San Lucas 4:23 - Táurinakene máechejiriruwa’i ema Viya tikaijare

²³ Ema Jesús majikapawakapa: –Ewara'ainapapuka íchanuyare: ‘Te yátupina píturuekene'a, pípuchawaka ena tikajumana'i te juka.’ Taka'e naichainapa: ‘Víma'aseji piápechawaware pikuchuka te juka piáwasaichu, takuti eta pímereru'i te awasare Cafarnaúm.’

Ignaciano

²³ Émasera ema Jesús máichavacapa: —Németeaca éti váhirichuhi esuapa­pa­ji­ca­nuhini. Tásiha, evara­ha­ri­nepuca íchanuyare: “Te yátupina píturue­queneha, pípuchavaca ena ticaju­manahi te juca. Vímahaséji piápecha­vavare picuchuca te juca piávasaichu tacuti eta pímereruhi te avasare Capernaum” ­ íchanuyare.

San Lucas 4:23 Iomraidhean Croise

San Mateo 13:54

tási'a tichawapa te máwasa apake'e, taka'e tepanawapa timitureka'i te peti náurujisirarewa ena juriyuana. Naramine'i ena achaneana ánipa naka'e'i: –¿Tavi'apuka makarawa'uine ema maka tamutu eta juka máitupajijiasirawapa'i? ¿Marata'a'iware makuchuka eta tiaramikareana?

San Mateo 4:13

Wáipasera mánasi'ini te Nazaret, tiyanapa taye'e eta awasare Cafarnaúm, eta juka awasare te tachausi eta kákiure tinapaika tejena apake'e tikaijare Zabulón étapa Neftalí.

San Mateo 4:23

Eta mapaisirapa'i ema Jesús taye'e eta awasareana te Galilea, tikametarairupaipa eta te petiana náurujisirarewa ena juriyuana. Maechejisi'a'i eta mawasa ema Viya, éneichuware makanarakaware ena achaneana nakajumakeneana.

Marcos 6:1

Ema Jesús tichawapa te máwasa apake'e, tási'a nae'ikapaipa ena máimitureana.

San Lucas 2:39

Tiuri, náitauchapa tamutu eta mawanairipiana ema Viya eta te takapika'ukene. Taka'e, tichawanapa eta te Nazaret te Galilea, te náwasaichu'i ena.

San Lucas 2:51

Taka'e, tiyananapasera tichawana te náwasa'i Nazaret. Ema Jesús, tisuapajira'i'i naye'e ena tikachichana. Esu maena María tamutu'i supanerekene'a'i te susamure eta juka susamakeneana'i.

San Lucas 4:16

Ema Jesús tiyanapa te Nazaret, te jena awasare majurusine'i. Jena sache sáwarumu'u, tisiapapa te peti náurujisirarewa ena juriyuana, taicha taka'e'i eta maye'erepi'i, tási'a titupi'apa ema, eta maéchejiku'ayare'i eta Ajureka.

San Lucas 4:31

Ema Jesús tiyanapa te Cafarnaúm, eta awasare taye'e eta Galilea, tási'a tamutu sáwarumu'u máimituka'i ena achaneana.

San Lucas 4:35

Ema Jesús makajachapa ema éreana, máichapa: –¡Pámatina pijunijiaka ema maka achane! Taka'e, tíja'uchawapa tiákipaikawa'i te apake'e ema achane. Tási'a majunijiakapa ema, tájinasera máichawa'ini ema achane.

San Lucas 6:42

Tasi'a piti wa'i pipanerecha eta táichapewa eta péjekapirawana, waipaine'i taurikaima'i paka'e nuvinavi eta pisureru te piuki'a, ¿taja'a takayema pipatsikawa'i picha ema pipareipiya? ¡Apimira!, tatiwanuma pive'a eta pisureru te piuki'a, tási'a pimairikainapa tiuri, tási'a pive'asarenapa eta masureru te mauki'a ema pipareapiya.

San Juan 4:28

Tási'a, esu esena sunakikapa eta suyupi. Tijunapapa tiyana te awasare, sumetapanawakapa ena achaneana. Te títekapapa, suíchawakapa:

2 Corintios 5:16

Eta taka'e, viti vé'ikanaipa ema Cristo, étainapa vipanerechayare eta vítsiwachiraipa eta vítaresira. Waipa vé'ikaima'i eta apana panereruka taye'eana'i te juka apake'e. Étaipa kape juka viásinekene'i wá'ichu visuapapajika'ini ema Cristo, vímijachaichucha ema vikuti'i viti achaneana. Puítisera visuapa'i émaira'i Machichakene'i ema Viya.