San Lucas 4:43 - Táurinakene máechejiriruwa’i ema Viya tikaijare

⁴³ émasera ema Jesús máichawakapa: –Éneichuware nukametarairuyare eta mawasa ema Viya akenuka te anuma, nuyaniraya te apanana awasareana, taicha eta nuwana'ichu'i.

Ignaciano

⁴³ Émasera ema Jesús máichavacapa: —Nutupa­ra­ca­si­vaichuhi eta nuyani­rayare tayehe eta apana avasareana taicha nuvana­hi­richuhi eta níchuira­vacaya ena achaneana náehisiraina ema Viya apaesa macuchu­cu­havaca —máichavacapa.

San Lucas 4:43 Iomraidhean Croise

San Mateo 4:23

Eta mapaisirapa'i ema Jesús taye'e eta awasareana te Galilea, tikametarairupaipa eta te petiana náurujisirarewa ena juriyuana. Maechejisi'a'i eta mawasa ema Viya, éneichuware makanarakaware ena achaneana nakajumakeneana.

Marcos 1:35

Te tijarara'ipa, téchepukapa ema Jesús, tási'a tiuchukapa taye'e eta awasare. Tiyanapa eta te mayujarasirare'i.

San Juan 20:21

Tási'a, máicha'avipa: –¡Icharakawa eti! Takuti'i eta mawanesiranu'i ema Tata núkupaikayare te juka apake'e, nímituka'eyare'i eti. Puiti nuwaneka'eyare nuti ímitukawakayare'i ena achaneana, apaesa náe'ikanu'ini ena apanawa.

San Juan 9:4

Nukamapurayare eta sache níchirayare eta máematanerepiana ema Tata eta mawanesiranu'i, taicha jarajapaware eta yati najina tikaematanena.

Hechos 10:38

Máukupauchapa eta Machanewa ema Viya ema Jesús Nasareno máijararu'i ema Viya. Máwa'akapa ema, máijarakapa eta máitupajijiasirawaya. Taka'e, tépanawapa tikametarairu naye'e ena achaneana. Te mapaisi'apa'i, makanarakawakapa'i ena nakatajiwakeneana máwa'aruana'i ema wínaraji. Marata'a'i ema máicha'i eta juka, taicha ema Viya máimikatakapa'i.

2 Timoteo 4:2

eta taka'e, pímiyanawachucha pikametarairu eta máechejiriruwa ema Viya te jákani pítujisirawana. Pékatiakawakaicha muraka ena téjekapawana'i. Pechejikawaka, pétumechawaka ena, apaesa tiúri eta napanereruana. Pakamichasera eta pímitusirawakaya namutu.