San Lucas 5:32 - Táurinakene máechejiriruwa’i ema Viya tikaijare

³² Nuti, wa'i étaina tímitekanu nutanupanawakayare nákani matapirawareana'i, eta tímitekanu'i nutanupanawakayare ena tisipekaturanapana'i apaesa, náeñauchawapa me Viya.

Ignaciano

³² Núti, vahi étaina tímitecanu nutanu­pa­na­va­cayare nácani matapi­ra­va­reanahi. Eta tímite­canuhi núti nutanu­pa­na­va­cayare ena tisipe­ca­tu­ra­na­panahi apaesa náitsivacha eta napane­reruana, náeneuchavapa me Viya —máichapa ema Jesús.

San Lucas 5:32 Iomraidhean Croise

San Mateo 18:10

“Wa'i ekuepuru ena amaperuana. Numetaka'ewane: Narari'i ena ángeleana tijaneakawaka'i, ena tikapika'uana'i te mamira'u ema Viya.

San Mateo 9:13

Eyana ekarawa'u eta juka taecheiriruwa: ‘Nuti, wa'i étaina tímitekanu nutanupanawakayare nákani matapirawareana'i, eta tímitekanu'i.’ Nutanupanawakayare ena tisipekaturanapana'i apaesa, náeñauchawapa me Viya.

Marcos 15:10

Taicha máimatiakaipa'i eta nametauchira'i ema Jesús ena tachutiri'ana ena tiyujarakara'iana, taicha nakápinaru'i ema.

Marcos 15:7

Taka'e, matiari'i'i te nakaératairare ena ajairana, ichape eta naviurewa'i ena té'ajirikakara'iana te revolución, nakapasirapa'i ena achaneana. Te namuri, matiari'i'i ema achane tikaijare Barrabás.

Marcos 2:17

Te masamapa ema Jesús, máichawakapa: –Ena tikajumana'i nakámunu'i ema mériku, énasera ena majumara'ana wa'i nákamunuima'i ema mériku. Nuti, wa'i étaina tímitekanu nutanupanawaka nákani matapirawareana'i, eta tímitekanu'i nutanupanawakayare ena tisipekaturanapana'i.

San Lucas 15:10

Ene maka'e'i ema Viya, eta máurisamurewaya te namuri ena ángeleana, eta máeñauchirawapa mákani achane kapekaturara'ini, máinajisiraipa'i eta mapekaturanaini.”

San Lucas 15:7

Ene taka'e'i eta maúrisamurewa'i ema Viya te anuma, maye'e makaini achane manakika'i eta mapekaturana, naye'e nákani noventa y nueve achaneana tiúritaresirana'i, wa'i nakamunu'ini naeñauchava'ini.

San Lucas 19:10

Taicha eta tímitekanu'i nuti Manerejirunu'i ema Viya. Nutanukawaka'i tási'a nukuchuku'awakayare'i ena naemitiaruana.

San Lucas 24:47

tási'a etayareichu'i námapikayare eta maíjare eta naímitusirayare ena achaneana tikawasana'i te tamutu eta awasareana. Étaipa te juka Jerusalén, emétakawakayare eta náeñauchirawaina me Viya, apaesa makaepa'a eta napekaturana,

San Lucas 5:31

Ema Jesús, te masamairikapa eta náechejiriruwana'i, máichawakapa: –Ena tikajumana'i nakámunu'i ema mériku, énasera ena majumara'ana wa'i nákamunuima'i ema mériku.

San Lucas 5:33

Tiuri, nayaserekaware ena achaneana ema Jesús: –Ena máimitureana ema Juan énapa ena náimitureana ena fariséuana, kaijimana'i, tája'a takayema, wa'i nakaijima'ini ena pimitureana.

Hechos 17:30

Te vikasiñaraji'ipuka eta vépiyaruana, vimáimatiraicha'a. Ánakiapaipa eta makamichira'i ema Viya, ena achaneana eta nakasiñaira'i eta nasiñarajiana. Puítisera waipa makamicha eta juka. Tiwaneka'avipa vimutu viti eta véñauchirawaina eta maye'e.

Hechos 2:38

Ema Pedro majikapapa: –Ítsiwacha eta ítaresiraina te mamira'u ema Viya. Eta íjarasirawaya maye'e ema Jesucristo, ekaikachasiya emutu eti. Tási'a, ema Viya makaepa'ainapa eta epekaturana. Tíjaraka'enawarepa eta Machanewa ema Viya.

Hechos 20:21

Namutu ena juriyuana enapa ena apawasana numetakawaka'i namutu eta náeñauchirawaina me Viya, étapa eta nasuapiraina nakasiñairaina ema Viákenu Jesucristo.

Hechos 3:19

Tási'a puiti, éñauchawainapa ekáiju'enapa ema Viya, apaesa makaepa'a ema tamutu eta epekaturana

Hechos 3:26

Tási'a, eta makaechepusira'i ema Viya ema Machicha Jesús, mawanekapa mametaka'e eti. Te ekasiñawapuka eta maye'e, mákijisina'eyare eta ewínarajiwana. Tíjaraka'enapa eta iúrikakarewayare.”

Hechos 5:31

Tási'a puiti, ema Viya máunaka'i te anuke'e anuma, makaejaka'i te mawaure taye'e eta trono, máijarakaipa eta matupara'ayare'i Akenukayare'i Tikatiura'iyarewa, taicha mawara'a'i ema Viya vimutuyare viti israelítana véñeuchawaya maye'e, apaesa ema tijapanu'aviyarewa taicha tamutu eta vipekaturana.

2 Pedro 3:9

Ema Viya, manaka'i eta tayerewa'i, mawaraira'i makuchapa ena achaneana eta náeñauchirawayare maye'e. Ichapemuri eta makamichira'avi'i, eta viye'e, mamawaraira'i wámutu'ichaini vémitiekene'ini. Narari'i ena achaneana tejekapawana'i te napanereruana. Eta naimaira'i eta mayerewa'i ema Viya eta maikuñasirawakayare'i, naimijachaipa'i waipa marata'aima'i maikuñaka eta juka apake'e.