San Lucas 7:13 - Táurinakene máechejiriruwa’i ema Viya tikaijare

¹³ Eta máimaira'i ema Viákenu, majapanuine'i esu esena. Tási'a, máichapa: –Wa'i pikuiya'a.

Ignaciano

¹³ Eta máimairahi ema Viáquenu, majapa­nu­rinehi esu esena. Tásiha, máichapa: —Vahi picuiyaha —macahepa.

San Lucas 7:13 Iomraidhean Croise

Marcos 8:2

–Nujapanuwaka ena nani achaneana, taicha mapanapa sache eta naka'e'i ani nuye'e, tási'a tájinaware naviya'ini eta nanika.

San Lucas 10:1

Te táekenepa eta júkana, ema Viákenu Jesucristo manerejikawarepa ena setenta-keneana apamuriana máimitureana'iware. Tiyananapa tikametarairuanayare'i te awasareana eta manukuiyayarepa'i ema. Apinanawakapa'i eta napaisirayare ena.

San Lucas 11:1

Taka'e, te jákani apanapa sache, ema Jesús mávi'a'i eta te mayujarasirare'i. Te títayujarapa, témeña'awapa ema émana máimiture, máichapa: –Tata, pímituka'avi eta viyujarasirayare, tákuti eta máimitusirawaka'i ema Juan ena máimitureana'i.

San Lucas 11:39

Émasera ema Viya máichapa: –Eti fariséuoana, esipasikaichucha te aneka eta wasu, étapa platu, eti iápajupanawa'i eta tachipejiwa'i eta iáchanewana, táichavene eta ewínarajiwa.

San Lucas 12:42

Maka'epa ema Tata Viákenu: “¿Makañári'ipuka ema nákenururi ena musuana máetaviucha'i eta mauriwa, tisuapajira'iware, ema makenu matuparaka'i ena tiavi'ana'i te mapena eta máijarasiraya eta nanikakene tamutu sacheana?

San Lucas 13:15

Tási'a, ema Viákenu Jesús, majikapapa: –Eti apimirana, ¿tétavikawa'i eta tamurakawa eta esamureana, te tikaitiki'i eta epera te jákani sache sáwaru, evejapuakayare'i eta ésichirayare eta une, tayanapane takapika'ukene'inéni eta sache?

San Lucas 17:5

Tiuri, ena apústuleana nayaserekapa ema Jesús: –Tata Viákenu, viwara'a ichapena'ini eta vikasiñairawaya eta piye'e.

San Lucas 17:6

Taka'e, ema Jesús majikapawakapa: –Étisera, te yátupikenena'ini ákasiñawa'ini me Viya, tayanapane ánichichainaichu'ini, takuti'ipukaini eta táki eta mustaza, tamutuyare erata'a. Étaipa eta jákani yukuki, te ewara'apuka ekayejeka, erata'ayare'i. Te íchapuka: ‘Piyejekawa eta te juka, piyana pisukuchawa te ichape une’, tási'a, eta yukuki tisuapa'enapa.

San Lucas 18:6

Tasi'a ema Viákenu maka'epa: “Puiti, nuwara'a ekaikutiara eta juka makayemakene'i ema juez mapikauruira'a.

San Lucas 19:8

Te téjakanapa te taju'e, témeña'awapa ema Zaqueo te mamira'u ema Jesús. Tási'a, maka'epa: –Píma'a, Tata Nákenu. Nuti néñeuchawapa me Viya. Puiti níjarakayare ena páureana tikutimuri'akaka eta níma'akeneana. Nímichawayarewa te natiari'ipuka ena nukaetemakeneana'i, kuatru'enapasera eta táitsiwayare eta nímichawakeneya.

San Lucas 22:61

Taka'e ema Viakenu máesenikapa ema Pedro, tási'a maéchapa ema Pedro eta mametarapi'i ema Viakenu: “Te tamira'uinaicha'a eta táechejisirayare eta warayu, píti mapa'eyare eta peñauchiranuya.”

San Lucas 24:3

tási'a tisiapanapa, wá'isera naima'a'ini eta make'e ema Viákenu Jesús.

San Lucas 24:34

Tikametakasianaipaware, naka'ewarepa: –Yátupi eta máechepusiraipa ema Jesús. Máima'aipa ema Simón.

San Lucas 7:12

Te títekapanawarepa te awasare nákapajikawakapa ena achaneana tiámanapa'i ema máepenakene, náekarayare'i. Kamurianapa'iware ena achaneana té'ikanapa'i. Ema máepenakene'i, makarichu'i suchicha'i esu esena suépenaimakene'i.

San Lucas 7:14

Tási'a, mapauchapa ena tiámanapa'i ema máepenakene. Titupi'anapa ena, máemamakapa eta makajone. Tási'a, maka'epa: –Nuchicha, nuti nuwanekavi, ¡péchepuka!

San Lucas 7:19

tási'a, máewatakapa nayaserepanayare'i ema Viya, nayaserepanayare'i te yátupi'ipuka émaipa'i ema nakuchapakene'i, té'eserapuka tímiyanawayarepuka nakuchapaya ema apana.

San Lucas 8:52

Namutu'i naíyaucha'i esu, émasera ema Jesús máichawakapa: –Wa'i ekuiya'a, esu suka amaperu wa'i suépena'ini tímakaichucha.

San Juan 11:2

Esu suka María, ésu'i esu tisipapewacha'i ema Jesús taye'e eta táijiyekene'i perfumeama, suájapewacha'iware te suchutimaka.

San Juan 11:3

Taka'e, ena nani apinana esenana tikaparapekakana náimiwanerekapa, –Tata, ema pemunakasare tikajuma'i puiticha.

San Juan 20:13

Ena ángeleana nayaserekapa: –Esena ¿Tája'a taicha'i piya'a'i? Esusera sujikapapa: –Taicha namecha'i eta ñake'e eñi Tata, waipa necha távi'apuka nanasi'a'i.

San Juan 20:15

Ema Jesús mayaserekapa: –Esena, ¿taja'a taicha piya'a'i? ¿Naja'a pitanuka'i? Ésusera suímijachaichucha ema'i ema tijanearekara'i'i eta huerta, tási'a, suíchapa: –Tata, te píti'ipuka piáma'i eta ñake'e eñi Viákenu, pikatajikanu pimetakanu távi'apuka pinasi'a'i. Nuwara'a námayare nuti.

San Juan 4:1

Taka'e nasamairikapa ena fariseona, eta kamurianaipa'i ena tíjarakawana'i náe'ikaya ema Viákenu. Tási'a kamurianaipa'iware ena maikachasiruana'i, naye'e ena máikachasiruana'i ema Juan,

San Juan 6:23

Tási'a, taka'epainecha eta apana pakureana, naye'e'i ena tiási'ana'i te awasare Tiberias. Títekapanapa te tachakaya eta nanisine'i eta pan ena kamurikeneana achaneana.

1 Corintios 7:30

te ekatisamurewa'ipuka, wa'i ekuisapa ta'apapika'e'ini eta ekaemataneasira ema Viákenu. Te jarari'ipapuka eta takaurisamurechira'e, wá'iware ekuisapawa ta'apapika'e'ini. Te ekaima'akene'ipuka, wá'iware ekuisapa ta'apapika'e eta ekaemataneasira'i ema Viákenu,

1 Tesalonicenses 4:13

Nuparapenaveana, éneichuware viwara'a vimetaka'e eta náichararakawayare ena vichamuriana náepenakeneanaipa. Wa'i ekukatisamurewa naye'e. Ena apamuriana achaneana tikatisamurewanapa te náekarapana ena náepenakeneana, taicha wa'i nákasiñawa'ini me Viya. Wa'i ekuka'e eti.

Hebreo 2:17

Eta taka'e, eta máukupaisira'i ema Viákenu, tatuparaka'i makake'eyare'i eta viáke'e eta máitaresira'i, tikuti'aviyare'i viti maparapenaveana tamutu eta vítaresira'i, yátupiyare'i eta máetaviuchiraya eta majapanuira'aviya, máetaviuchayarewa eta makasiñakarewaya eta viye'e, taicha makarichu'i ema tiyaseucha'aviparaka'i te mamira'u ema Viya Makaiyakene, makaepa'áina'aviyare'i eta viviurewana'i táichavene'i eta vipekaturana viti achaneana.

Hebreo 4:15

Ema, yátupi'i tiyaseura'ikene'i eta viye'e, taicha tímati'avi eta vimatumewa'i. Tijapanu'avisera, taicha ema éneichuware tikatajiwa'i tamutu'i makaitsamaraji ema winaraji, takuti eta makaitsamarajira'avi'i víti. Emasera wa'i makapekatura'ini ema Jesús.