San Mateo 16:1 - Táurinakene máechejiriruwa’i ema Viya tikaijare

¹ Ena fariséuana, tási'a énapa ena saduceoana napauchapa ema Jesús, tási'a nawara'apa naimiakipaikaya'i, nayaseakapa máimereka'ni eta tiáramikareana, te yátupi'ipuka wanairuka'i ema Viya.

Ignaciano

¹ Tacahe, ena apamuriana fariséoana énapa ena saducéoana napauchapa ema Jesús. Eta navarairahi náemeje­ca­pavacha éma, nayaseacapa máimere­cahini eta tiárami­careana, máimere­ca­vahini te yátupi­hipuca vanairucahi me Viya.

San Mateo 16:1 Iomraidhean Croise

San Mateo 12:14

Énasera te tiuchukanapa ena fariséuana, tepanawanapa eta napanerechira'i eta nakapasirayare'i ema Jesús.

San Mateo 15:1

Nakachakayapa ena apamuriana fariséuana énapa ena escriwánuana, tiási'ana'i te Jerusalén, tási'a nayaserekapa:

San Mateo 16:6

Taka'e ema Jesús máichawakapa: –Íma'a, échapawa eta naye'e lewadura ena fariséuna, enapa ena saduceona.

San Mateo 19:3

Natiari'isera ena fariséuana, napauchapa ema Jesús, tási'a natanuka'i eta tiviuchayare'i ema, nayaserekapa: –¿Táurikapuka máinajika ema achane esu mayena taicha jákani tájiparakana?

San Mateo 22:15

Taka'e, eta nasamira'i ena fariséuana, tisemanaine'i. Tiyananapa tikurujikakanapa, nawara'aipa náemejekapawachayare'i apaesa étaina'ipukaini taviucha'ini ema Jesús.

San Mateo 22:18

Ema Jesús máimatiakawakapa eta tamauriwapa'i eta napanereruana, máichawakapa: –Apimirana, ¿tája'a takayema ewara'a ímiakipaikanu?

San Mateo 22:23

Étaichu te jena sache, naka'epaipa'i ena saduceoana, ena, apana'iware eta náimiturapiana'i. Wa'i nasuapa eta náechepusirayare eta nachanewa ena náepenakeneana, tiyananapa náima'apana'i ema Jesús. Natanuka'i eta táetseraruwayare'i náicha. Ánipa naka'e:

San Mateo 23:2

“Ena escriwánuana énapa ena fariséuana tímijachawana katupara'ana eta navepaisirayare'i eta mawanairipiana ema Moisés.

San Mateo 27:62

Tási'a, te apanapa sache sawaru'i tiyananawarepa ena tuparairukana maye'e ema Pilato,

San Mateo 5:20

“Táicha te wa'i ekuetumechawa eti, eta esuapajiraiwaina, ekutiyare ena escriwánuana, tási'a énapa ena fariséuana, wa'i itujikawaima'i esiapa te mawasa akenuka ema Viya te anuma.

San Mateo 9:11

Te naima'apa eta juka ena fariséuana, nayaserekapa ena maimitureana: –¿Tája'a takayema ema eye'e maestro makachanewaka'i eta manisira'i naye'e ena tive'ara'iana eta viyase'ana énapa ena tisipekaturana'i?

Marcos 10:2

Natiari'isera ena fariséuana, napauchapa ema Jesús, tási'a natanuka'i eta tiviuchayare'i ema, nayaserekapa táurikapuka máinajika ema achane esu mayena.

Marcos 12:15

Émasera ema Jesús máimatiwane'i eta apimirairawaka'i ena, tási'a máichawakapa: –¿Tája'a takayema ewara'a ímiakipaikanu? Níma'aseji, iáminanu étapena eta reale, apaesa íma'a.

Marcos 12:18

Naka'epaipaware ena apamuriana achaneana, saduceoana. Ena nani saduceoana, apana'i eta náimiturapiana'i, ena wa'i nasuapa eta náechepusirayare eta nachanewa ena náepenakeneana. Tiyananapa náima'apana'i ema Jesús. Ánipa naka'e:

San Lucas 10:25

Matiari'i'i ema émana escriwánuana, mawara'a'i téchejirikawayare'i maye'e ema Jesús, eta mawaraira'i makaikutiarayare'i, mayaserekapa: –Tata maestro, ¿tája'apukaini nícharakawaini, eta nítujisiraini eta maichekuarakirena te apana vitaresira?

San Lucas 11:16

Ena apamuriana nawara'apa naimiakipaikaya'i, nayaseakapa máimereka'ni eta tiáramikareana, tiasi'a te anuma.

San Lucas 20:23

Ema Jesús máimatiakawakapa eta tamauriwapa'i eta napanereruana, máichawakapa:

San Lucas 20:27

Naka'epaipaware ena apamuriana achaneana saduceoana. Ena nani apana eta náimiturapiana'i; wa'i nasuapa eta náechepusirayare ena náepenakeneana. Taka'e, nayaserekapa ema Jesús:

San Juan 8:6

Ena nayasesereka'i ema Jesús, taicha natanuka'i eta tiviuchayare'i ema. Émasera ema Jesús tétipaikapa tiájupairikapa te apake'e te mawauki.

Hechos 4:1

Téchejikanaicha'a ema Pedro ema Juan te namira'u ena achaneana, títekapanapa ena tuparairukana, énapa ena tímiturekara'iana tikaijareana saduceoana. Námapa'iware ema nákenuru'a ena tasuntarurana eta templo.

Hechos 5:17

Emasera nákenumuri, énapa ena machamuriana Saduceoana'i ena, nakapinaruine'i tisemanapa táichavene'i eta náe'isira'i ena kamurikeneana achaneana eta náimiturapi'i,

1 Corintios 1:22

Ena israelítana, nawara'a náima'a eta tiáramikareana tiási'ana me Viya. Ena griegoana natanuka'i eta tápajusirawaya eta náechemaraiwaya.