San Mateo 11:1 - Táurinakene máechejiriruwa’i ema Viya tikaijare

¹ Te tamutupa eta máimitusira'i ema Jesús ena dósekeneana máimitureana, tiyanawarepa te awasareana taye'e eta Galilea, taicha mawara'a'i máimitukayare ena achaneana eta máechejiriruwa ema Viya.

Ignaciano

¹ Te tamutupa eta máimitu­si­ra­havihi ema Jesús viti dócequeneana mayeheana apóstole, tiyana­varepa eta te avasareana tayehe eta Galilea. Taicha mavarahahi máimitu­cayare ena achaneana eta máechaji­ri­ruvana ema Viya.

San Mateo 11:1 Iomraidhean Croise

San Mateo 28:20

tási'a ímitukayarewa eta nasuapiraina, tamutu eta nímiturapiana'i eta eye'e, nuti nukune'eyare tamutu sacheana, tási'a te'epa eta taichekuinepa eta apake'e.

San Mateo 4:23

Eta mapaisirapa'i ema Jesús taye'e eta awasareana te Galilea, tikametarairupaipa eta te petiana náurujisirarewa ena juriyuana. Maechejisi'a'i eta mawasa ema Viya, éneichuware makanarakaware ena achaneana nakajumakeneana.

San Mateo 7:28

Te títapirikapa ema Jesús eta máechejisira'i ena achaneana, ichapeine'i eta náramira'i eta máimiturapiana.

San Mateo 9:35

Ema Jesús tamutu'i mapaika eta awasareana, étaipa eta awasarechichana, tímiturekapa'i taye'e te jákani peti náurujisirarewa ena juriyuana, tikametarairupa'i eta taurinakene máechejiriruwa ema Viya, tási'a makanarakawakapa'i ena nakajumakeneana tikakatiruanapa'i.

Marcos 6:12

Taka'e tiyananapa ena máimitureana kametarairuanapaipa naye'e ena achaneana, apaesa nainajika eta napekaturana eta naichira eta tamaurikeneana, nachawa naimati ema Viya.

San Lucas 23:5

Énasera nayurukapa muraka: –Ema maka ichape eta ma'apapisira'i eta napanereruana ena achaneana tikawasana'i te Galilea, étapa ani te Judea.

San Lucas 8:1

Te táekenepa eta juka, ema Jesús tiyanawarepa tipaika'i te awasareana tási'a te'epa awasarechichana, kametarairupaipa eta máechejiriruwa ema Viya akenuka te anuma. Náe'ikapa'i ena dósekeneana apútuleana,

San Juan 15:10

Eta ímiyanirawa esuapira'i eta nuwanairipiana, tijurukapaipa eta ímatira'i eta némunasira'e'i. Takuti eta nítauchira'i nuti eta mawanairipiana ema Tata, nímatipaipa eta máemunasiranu'i ema.

San Juan 15:14

Eti yátupikene'i najiriare'e'i, eta ítauchira'i eta nuwanairipiana'i.

Hechos 1:2

tási'a narari'i'i ena manerejiruana apústuleana. Émaipa ema Machanewa Viya, máimikataka'i eta matúparasirawaka'i ena, nájuchawarepa eta mayapira'i te anuma.

Hechos 10:38

Máukupauchapa eta Machanewa ema Viya ema Jesús Nasareno máijararu'i ema Viya. Máwa'akapa ema, máijarakapa eta máitupajijiasirawaya. Taka'e, tépanawapa tikametarairu naye'e ena achaneana. Te mapaisi'apa'i, makanarakawakapa'i ena nakatajiwakeneana máwa'aruana'i ema wínaraji. Marata'a'i ema máicha'i eta juka, taicha ema Viya máimikatakapa'i.

Hechos 10:42

Taicha tiwaneka'avipa vikametarairuya, vimetakayare eta émaira'i ema Jesús viye'eyare'i Juez viti achaneana énapa ena náepenakeneana.

1 Tesalonicenses 4:2

Ítukaipa'i eta juka ímitukasiwana'i viye'e, étaichu'i viwanekasiwana'i maye'e ema Viákenu Jesucristo.

2 Tesalonicenses 3:10

Étaipa te vinasikeneicha'a eta eye'e, viwaneka'e'i: Wa'i ekuenika mákani wa'i mawara'a'i tikaematane.

2 Tesalonicenses 3:6

Nuparapenaveana, te natiari'inapuka ena echamuriana'i plújuana, wá'ipuka náesacha'i tikaemataneana, te wá'ipuka náwara'a'ini náetumechawa'ini, nasuapa'ini eta vímiturapiana'i, viwaneka'e eti te máijare ema Viákenu Jesucristo, wa'i ekuemeña'awa naye'e.

1 Timoteo 6:14

pítauchayare píti tamutu eta juka nuwanairipiana'i taicha tási'akeneana'i me Viákenu, wa'i pi'apapikaima'i, apaesa takuija táimikajachavi maye'e, tauri eta machimapiravina ema Viákenu Jesucristo te máitekapa te táitauchawapa te jena sácheyare máikutiara'i ema Tata Vikaiyakene.