San Mateo 1:1 - Táurinakene máechejiriruwa’i ema Viya tikaijare

¹ Eta juka nájukuna'i ena máchukaekeneanaini ema Viakenu Jesucristo, ema mámariékene ema David emapa ema Abraham:

Ignaciano

¹ Nuvaraha numeta­caheya mayehe ema Jesucristo. Éma, vijaneanahi israelítahi, taicha eta mámarié­que­nérahi ema viáchucaini Abraham. Éneri­chuvare, ema Jesús rey-yarehi taicha eta mámarié­que­nérahi ema víyarahaini rey David. Eta juca eta nalista ena máchucae­que­neanaini ema Jesús.

San Mateo 1:1 Iomraidhean Croise

San Mateo 1:18

Eta máepaninewa ema Viakenu Jesucristo, ani taka'e'i: Esu María esu maena, sukaejakaipa'i eta suechejiriruwa eta suítauchirayare'i ema José, wícha'asera nakachanekaka'ini, tikajaripa'isera esu, máwajuechira'i ema Machanewa Viya.

San Mateo 1:2

Ema Abraham, makachichapa ema Isaac. Ema Isaac makachichapa ema Jacob ema Jacob makachichapa ema Judá énapa ena apamuriana maparapenaveana.

San Mateo 15:22

Tási'a esu esena cananea, eta suchusira'i te jena awasare supiarakapaipa eta supauchira'i: –¡Tata, piti ñichicha eñi David, pájapanunu! ¡Esu nuchicha ñáwa'aka'i eñi éreana, tétavikawa'i eta sukatajiwaira'i!

San Mateo 3:16

Te titawapa eta makaikachasira'i ema Jesús, tiúkupaikapa te une, tási'a, tíja'uchawapa téjiaka eta anuma, máima'apa ema Machanewa Viya tiúkupaikapaipa'i, mawasima'ipaipa eta paluma, tavenesikapa ema Jesús.

San Mateo 9:27

Te tiuchukapa ema Jesús eta ánaki, náe'ikapaipa ena apinana púchukiana, tipiarakanapaipa'i te máekene: –¡Pikatajika'avipaini pájapanu'avi piti'ipa yátupikenevi'i Cristo!

San Lucas 1:33

ema téchayare'i namutu eta awasare mawasa ema Jacob. Máepenakakayare eta akenukairayare.

San Juan 7:42

Taicha eta Ajuruka táechejisi'a'i ema Cristo émayare'i mámariekeneyare'i ema víyara'aini Rey David. Té'esera te awasare Belén eta máuchusi'ayare, étaichu'i te máwasa'i ema víyara'aini Rey David.

Hechos 2:30

Ema David, yátupikene'i profetaini'i ema, makuchapa'i eta táitauchirawayare eta mametakasiwa'i me Viya, eta matiari'irayare'i ema rey, émana mámariekeneyare'i ema.

Romanos 1:3

Eta Takapika'ukene Ajureka, táechejisi'aipa ema Machicha ema Viya, eta máukupaisirayare'i te juka apake'e ema Jesucristo, ema achanekene'i eta máima'i.

Romanos 4:13

Ema Viya tíjarakawa'i eta máijarasirayare ema Abraham énapa ena mámariekeneana tamutu eta apake'e, náwapairuyare. Máijarakayare táichavene'i eta makasiñawaira'i ema Abraham, wa'i étaparakaina'íni eta masuapiraina'ini eta wanairipiana.

Romanos 9:5

Mametaka'iware eta máitesirayare'i ema tikatiura'iyare naye'e. Ena nani, tétavikawa'i eta táuriwa'i eta náikuchiyare'ini taicha manerejikawaka'i ema Viya ena máumuriwanaichu'i ema Cristo, najaneanaichu'i eta máukupaisira'i te juka apake'e. Puíticha émaipa técha'i tamutu. Máitawakakaipa eta vijirauchira'i. Amén.

Gálatas 3:16

Ene maka'e'i ema Viya eta makaejasira'i eta maechejiriruwa maye'e ema Abraham enapa ena mamairiekeneana. Eta Ajureka taechejisi'a ema “Mamairiekene”, émanarichu'i ema mámariekene'i ema táimijarechakene'i eta makaejasira'i eta maechejiriruwa, wa'i námutu'ini ena nasimutuwakeneanayare'i mámariékeneanayare'i ema Abraham”, éma'i ema tikaijare'i Cristo.

1 Timoteo 2:5

Taicha májina apanaina'ini, makarichu ema Tata Vikaiyakene, émanaichuware ema achane techejiucha'i mamira'u ema Viákenu, te namira'u ena achaneana: makarichu'i ema Viákenu Jesucristo.

2 Timoteo 2:8

Wa'i pikuemitisika eta juka nímiturapiana'i maye'e ema Jesús, eta émaira'i yátupikene Cristo, mámariekeneni'i ema rey David. Ema, máepenakeneni'i. Makaechepuka'isera ema Viya.

Apocalipsis 22:16

Maka'eware ema Viákenu: “Nuti, Jesús, nuwaneka'i ema nuye'e ángele máimikaecherachayare'i tamutu eta juka numetarapiana puiti eye'e eti nuchanerana te awasareana. Nuti, yátupinu'i Rey'i ekuchapakene'i, mawanerunu'iware ema Tata. Tétavikawa'i eta nujaraiwa'i taicha eta akenukairanu'i ichape.”