eta burra.’ ”

San Mateo 27:11

Ema Jesús námapa te mamira'u ema akenuka, ema mayaserekapa: –¿Jé'esareji Rey-vi'i píti naye'e ena juriyuana? –Pitupiruwa'i eta piyaseresiranu'i, –Majikapapa ema Jesús.

San Lucas 19:38

Naka'epaipa'i: –¡Yare piti rey-kene'i, wanairukavi'i te maijare ema Viákenu! Asulupaya ¡Puiti te anuma vikutikaka'i eta viúrisamurewa'i víti te juka apake'e! Tétávikawa eta vikunachira ema Viya eta makatajisira'avi'i.

San Lucas 2:11

Puiti te jena awasare Belén, máwasaini ema rey David, tiúchukaipa ema Tikatiura'iyare eye'e emutu eti. Ema, tikaijare Cristo Tataya.

San Lucas 23:3

Ema Pilato mayaserekapa: –¿Jé'esareji Rey-vi'i píti naye'e ena juriyuana? –Pitupiruwa'i eta piyaseresiranu'i, –Majikapapa ema Jesús.

San Lucas 23:38

Tási'a tatiari'i'i eta ajureka te machutichakaya. Ani taka'e'i: “Ema maka, ema Rey naye'e ena juriyuana.”

San Juan 1:49

Ema Natanael máichapa: –Maestro, ¡píti'ipa yátupikene Machicha ema Viya, pítira yátupikene Rey-vi'i viye'e viti israelítana!

San Juan 12:13

Tiúrisamureanaine'i. Eta náurisamurewa'i, nave'apa eta tajuru eta káchipaka. Tiyananapa nákapa'i ema. Eta napiarasirapa'i, ánipa naka'e: –¡Pikatiucha'avi Tata! ¡Pikatiucha'avi Tata! ¡Asulupaya piti wanáirukakenevi'i me Viya, pítira Rey-vi'i taye'e eta Israel!

San Juan 18:37

Taka'e, ema Pilato mayaserekapa: –Taka'e, ¿yátupi'i eta pirrey-wa'i? Ema Jesús majikapapa: –Pitupiruwa'i eta piyaseresiranu'i: nuti rey-nu'i. Eta núkupaisira'i, te juka apake'e, nímitureka'i eta yátupikeneana, nákani tisuapajira'iana, nasamararakayare eta yátupikeneana'i.

San Juan 19:19

Ema Pilato májuchapa eta ajureka. Ani taka'e'i: “Ema Jesús Nazareno, naye'e Rey ena juriyuana”, tási'a makawanairipipa nanaka te tápusi eta macrusura.

San Juan 20:28

Taka'e, ema Tomás tipiarakapa: –¡Tátachicha, piti yátupikenevi Viya!

San Juan 5:23

taicha mawara'a'i epikauchanu nuti Machicha, tákuti'ichu eta epikauchira'i ema Tata. Nákanisera wa'i tipikauchanuana'i nuti, wá'iware napikauchaima'i ema Tata.

San Juan 9:38

Taka'e, ema achane tépuyukapa te mamira'u ema Jesús. Tási'a, máichapa: –Nusuapavi, Tata.

Hebreo 1:6

Taka'e, te makukupaikapa ema makarichukene Machicha te juka apake'e, makawanairipipa: Eta natsiusirayare namutu ena maye'eana ángeleana ema Viya.

Apocalipsis 22:16

Maka'eware ema Viákenu: “Nuti, Jesús, nuwaneka'i ema nuye'e ángele máimikaecherachayare'i tamutu eta juka numetarapiana puiti eye'e eti nuchanerana te awasareana. Nuti, yátupinu'i Rey'i ekuchapakene'i, mawanerunu'iware ema Tata. Tétavikawa'i eta nujaraiwa'i taicha eta akenukairanu'i ichape.”