San Mateo 2:1 - Táurinakene máechejiriruwa’i ema Viya tikaijare

¹ Eta máuchusine'i ema Jesús te tikaijare Belén, tinapaika te Judea. Te jena añu'i, ema Aluresi ema'i taye'e rey eta Judea. Títekapanapa te Jerusalén ena reyeana máguana, tiási'ana'i te tayere'ikene awasare tinapaika te táuchusine eta sache,

Ignaciano

¹ Eta máuchusinehi ema Jesús te avasare ticaijare Belén tayehe eta departamento Judea. Te jena año, ema Aluresi ema tayehehi rey eta Judea. Tásiha, títeca­panapa te Jerusalén ena reye mágoana tiásihanahi te tayere­hiquene avasare tinapaica te táuchusine eta sache.

San Mateo 2:1 Iomraidhean Croise

San Mateo 1:25

Wá'isera nánekaka'ini jena kájeana'i eta sukajarira'i. Taka'e, suínakapa ema suárachicha'i, nanakapa eta máijare'i Jesús.

San Mateo 2:16

Taka'e, ema Aluresi te masamairikapa eta nánukuiraipa ena máguana, tisemaine'i eta nawayuasira'i máimiwanerekapa nakapapajipana namutu ena amuyana ajairana tiávi'ana'i te Belén énapa ena tiávi'ana'i te tachakayara'ana, ena tikaye'eanaipa apina añu énapa ena náuchusirawana máepanaekene'apa eta táuchusi'a'i eta jarairiki náima'akene'i ena máguana.

San Mateo 2:19

Te táekenepa eta máepenira'i ema Aluresi, tiápechawawarepa ema ángele máechejika'i ema José te mawapure ánaki te Egipto, ánipa maicha:

San Mateo 2:3

Eta masamira'i ema Aluresi, ichapeine'i eta mapanerékene'aira'i, waipa máurisamure'ini. Ena tikawasana'i te Jerusalén, éneichuware napanerékene'a'i ena.

San Mateo 2:5

Ena naichapa: –Te Belén te Judea; taicha taka'e'i eta majure ema profetaini:

San Mateo 2:7

Taka'e ema Aluresi maichu'apa, majajaikapa naye'e ena titupajijiakawana'i, taka'e maechapa eta jena sache tauchusira'i eta jarairiki.

San Lucas 1:5

Kape juka viásinekene'i te émaicha'a ema Aluresi akenuka'i, rey'i taye'e te Judea, matiari'i'iware ema achane tikaijare Zacarías. Ema, náumuriwana'i ena tikaijareana Abías. Eta náematanerepi ena, náechapajirika eta námawa'uasana ena achaneana taye'e eta templo. Esu mayena ema Zacarías tikaijaru'i Isabel, mámariekeneni'i esu ema víyara'aini Aarón.

San Lucas 2:11

Puiti te jena awasare Belén, máwasaini ema rey David, tiúchukaipa ema Tikatiura'iyare eye'e emutu eti. Ema, tikaijare Cristo Tataya.

San Lucas 2:15

Te tiyananapa ena ángeleana, tichawana te anuma. Ena pástuleruana tepanawanapa naichakaka'i: –Viyana te Belén. Víma'apana eta juka mametaru'avi'i ema ángele, mawaneru'i ema Viya Viákenu.

San Juan 7:42

Taicha eta Ajuruka táechejisi'a'i ema Cristo émayare'i mámariekeneyare'i ema víyara'aini Rey David. Té'esera te awasare Belén eta máuchusi'ayare, étaichu'i te máwasa'i ema víyara'aini Rey David.