San Lucas 9:43 - Táurinakene máechejiriruwa’i ema Viya tikaijare

⁴³ Náramirine'i ena achaneana taicha eta tamutuira'i marata'a ema Viya, máitupajijiasirawa'i. Nanasi'icha'a'i napanerekene'a'i ena achaneana eta juka náima'akene'i. Ema Jesús mápechaware mametakawaka ena máimitureana. Ánipa maka'e'i:

Ignaciano

⁴³ Nárami­rinehi ena achaneana taicha eta tamutuirahi marataha ema Viya, máitupa­ji­jia­si­ravahi. Nanasi­ri­chahahi napane­re­que­nehahi ena achaneana eta juca náimaha­quenehi. Ema Jesús mápechavare mameta­cavaca ena máimitureana. Ánipa macahehi:

San Lucas 9:43 Iomraidhean Croise

San Mateo 17:22

Taka'e, eta napaisirapa'i te awasareana táunawa'i eta kakiure, ema Jesús maichawakapa ena te'ikanapa'i: –Nuti Machichanu ema achane, járajapainapa eta sácheyare tíjararekanuyare mákani achane naye'e ena tikatianakanuana'i,

Marcos 6:51

Taka'e, ema Jesús tiáwaku'apa te pakure, tíja'uchawapa tíchekapa eta tékatikawa. Náramirine'i ichape ena máimitureana,

San Lucas 18:43

Jé'esareine'i, tíja'uchawapa timairika ema púchuki. Taka'e, máe'ikapa ema Jesús, makunachapaipaware ema Viya. Énapa ena achaneana tímararakana'i eta manarasira'i, ichapeine'i eta nakunachira'i ema Viya.

San Lucas 4:36

Tiáramekanaine'i namutu, tási'a naka'emuripa: –¿Tája'asika takayema eta juka echéjirirukawana? Tétavikawa'i eta máitupajijiasirawa'i ema maka achane, marata'a'i mákijika eta machanewa ema éreana ¡Maichawaka'i iuchuka, ena tiuchukana'i!

San Lucas 5:26

Namutupa nárami'i, tási'a tétavikawaine'i eta nakunachira'i na'asulupayachapa ema Viya, ánipa naka'e'i: –Wa'i vima'asarena'ini eta juka.

San Lucas 5:9

Taka'e ema Simón emapa ena natiari'ikeneana'i, ichapeine'i eta naramesira'i eta naimaira'i eta ichapemurikene jima.

San Lucas 8:25

Taka'e, máichawakapa ena máimitureana: –¿Tája'a takayema wa'i ákasiñawa'ini eta nutiari'irapa'i eta eye'e? Énasera eta naramesira'i naramine'i, tási'a tiyaserejirikakanapa: –¿Nája'apuka ema maka? Taicha eta mawanairipi, tamutu tasuapa'i eta tékatikawa étapa eta une.

San Lucas 9:42

Te témeña'awainipa ema amaperu, ema éreana mákipaikapa te apake'e. Émasera ema Jesús, makajachapa ema éreana, taka'e tinarakapa ema amaperu, tási'a máijarakapa ema maiya.

2 Pedro 1:16

Eta vímitusira'e'i, eta machaviraya ema Viákenu Jesucristo, máimeresiraya eta máitupajijiasirawa, wa'i vépiya'ira'ima'i, wá'iware vive'akenéna te vichuti, vímatipa yátupi, taicha víma'a'i te viúki'ana eta majaraiwa'i ema Viákenu.