San Lucas 6:8 - Táurinakene máechejiriruwa’i ema Viya tikaijare

⁸ Émasera máimati'i eta napanereruana'i, máichapa ema achane tépenawa'u'i: –Péchepuka, tási'a pitúpi'ayare ani te namira'u. Ema achane téchepukapa, titupi'apa,

Ignaciano

⁸ Émasera ema Jesús máimatihi eta napane­reruana éna. Tacahe, máechajicapa ema achane ticaju­ma­vahuhi. Máichapa: —Yare, pitupi­hayare ani te namirahu ena achaneana —máichapa. Tásiha, titupihapa ema achane te namirahu.

San Lucas 6:8 Iomraidhean Croise

San Mateo 9:4

Émasera ema Jesús máimarakawaka'i eta napanereruana'i ena, ema mayaserekawakapa: –¿Tája'a takayema eti, tiñema'ipa eta epanereruana'i?

Marcos 3:3

Taka'e ema Jesús máichapa ema achane tépenawa'u'i: –Péchepuka, tási'a pitúpi'a ani te namira'u.

San Lucas 13:12

Te máima'apa ema Jesús, máichu'apa, taka'e, supauchapa. Máichapa esu: –Páurevi piti esena, pikajuma'i. Puítisera pinarakainapa eta pijumaini'i.

San Lucas 5:22

Émasera ema Jesús máimarakawaka'i eta napanereruana'i ena, tási'a ema mayaserekawakapa: –¿Tája'a takayema eti téjekapawa'i eta epanereruana?

San Lucas 6:9

tási'a ema jesús mayáserekapa ema apana: –¿Taja'apuka táurika víchayare te sawarumu'u: víchayare eta táurinakene, étapuka víchayare eta tamaurikeneana? ¿Táurikapuka vipuchawaka ena achaneana? ¿Vikaparekapuka?

San Juan 2:25

Taicha ema, tétavikawa'i eta máitupaijiasirawa'i, máimatira'i tamutu eta napanereruana ena achaneana te ama'e eta nasamureana.

San Juan 21:17

Te mapa'ekene papechaware mayasereka: –Pedro, machicha ema Juan ¿yátupi eta pémunasiranu? Émasera ema Pedro tikatisamurewapa taicha mapa'eipa eta mayaseresira'i te yatupi'ipuka eta maemumaka, majikapawarepa: –Tata, piti pécha'i tamutu: piti pechaichu'i eta némunasiravi'i. Máichawarepa ema Jesús: –Tiuri, te yátupi'ipuka pémunakanu, pijaneasinanuwakayare ena té'ikanuana'i.

San Juan 9:4

Nukamapurayare eta sache níchirayare eta máematanerepiana ema Tata eta mawanesiranu'i, taicha jarajapaware eta yati najina tikaematanena.

Hechos 20:24

Tájinasera wa'i nupikakawa, tayanapaneine népenapuka, wa'i néñama eta nítaresira. Nuwara'a nímiyanawaya eta núriwa'i maye'e ema Viya, nuwapinawa'i eta nítauchiraya eta nutuparakasiwa'i maye'e ema Viákenu Jesucristo. Taicha ema tituparakanu'i nukametarairuya eta máemunasira'avi'i ema Viya vimutu viti achaneana.

Hechos 26:26

Émaipa ema maka rey Agripa máimatiware tamutu eta juka, eta taka'e'i wa'i nupikakarakawa'ini eta néchejisira'i te mamira'u, taicha nukasiñawa'i eta máimatira'i ema. Namutu'iware ena achaneana náecha'i, taicha tájina wa'i tayumurukawa'ini.

Filipenses 1:28

wa'i ekuarameka naicha nákani iánarana'i, eta nakatianasira'e'i, tímikaecheracha'i eta nakaikuchira'i eta náikuñayare, taimikaecheracha'i eta iúchukuirayare'i eti maicha ema Viya.

Hebreo 4:13

Ema Viya máimararaka'i tamutu, tájina wa'i virata'aima'i viyumuruka eta víchakeneana'i. Tamutuyare'i tiúchujika te mamira'u ema te máichu'a'avipa eta vimetauresirawayare maye'e.

1 Pedro 4:1

Ema Cristo, ichapemuri'i eta makatajiwaira'i. Makamicha'isera ema tamutu. Eti apanaware, ekutiyare ema. Nímikuticha'eyare eta mákani achane tépenapa, máinajikaipa eta pekatu,

Apocalipsis 2:23

Énerichuware ena suchichanaveana níjarakayare eta najumayare, nímikapasirawakayare, tási'a, échainapa eti nuchanerana'i eta nímatira'i tamutu eta epanereruana, eta te esamureana eti, níma'ainepasera nuti eta nícharakawakayare ena téjekapawana'i, étapa tiámayare eta náichakeneana.