San Mateo 1:16 - Táurinakene máechejiriruwa’i ema Viya tikaijare

¹⁶ Ema Jacob makachichapa ema José, ema suíma'i esu María, máena'i ema Jesús, ema tikaijare Cristo.

Ignaciano

¹⁶ Ema Jacob macachichapa ema José, ema suímahi esu María, máenahi ema Jesús, ema ticaijare Cristo, ema vicucha­pa­quenehi.

San Mateo 1:16 Iomraidhean Croise

San Mateo 1:15

Ema Eliud makachichapa ema Eleazar, ema Eleazar makachichapa ema Matán, ema Matán makachichapa ema Jacob.

San Mateo 16:16

Ema Simón Pedro majikapapa: –Pítira ema Cristo, Machichakenevi'i ema Viya, ema tijaraka'avi eta vitaresira.

San Mateo 16:20

Taka'e ema Jesús, matuparakawapa muraka ena máimitureana nakuija nakumetaka eta émaira'i ema Cristo.

San Mateo 2:13

Te táekenepa eta nayanira'i ena máguana, tiúkupaikapa ema émana ángele mawaneru'i ema Viya, mametapanayare'i ema José te mawapure, ánipa máicha'i: “Péchepuka José, piyana piama ema amuya, tási'a esupa esu María taye'e eta Egipto. Pinasiyare ánaki tiámainukawa te numetakaviware eta pichavirainapa, taicha ema Aluresi títekayare matanukayare ema amuya, mawaraira'i makapaka.”

San Mateo 27:17

eta náurujisirawa'i ena achaneana, ema Pilato mayaserekawakapa: –¿Nája'a ema eyasesereruyare, émapuka ema Barrabás, émapuka ewara'a nukaitika ema Jesús, ema tikaijare Cristo?

San Mateo 27:22

Ema Pilato mayaserekawarepa: –¿Tája'asika nícharakayare ema Jesús, ema tikaijare Cristo? Namutupa najikapapa: –¡Pémetatareka te crusu!

Marcos 6:3

¿Wa'i émaina ema maka, ema carpintero suchicha esu María, maparape ema Santiago, ema José, ema Judas émapa ema Simón? ¿Tási'a wa'i ánina navi'a ena esenana maparapenaveana, tikawasana'i eta ani viye'e? Tási'a wa'i nasuapa'i ema.

San Lucas 1:27

Máukupauchapa esu amaperu esena tikaijaru María. Esu, tájina suímatiya'ini ema ajaira, matiari'ipasera ema suímayare'i, ema tikaijare José. Téjakaipa'i eta natratune. Ema, mámariekeneini'i ema víyara'aini rey David.

San Lucas 2:48

Taka'e, tiáramiwanaine'i ichape ena tikachichana te náetupiakapa. Tási'a, suíchapa esu maena: –Nuchicha, ¿tája'a takayema picha'avi'i? Ichapemuri eta vikañamarasirawa'i pícha. Vitanujirikavi'i, nuti éñipa eñi piya.

San Lucas 2:7

Taka'e, tinákapa jena yati. Suínakapa ema amuya suárachicha'i, suáyuruakapa te mámaratataji, sukaivekapa ema amuya alauchu sukaivekapa taye'e eta pesebre, taicha tajinaipa'i tavirawaina'ini taye'e eta naitekapirare'i.

San Lucas 3:23

Ema Jesús makaye'eipa'i treinta añu, te tinakuchawapa tímitureka'i naye'e ena achaneana. Ema, náimijachakene'i machicha ema José. Ema máiyaini'i ema José, ema Elí.

San Lucas 4:22

Namutu'i tiuri'i eta naechejisira'i maye'e ema Jesús, tási'a nárami'i eta maichakeneana'i. Taka'e naka'epa: –¿Wa'i émaina ema maka, ema machicha ema José?

San Juan 4:25

Esu esena suíchapa: –Nuti necha'i eta ñítekapirayare'i eñi ñiwaneru eñi Viya (eñi naichakeneasa'i Cristo), techakare'iware eta ñimetasira'aviyare'i tamutu.