San Mateo 10:3 - Táurinakene máechejiriruwa’i ema Viya tikaijare

³ Ema Felipe, ema Bartolomé ema Tomás, émapa ema Mateo, ema tive'ara'ini eta tawacha eta apake'e taye'e eta Roma, ema apana Santiago machicha ema Alfeo, tási'a émapa ema Tadeo,

San Mateo 10:3 Iomraidhean Croise

San Mateo 18:17

Te wa'ikenena makusuapavi, pimetakapa namutu ena pichamuriana'i pikatupi'apa te namira'u. Té'esera te wá'ikenechapuka makusuapa'e, tímatikareinapa ema eta mamasuapajiraiwa'i me Viya. Waipa ekuimisiapawa maye'e, taicha eta mamasuapajiraiwa'i.

San Mateo 27:56

Sutiari'i esu María Magdalena, esu apana María maena ema Santiago émapa José, sutiari'iware esu mayena ema Zebedeo.

San Mateo 9:9

Ema Jesús tiyanawarepa te mavine'i, taka'e maima'aine'i ema achane tikaijare Mateo téjaka'i eta te makatupara'aiya'i eta nawachachirare eta nayase'ana taye'eyare'i eta Roma. –Ema Jesús maichapa: –Yare pé'ikanu. Taka'e ema Mateo techepukapa enewanepa, máe'ika ema Jesús.

Marcos 15:40

Natiari'iware ena esenana, nayerere'i'i eta naimararasira'i, Sutiari'i esu María Magdalena, esu apana María maena ema Santiago émapa José, tási'a ésupa esu Salomé.

Marcos 2:14

Taka'e, eta maetavisirapa'i ema Jesús, máima'apa ema Leví, machicha ema Alfeo, téjaka'i eta te makatupara'aiya'i, eta nawachachirare eta nayase'ana taye'eyare'i eta Roma. Ema jesús máichapa: –Yare, pé'ikanu. Taka'e ema Leví techepukapa enewanepa, mae'ika'i ema Jesús.

Marcos 3:18

ema Andrés, Felipe, Bartolomé, Mateo, Tomás, émapa ema Santiago machicha ema Alfeo Tadeo, ema Simón ema Cananeo,

San Lucas 18:10

“Natiari'i ena apinana ajairana te templo, téñauchawana'i: Ema émana achane, fariseona ema apana achane, tisipekaturara'i.

San Lucas 18:11

Ema fariseo, tupi'a'i eta maeñauchirawa'i, ánipa maka'e'i: Nu'asulupayachavi, Tata, eta núriwa'i te pimira'u, wa'i nákuti'ini ena apamuriana achaneana tiámera'iana'i, tisipekaturana'i, esenamareana'iware. Wá'iware nákuti'ini ema máka achane te juka nuchakaya ema tive'ara'i eta viyase'ana.

San Lucas 18:13

Émasera ema apana achane wa'i máemeña'awa'ini. Tiyere'ichucha eta máeñauchirawa'i. Wá'iware mapatsikawa'ini máesenika'ini te anuma, té'atupachawa'isera eta máeñeuchirawa'i, ánipa maka'e: ‘¡Tata, nukatisamurewa ichape eta nukapekaturaira'i piye'e. Pájapanunusera piperdonachanu eta nupekaturana!’

San Lucas 19:2

Matiari'i ema achane riku, tikaijare Zaqueo. Nakapitara'i ena tive'ara'iana eta nayase'ana.

San Lucas 5:27

Te táekenepa eta júkana, ema Jesús tiúchukapa, eta mapaisirapa'i, máima'apa ema achane tikaijare Mateo. (Tikaijare'iware Leví.) Téjaka'i ema eta te makatupara'aiya'i taye'e eta nawachachirare eta nayase'ana. Ema Jesús maichapa: –Yare, pé'ikanu.

San Juan 1:48

Ema Natanael mayaserekapa: –¿Távi'a pímatinenu'i? Ema Jesús májikapapa: –Nímativi'i te wícha'a máetupiakavi'ini ema Felipe, eta máichuiraviyare'i, te piávi'aipa te tápeku eta yukuki higo.

San Juan 11:16

Taka'e, ema Tomás ema naimijareru chame, maichapa ena machamuriana maimitureana ema Jesús: –Viyana víti apanaware te nakapakapuka ema, nakapaka'avirinewa víti apanawa.

San Juan 14:22

Ema Julasi (wa'isera émaina ema tijarareka'i ema Viakenu) mayaserekapa: –Tata, ¿vikarichuirayare pímerekawa eta viye'e, tási'a, ena apamuriana achaneana, waipa tíma'avianaima'i?

San Juan 14:5

Ema Tomás máichapa ema Jesús: –Tata, wá'ira vímati távi'apuka eta pikaiju'eyare, wá'iware vímati eta achene piyani'ayare.

San Juan 14:9

Ema Jesús majikapawarepa: –Ánakiapaipa eta pikachaneranu'i piti Felipe, wícha'akaruware pímatinu. Eti íma'anuipa'i, ímatinuipaware yátupi'i. Tímikutijirikawaipa'i émaina'ini ímararaka'ini ema Tata. ¿Tája'a takayema piwara'aicha'aware nímechavi ema Tata?

San Juan 21:2

Natiari'iware ena apinana naimijareru ema Simón Pedro emapa ema tomás ema naimijarecha chame, ema Natanael, ema tikawasaini'i te tikaijare Caná te Galilea, ena machichanaveana ema Zebedeo ema Santiago emapa Juan natiari'icha'aware ena apinana maimitureana ema Jesús.

Hechos 1:13

Te títekapanapa te awasare, tisiapanapa te peti, eta náitekapi'a'i. Tiápananapa te tékene'a piso. Natiari'i'i ema Pedro, ema Juan, ema Santiago, ema Andrés, ema Felipe, ema Tomás, ema Bartolomé, ema Mateo, ema apana Santiago, machicha ema Alfeo, ema Simón naichasare Celote, tási'a émapa ema Judas machicha ema Santiago.

Hechos 12:17

Émasera máimikutiarachapa te mawa'u eta namatina, tási'a mametakawakapa eta makuchukuira'i ema Viya taye'e eta nakaeratairare. Tási'a máichapa: –Emétapana ema Santiago, tási'a énapa ena apamuriana viparapenaveana. Taka'e, tiúchukapa tiyanapa te apana awasare.

Hechos 15:13

Te títapirikanapa eta nametarapiana'i, émapawapa ema Santiago téchejika. Maka'epa: –Nuparapenaveana, esamanucha'a:

Hechos 21:18

Te apanapa sache ema Pablo tiama'avipa, viúrujikawayare'i te mapena ema Santiago. Vichimapapa natiari'ipa namutu ena víyara'ana Tachutiri'ana.

Gálatas 1:19

Émapa ema Santiago, maparape ema Viákenu, ema níma'akene'iware, énasera ena apamuriana apústuleana, nájina níma'awaka'ini.

Gálatas 2:9

Ema Santiago, ema Pedro émapa ema Juan tímiyanawanayare tímiturekana'iware ena israelítana, tépurunuanaichuchapuka eta náimairanu'i, tayanapanesera wá'ipuka nujakapakare'i naye'e eta apústulenuira'i, nútisera nécha'i eta manerejisiranu'i ema Viya eta apústulenuirayare.

Santiago 1:1

Nuti Santiago, mawanaranu'i ema Viya, emapa ema Viákenu Jesucristo. Nuwara'a nukaitekapa eta juka néchejiriruwa eye'e emutu eti nujaneanana israelítana éjanerepairuana'i te tamutu awasareana.

San Judas 1:1

Nuti Judas mawanara ema Jesucristo, maparapenuware ema Santiago, néchejika'ewaka emutu eti maichu'akene'i maemunaruana ema Tata Viya, taicha tetavikawa'i eta majaneasira'e'i ema Jesucristo.