San Lucas 8:44 - Táurinakene máechejiriruwa’i ema Viya tikaijare

⁴⁴ Esu suka esena témeña'awapa te makeku ema Jesús, suémamakapa eta tacheyarapi eta mamuiri'a. Enewaneine'i tícheka eta suítine.

Ignaciano

⁴⁴ Tépiya­ya­cavapa témeñahava te maquecu ema Jesús. Suémama­jiacapa te tacheyarapi eta mamuiriha. Eneva­ne­rinehi tinaraca ésu. Tíchecapa eta suítine.

San Lucas 8:44 Iomraidhean Croise

San Mateo 20:34

Ema Jesús majapanuwakaine'i, máemama'aukichawakapa, enewanerine'i tímairirikana. Tási'a, náe'ika'pa ema Jesús.

San Mateo 8:3

Ema Jesús maemamakapa te mawa'u, tási'a majikapapa: –Nuwara'a nukanarakavi. ¡Puiti tajinapa pichirawaima'i! Énewaneine'i témitiaka'i eta majumaini'i caracha.

San Mateo 9:20

Taka'e esu esena, doce añuipa'i eta sukajumaira'i táichira'i eta suítine, supauchapa te makeku ema Jesús, suémamakapa eta tacheyarapi eta mamuiri'a.

Marcos 6:56

Éneichuware, te jákani mayani'apa'i te acheneana té'epuka calleana, nanakipaikapa'i ena nakajumakeneana, nayaseakawarepa ema eta máisapiraina'ini náemamajiaka eta tacheyarapi eta mamuiri'a, taka'e, nákani témamajiakanapa'i, enewanepaipa tinarakanapa'i.

San Lucas 13:13

Taka'e, ema Jesús manakapa eta mawa'uana te suápusi. Enewanepa titupina'a'i esu, tinarakapa eta sujumaini'i. Ichapeine'i eta sukunachira'i ema Viya.

San Lucas 7:38

Tiya'apa'i tépuyukapa te máiwapechakaya ema Jesús, tási'a tépanawapa tíya'akawapa, táetsipapapewachapa eta sutsera. Taka'e suájipewachapa te suchutimaka, suetserarekapa eta maiwapeana, tási'a, suépusapewachapa eta perfume.

San Lucas 8:43

Te nataraku ena achaneana, sutiari'ipa'iware esu esena, doce añuipa'i eta sukajumaira'i táichira'i eta suítine, kamurianaipa ena típuchana'i médikuana. Títa'aipa eta suíma'akeneanaini'i, tájinasera wa'i suátiware'ini.

San Lucas 8:45

Taka'e ema Jesús, makayasesererupa: –¿Nája'a témamajiakanu'i? Nájina tísapawaina, ema Pedro maka'epa: –Maestro, píma'aichu'i eta nasimutuwa'i ena achaneana. Tiyututukawana'i te pichakaya.

San Juan 5:13

Émasera ema achane waipa máimati'ini eta máijare ema tikanaraka'i. Wáipaware náetupiakakare'ini ema Jesús te namuri ena kamurikeneana achaneana, taicha majinaipa'i.

Hechos 19:12

Ichapemuriana ena achaneana makanararuanapa'i taye'e eta páñuana, kamisapuka makaratajiruanapa'i. Máijarakaware nakaitekapaya naye'e ena nakajumakeneana, tási'a takanarakapaipa. Éneichuware tákijikapa'i ena éreanana.

Hechos 5:15

Taka'e, námawakapa'i ena apamuriana nakajumakeneana, nanakikapaipa te calleana mayani'ayare'i ema Pedro. Eta máetavisirayare'i ema, távichayare eta makuna, takanarakayare'i eta najumana.