San Lucas 9:51 - Táurinakene máechejiriruwa’i ema Viya tikaijare

⁵¹ Te jena sácheana'i tiánene'ipaipa títekapa eta mayanirayare'i ema Jesús te anuma. Tási'a, tíjarakawaicha'a eta mayaniranumayare te Jerusalén.

Ignaciano

⁵¹ Te jena sácheanahi tiánene­hipaipa títecapa eta mayani­ra­yarehi ema Jesús te anuma. Tásiha, tíjara­ca­vaichaha eta mayani­ra­nu­mayare te Jerusalén.

San Lucas 9:51 Iomraidhean Croise

Marcos 16:19

Taka'e, te títawapa tamutu eta mametarapiana'i ema Viákenu Jesús, tiyanapa tiyapa te anuma. Ema Viya makaejakapa te mawaure.

San Lucas 12:50

Yátupiyare eta nukatajiwairayare, naicha ena tikatianakanuana. Eti apanawa, tikatianaka'eanayare.

San Lucas 13:22

Ema Jesús tiyanaware tipaika. Máimitukawaka'i ena achaneana te jákani awasare máitekapi'apa'i, makaiju'e'i eta Jerusalén.

San Lucas 17:11

Tímiyanawaware tipaika ema Jesús, makaiju'epa eta Jerusalén. Máetavikawakapaipa eta awasareana te Tinapaika te Galilea étapa eta Samaria:

San Lucas 18:31

Ema Jesús maichu'awakapa ena dúsekeneana máimitureana, tási'a máichawakapa: “Puiti, vikaiju'épa'i te Jerusalén, ánaki táitauchiawayare tamutu eta nájukunachakeneana'i ena profetanaini eta maíchararakawayare'i ema Machicha ema Ajaira.

San Lucas 19:11

Taka'e, ena achaneana, eta náimaira'i eta máne'iraipa eta Jerusalén, ena náimijachaipa'i titekapayarepa eta mawasa ema Viya akenuka te anuma.

San Lucas 19:28

Te tamutupa eta juka máimituresira'i, ema Jesús tímiyanawawarepa tipaika'i, makaiju'epa te Jerusalén.

San Lucas 24:51

Tási'a te títapirikapa eta mayujarauchirawaka'i, terajikawapa naye'e ena, tási'a tiyanapa te anuma.

San Lucas 9:57

Eta napaisirapa'i te achene, nakainunapa ema émana achane, máichapa ema Jesús: –Tata, nuwara'a né'ikavi te jákani piwara'akeneyare piámanu.

San Juan 13:1

Tiuri, te jena sacheana'i tamira'upaipa'i eta Pascua, ema Jesús máechaipa eta táitekapauchayarepa eta majunijisirayare'i eta juka apake'e. Tiyanayarepa maye'e ema Maiya. Tétavikawa'i eta máemunasirawaka'i ena máimitureana.

San Juan 16:28

Nuti, eta nási'a'i maye'e ema Tata eta nítesira'i te juka apake'e, puítisera nujunijikainawarepa eta apake'e, nuchawainawarepa maye'e ema Tata.”

San Juan 16:5

Puiti tiáne'inapa eta nuyaniraya nuchawa maye'e ema tiwanekanu'i, tási'a nájinasera émanaina'ini'i eye'e eti nayaserekanu'ini távi'apuka eta nukaiju'eyare,

San Juan 17:11

“Nuti nujunijikawakainapa ena píjararunuana. Énasera nanasiyarecha'a te juka apake'e. Nútisera nútijapainapa eta piye'e. Tata Nukaiyakene, piti yátupikenevi'i eta pisantuwa'i. Nuyaseakavi pijaneasinanuwakachucha ena, apaesa náimiyanawa'i eta náurujiasirakakaina, náwa'asirakakayare nákuti'ini eta viáwa'asirakaka'i víti.

San Juan 6:62

Taja'apuka ícharakawa'ini, eta ímairaina'ini ema Machicha ema Ajaira, eta mayanapaini ánaki te mawasa tainapure.

Hechos 1:2

tási'a narari'i'i ena manerejiruana apústuleana. Émaipa ema Machanewa Viya, máimikataka'i eta matúparasirawaka'i ena, nájuchawarepa eta mayapira'i te anuma.

Hechos 1:9

Taka'e, te títawapa eta máechejirisirawa'i, ena máimitureana naimararakaicha'a'i, tíja'uchawapa ema Jesús tiyanapa te anuma, táepakuchapa eta úkaji, waipa makaechera'ini.

Efesios 1:20

Ema Viya máimereka'i eta máitupajijiasirawa ichape te makaechepukapa ema Cristo te máekari, makaejakapa ema te mawaure taye'e eta anuma mávi'a'i puiti,

Filipenses 3:14

nupamikawa'i taicha ichape eta nuwaraira'i nukurisamurecha'ini ema Viya, nuve'a'ini eta níkuchi'i maye'e, taicha eta taka'e'i eta máichuira'avi'i, mawaraira'i tíjaraka'avi eta viúrujiasira'i ema Jesucristo.

1 Timoteo 3:16

Taicha eta juka vé'iru'i vimutu, tétavikawa'i eta táuriwa taechapewa'i: Ema Viakenu timerekawa'i eta máukupaisira'i makake'era'i eta juka viake'e'i viti achaneana, émaipa ema Machanewa Viya makametarapi'iware eta yátupira'i Machicha ema Viya. Náima'a'iware ena ángeleana eta máechepusira'i te máekari. Nakametarairpa tamutu awasareana, namutu achaneana nasuapa'i te juka apake'e. Ichapemuriana ena tijachapána eta majaraiwa te anuma.

Hebreo 12:2

Vikutiyarewa ema Viákenu Jesús, taicha eta tási'a maye'e eta vikasiñawaira'i me Viya émaichuware timitupirucha'avi. Ema, Jesús marata'a'i eta matajiwa te crusu wa'i masuapa'ini eta tatsiri'akarewa eta maepenira'i te crusu, taicha maecha'i te taekenepa matajiwa titekapayarepa eta maurisamurewayare'i. Tejakayarepa te mawaure ema Viya.

Hebreo 6:20

taicha ema Jesús tínapumirauchayarepa'i eta viyanirayare'i, taicha makarichu'i ema tikatupara'a'i eta mayaseuchira'aviyare, makuti'i ema víyara'aini Melquisedec.

1 Pedro 3:22

Puiti ema, tiyanaipa'i te anuma; téjakaipa te mawaure ema Maiya. Tétavikawa'i eta masuapakarewa'i naye'e namutu ena maye'eana ángeleana. Énapa ena wínarajiana, nasuapa'iware.