San Lucas 9:41 - Táurinakene máechejiriruwa’i ema Viya tikaijare

⁴¹ Ema Jesús majikapapa: –¡Tétavikawa emasuapajiraiwa eti achaneana! ¡Kúverarekapa eta nukamichira'ena'ini! Piama ani ema pichicha.

Ignaciano

⁴¹ Tásiha ema Jesús majicapapa: —¡Tétavicava emasua­pa­ji­rai­vavaca eti achaneana! ¡Cúvera­re­cai­cha­pucaini eta nucami­chi­ra­he­nahini! Piama ani ema pichicha.

San Lucas 9:41 Iomraidhean Croise

San Mateo 11:28

Yare, ekasiñanu emutu eti evitajiruana'i taicha eta émataneana tási'a etipa éyarekara'iana eta iámakeneana, núti nukanaraka'eyare.

San Mateo 12:39

Ema Jesús majikapawakapa: –Ena naka achaneana wínarajikeneana, masuapajiraira'ana tiyaseakanuana'i nicha eta tiáramikareana; wáipasera nijarakaima'i eta tiáramikareana, takarine'i eta máichawakenewa'i ema profetaini Jonás.

San Mateo 12:45

Taka'e tíchuarekapa ena siétekeneana machamuriana wínarajipanana, nasiapa'akainawarepa namutu ena, jé'esare tiápajukawainapa eta mawínarajiwa ema paure achane, ene eka'eyare eti, taicha eta emasuapiranu'i.”

San Mateo 16:4

Ena naka achaneana wínarajikeneana masuapajiraira'ana, tiyaseakanuana'i nicha eta tiáramikareana, wáipasera nijarakaima'i eta tiáramikareana, takarine'i eta máichawakenewa'i ema profetaini Jonás.” Tási'a majunijikawakapa, tiyanapa.

San Mateo 17:17

Ema Jesús majikapapa: –¡Tétavikawa eti achaneana emasuapajiraiwa, wa'ikene akasiñawa'ini me Viya! ¿Kúverarekapa eta nukamichira'ena'ini? Iáma ani ema amaperu.

San Mateo 23:36

Nutupiruwa numetaka'e, étinapa tamuriakayare tamutu eta ekuñarakiyare, eye'e eti achaneana etiari'ikeneana'i puiti.

San Mateo 3:7

Taka'e te maima'apa ema Juan ena fariséuana énapa ena saduceoana. Nayanaucha'i, nawaraira'i tikaikachasiana, máichawakapa: “¡Tachichanaveana eta kichare! ¿Nája'a ticha'e'i eta iúchuku'airaya taye'e eta maikuñaraki ema Viya?

Marcos 10:14

Te máima'apa ema Jesús eta juka, tisemapa, tási'a maka'epa: –Ésamirikachucha ena amuyana, náitekaicha'a eta nuye'e. Taicha eta mawasa ema Viya akenuka te anuma, naye'eyare'i ena nani nakutiana'i ena.

Marcos 10:49

Taka'e, ema Jesús eta masamira'i, titupi'apa: –Íchu'a. Náichu'apa ema púchuki, náichapa: –Pétumechawa, taicha tíchu'avipa.

Marcos 9:19

Ema Jesús majikapapa: –¡Tétavikawa eti achaneana emasuapajiraiwa, wa'ikene akasiñawa'ini me Viya! ¡Kúverarekapa eta nukamichira'ena'ini! Iáma ani ema amaperu.

San Lucas 8:25

Taka'e, máichawakapa ena máimitureana: –¿Tája'a takayema wa'i ákasiñawa'ini eta nutiari'irapa'i eta eye'e? Énasera eta naramesira'i naramine'i, tási'a tiyaserejirikakanapa: –¿Nája'apuka ema maka? Taicha eta mawanairipi, tamutu tasuapa'i eta tékatikawa étapa eta une.

San Lucas 9:40

Néchejiakawakaipa'ineni ena pimitureana, wá'isera naituruka'ini nakuchuka'ini ema éreana.

San Lucas 9:42

Te témeña'awainipa ema amaperu, ema éreana mákipaikapa te apake'e. Émasera ema Jesús, makajachapa ema éreana, taka'e tinarakapa ema amaperu, tási'a máijarakapa ema maiya.

San Juan 14:9

Ema Jesús majikapawarepa: –Ánakiapaipa eta pikachaneranu'i piti Felipe, wícha'akaruware pímatinu. Eti íma'anuipa'i, ímatinuipaware yátupi'i. Tímikutijirikawaipa'i émaina'ini ímararaka'ini ema Tata. ¿Tája'a takayema piwara'aicha'aware nímechavi ema Tata?

San Juan 20:27

Tási'a, máichu'apa ema Tomás: –Yare, píma'a eta nujarana te nuwa'uana, pímisiapa eta piwauki eta te juka nuchene, wa'i pikukuti ena maecharaireana ¡yatupina pisuapanu!

Hechos 13:18

Tási'asera, cuarenta añu eta makamichira'i ema Viya eta náejekapirawana taye'e eta návi'aira'i te máwapa'i wáma'i.

Hechos 2:40

Taka'e'i eta juka máechejiriruwana'i ema Pedro. Ichape eta maecheirikawaka'i, ániwarepa máichawaka'i: –Ínajika eta ewínarajiwana. Érajikawa naye'e ena tíchana eta tamaurikeneana.

Romanos 2:4

Émasera ema Viya, tétavikawa'i eta máuriwa'i eta eye'e, wa'i maíkuñaka'ewane'ini. Tikamicha'e'i, tikuchapa'e'iware, mawaraira'i éñauchawa'ini eta maye'e, ínajika'ini eta íchira eta tamaurikeneana.

Hebreo 3:19

Yatupi eta juka, táichavene'i eta namasuapajiraiwa'i, puiti víma'aipa'i eta namaitujisirawa'i tisiapana taye'e eta máwasa ema Viya.

Hebreo 4:11

Eta taka'e, tawara'a'i vétumechawayare'i taye'e eta visuapiraina ema, apaesa vítujikawa visiapa taye'e eta vinarasi'aya, machu vémepurureka eta víkuchi'i, machu wákuti ena masuapajiraira'ana'i.

Hebreo 4:2

Taicha víti vikametakasi'iware eta Arairu maechejiriruwa ema Viya, takuti'i eta nakametakasira'i ena. Tamapuruji'isera eta nakametakasira'i eta náuchukuirayare'ini, wá'ikenesera nasuapa'ini.

Hebreo 7:25

Tási'a puiti, makarichu ema marata'a'i tikatiucha'avi'i viti vikasiñana'i ema. Ema, tikaitekapa'avi'iware me Viya. Máitawakakayare'i eta máechejiuchira'avi'i.