San Lucas 5:30 - Táurinakene máechejiriruwa’i ema Viya tikaijare

³⁰ Tasi'asera ena fariséuana énapa ena escriwánuana. Tepanawanapa napanararachapa ena maimitureana ema Jesús. Ánipa náichawaka'i: ¿Tája'a takayema ekachanemuri eta enisira'i ena nani tive'ara'iana eta viyase'ana énapa ena tisipekaturana'i?

Ignaciano

³⁰ Natiari­hi­hivare ena máimitureana ema Jesús. Tásiha títeca­pa­na­varepa ena fariséoana énapa ena escribánoana. Eta tímiya­na­vacahi, ticaeca­hi­re­ca­na­yarehi. Ánipa náichavaca ena máimitureana: —¿Tájaha tacayema ecacha­nemuri eta enisirahi ena nánita­tajiana ticobra­re­ca­rahiana eta impuesto? ¡Tétavi­cavahi eta nacape­ca­tu­ra­raivahi! —nacahepa.

San Lucas 5:30 Iomraidhean Croise

San Mateo 5:46

Taicha te eti émunakawaka nákarichu ena témunaka'eana'i, ¿ejachapayapuka eta ikuchi'i? Apanasika ena tive'ara'iana eta tawacha eta apake'e taye'e eta Roma, náicha'ini eta juka.

San Mateo 9:11

Te naima'apa eta juka ena fariséuana, nayaserekapa ena maimitureana: –¿Tája'a takayema ema eye'e maestro makachanewaka'i eta manisira'i naye'e ena tive'ara'iana eta viyase'ana énapa ena tisipekaturana'i?

Marcos 2:16

Enananajiwaka'i ena escriwánuana, fariséuana'isera ena, te naima'apa ema Jesús eta makachanewaka'i namutu ena eta manisira'i, nayaserekapa ena máimitureana: –¿Tája'a takayema, ema eye'e maestro makachanewaka'i eta manisira'i naye'e ena tive'ara'iana eta viyase'ana, énapa ena tisipekaturana'i?

Marcos 7:3

(Taicha namutu ena juriyuana, énapa ena fariséuana, nae'ika'i eta naye'erepianaini ena nachukanaveanaini. Te wa'i tikasipawa'unumana, wá'iware náisapaima'i tinikana.

Marcos 9:16

Ema mayaseremuri'apa: –¿Tája'a ekayema eti, ekanarajirikawakapa ena nani?

San Lucas 18:11

Ema fariseo, tupi'a'i eta maeñauchirawa'i, ánipa maka'e'i: Nu'asulupayachavi, Tata, eta núriwa'i te pimira'u, wa'i nákuti'ini ena apamuriana achaneana tiámera'iana'i, tisipekaturana'i, esenamareana'iware. Wá'iware nákuti'ini ema máka achane te juka nuchakaya ema tive'ara'i eta viyase'ana.

San Lucas 19:7

Eta náimaira'i ena achaneana eta juka, téchejikanapa maye'e ema Jesús, náka'epa émamesapa máitekapauchayare'i ema maka tikapekatura'itátaji.

San Lucas 5:17

Etana sache ema Jesús tímitureka'i te taju'e eta peti, kamuriana ena achaneana. Natiari'i'iware ena fariséuana tépiyakawana religiósoana, énapa ena escriwánuana, tímatiana eta naye'erepiana ena israelítana. Ena, tiási'ana'i te Jerusalén, ena apamuriana tiási'ana'iware te awasarechichana taye'e eta Galilea, étapa te Judea. Ema Viya máimikataka'i ema Jesús eta makanarasirawakayarepa'i ena nakajumakeneana.

San Lucas 5:21

Taka'e ena escriwánuana tási'a énapa ena fariséuana, napanerekene'apa: “¿Naja'asika ema maka tijarakawa eta maka'e eta maechejiriruwa, tétavikawa eta matapirawa maye'e ema Viya? Makarichu ema Viya marata'a makaepa'a eta pekatuana.”

San Lucas 7:34

Taka'e titeka'i ema manerejiru'i ema Viya, kánisiukitataji, kawa'arasi makachanewaka'i ena achaneana tisipekaturara'iana, enapa ena tive'ara'iana eta viyase'ana taye'eyare'i eta awasare Roma

San Lucas 7:39

Taka'e, eta máimaira'i ema fariseo eta juka, mapanerekene'apa. Téchejikapa te masamure: “Te yátupina'ini profetaina'ini ema maka, máimatiakaipa'ini esu suka esena Temamaka'i: Esu suka esena ichape eta susipekaturaraiwa'i.”

Hechos 23:9

Taka'e, téchejikanapa muraka; taka'e, te nataraku ena fariséuana, natiari'i'i ena escriwánuana, techepukana, naka'epa: –Ema maka achane, tájina matapirawaina; éneserapuka táechejika'i ema máchanewa ema Viya, ángelepuka mákani, wa'i vikukanara ema Viya.