San Lucas 9:16 - Táurinakene máechejiriruwa’i ema Viya tikaijare

¹⁶ Taka'e, ema Jesús mave'apa eta sinkukene pan étapa eta apiki jima, máesenikapa te anuma, ma'asulupayachapa ema Viya eta máenisirawakayare'i ena kamurikeneana achaneana, mayuvetu'epa, máijarakapa ena máimitureana, ena náijarakapaipa ena achaneana.

Ignaciano

¹⁶ Tacahe, ema Jesús mavehapa eta cíncoquene pan étapa eta apiqui jima. Máesenicapa te anuma. Mahasu­lu­pa­yachaipa ema Maiya eta máenisi­ra­va­ca­yarehi ena camuri­queneana achaneana. Mayuve­tu­tu­he­ca­vacapa, máijaracapa ena apóstoleana. Náijara­ca­pasera namutu ena achaneana.

San Lucas 9:16 Iomraidhean Croise

San Mateo 14:19

Taka'e, makawanairipipa náeja'a'apaika ena achaneana te muíjipa'i. Mave'apa eta sinkukene pan étapa eta apiki jima, máesenikapa te anuma, ma'asulupayachapa ema Viya, mayuvetukawakapa eta pan, tási'a, máijarakapa ena máimitureana, tási'a ena naijarakawakapa ena achaneana.

San Mateo 15:36

mave'apa eta siétekene pan, étapa eta jímana. Ma'asulupayachapa ema Viya. Mayuvetukapa, maíjarakapa ena máimitureana, tási'a ena naijarakawakapaipa ena achaneana.

Marcos 7:34

Taka'e, máesenikapa te anuma, tiamichapa taka'e, máichapa ema achane eta taka'e: “¡Efatá!” (Echéjirirukawa arameo, eta juka taka'e'i eta “¡Téchuji'a!”)

San Lucas 22:19

Te taekenepa, mave'apa te mawa'uana eta pan, tási'a ma'asulupayachapa ema Viya, mayuvetukapa máijarakawakapa ena, tási'a máichawakapa: –Eta juka náke'e, étivene'i níjararekawa'i eta népenirayare. Epiyaka eta juka, temecha'eya eta nuye'e.

San Lucas 24:30

Te tiúripa eta tinikakare, mave'apa eta pan, ma'asulupayachapa ema Viya, mayuvetumekapa, máijarakawakapa.

San Lucas 9:15

Enepasera taka'e'i naicha ena máimitureana, tikaejarekanapa namutu.

San Lucas 9:17

Namutupa tinikana, tisatu'eanapa, dóse'ikene eta saye eta tainikacha eta náemacharajiana'i.

San Juan 6:11

Taka'e, ema Jesús mave'apa eta páneana. Te tamutupa eta ma'asulupayachira'i ema Viya, maíjarakawakapa. Ténirikapa, maijarakawakapaipa eta pan etapa eta jima, tisimuriwakapaipa eta naijarakawakapa.

San Juan 6:23

Tási'a, taka'epainecha eta apana pakureana, naye'e'i ena tiási'ana'i te awasare Tiberias. Títekapanapa te tachakaya eta nanisine'i eta pan ena kamurikeneana achaneana.

Hechos 27:35

Te tamutupa eta mawanesirawaka'i, ema Pablo mave'apa eta pan; ma'asulupayachapa ema Viya te namira'u. Mavejekapa, tinikapa.

Romanos 14:6

Nákani tiyujarauchawana'i te jena sache, ena nawara'a'i napikaucha ema Viákenu. Ena apamuriana, wa'i tákamesa'ini nanerejika'ini eta sache, ena apanawa napikaucha'i ema Viákenu. Ena naka'e'i nákani tamutuchucha nanika'i, eta napikauchira'i ema Viákenu, na'asulupayacha'i ema. Nákanisera náepuru'i nanika eta jákani tinikakareana, táichavene'iware eta napikauchira'i ema Viya, na'asulupayachaware ema. Tamutu'i tiuri naicha.

1 Corintios 10:30

Te nuti nu'asulupayacha ema Viya eta nunikakeneana'i, ¿taja'asika takayema eta tipanararauchanuanayare eta nunisira'i?

1 Corintios 11:24

tási'a te taekenepa ma'asulupayachapa ema Viya, mayuvetukapa eta pan, tási'a maka'epa: “Eta juka eta náke'e, étivene'i níjararekawa'i eta népeniraya. Eta juka íchayare apajara'iyare, eta témecha'eyare eta nuye'e.”