San Lucas 8:21 - Táurinakene máechejiriruwa’i ema Viya tikaijare

²¹ Émasera majikapapa: –Esu meme énapa ena nuparapenaveana, ena némunaruana'iware, nuparapenaveana'i. Taicha tisuapajira'iana'i ena taye'e eta máechejiriruwana ema Viya.

Ignaciano

²¹ Émasera majica­pa­vacapa: —Yátupi némuna­ca­vacahi esu meme énapa ena nupara­pe­naveana. Narari­hisera ani te juca nuchacaya ena némuna­rua­na­hivare, nupara­pe­na­veanahi. Taicha tisuapa­ji­ra­hianahi éna tayehe eta máechaji­ri­ruvana ema Viya, ticaema­ta­nea­ca­na­hivare éma —máichavacapa.

San Lucas 8:21 Iomraidhean Croise

San Mateo 17:5

Tási'a, téchejikaicha'a ema Pedro, tiáramikarepa eta úkaji táepakumuri'a'i ena, tétavikawa'i eta tajanunusira'i, tási'a nasamawarepa eta ma'u ema Viya, taye'e eta úkaji ani maka'e'i: “Ema maka, ema Nuchicha némunarukene'i. Ema nunerejiru'i: esamayare.”

San Mateo 25:40

Ema Rey tijikapa'enapa: ‘Nutupiruwa numetaka'e, nútira íjarakanu'i tamutu eta ejapanuraiwa'i, ímikatasirawaka'i ena echamuriana.’

San Mateo 25:45

Ema Rey májikapawakainapa: ‘Nutupiruwa numetaka'e, eti wa'i ejapanunu'ini, taicha wa'i ájapanuwaka'ini apaesaina'ini ena nani achaneana.’

San Mateo 28:10

ema máichawakapa: –Wa'i ekupikanu. Eyana emétapanawaka ena apamuriana echamuriana nímitureana'i. Eyanayare emutu te Galilea. Ánaki nukuchapia'eyare

San Lucas 8:15

Natiari'isera ena apamuriana achaneana nakuti'i eta tiúrina máteji. Ena, nasamararaka'i eta nímiturapiana, náunaka'i yátupi te nasamureana. Tájinaware náichirawaina'ini eta náe'isiranu'i. Wa'i nayakujima'i.

San Lucas 8:20

Natiari'i'i ena timetapanana'i ema Jesús: –Esu pena, énapa ena piparapenaveana narari'i ani te aneka, nawara'a'i tíma'aviana.

San Juan 13:17

Te yátupina ekarawa'uinapa eta juka nímiturapiana, tájina íchirawaima'i. Ekunachakareyarewa me Viya eta ítauchiraya.

San Juan 20:17

Ema Jesús máichapa: –Wa'i pikuemama'akanu, taicha wicha'a nápana'ini te mávi'a'i ema Tata. Piyana pimetakawaka ena apamuriana nímitureana eta nápanirayare maye'e ema Tata nukaiyakene, Ekaiyakene'iware eti apanawa.

2 Corintios 5:16

Eta taka'e, viti vé'ikanaipa ema Cristo, étainapa vipanerechayare eta vítsiwachiraipa eta vítaresira. Waipa vé'ikaima'i eta apana panereruka taye'eana'i te juka apake'e. Étaipa kape juka viásinekene'i wá'ichu visuapapajika'ini ema Cristo, vímijachaichucha ema vikuti'i viti achaneana. Puítisera visuapa'i émaira'i Machichakene'i ema Viya.

2 Corintios 6:18

Nuti yátupikenenuyare'i Ekaiyakenenu'i eti. Nuchichanaveana'i, ema Viya máitupajiji'akene'i.”

Santiago 1:22

Ítauchayare eta tametarapiana'i eta máechajiriruwana ema Viya, wa'i takuejekapawa eta epanereruana, machu ímijachapuka tarataichu'i eta esamararasira'i taicha te taka'e eta juka vitijiwainapa viwayuakawa.

1 Juan 2:29

Eti écha'i eta máetaviuchira eta máuriwa'i ema Jesucristo. Tási'a, ímatiyare ena apamuriana machichanaveana ema Viya, táichavene eta náichira'i eta táurikeneana.

3 Juan 1:11

Nuparapenaveana némunarukeneana, wa'i pikuikutipa ena tíchana'i eta tamaurikeneana. Pikutiyaresera ena tíchana'i eta táurikeneana. Taicha viti víchana eta táurikeneana, viti machichanaveana ema Viya. Énasera ena tíchana'i eta tamaurikeneana, ena, wa'i náimati'ini ema Viya.