San Lucas 3:8 - Táurinakene máechejiriruwa’i ema Viya tikaijare

⁸ Yátupina tátupiruwa eta epanereruana, ímerekawa eta é'isira ema Viya, wá'iware ekukajamurawa áka'e'i: ‘¡Viti mamariékene ema Abraham!’, ema Viya, tájina máemaitukaima'i te mawara'apuka, máepiyaka achaneanaina eta juka mari, mawarairaina'i enaina mámariekeneanaina ema Abraham.

Ignaciano

⁸ Tiuri puiti, te evara­hapuca eta iúchucuha, yátupina tátupiruva eta epane­reruana. Ímerecava eta ínaji­siraya eta epeca­turana. Váhivare ecuca­ja­murava eta mámarié­que­né­rahehi ema viáchucaini Abraham. Taicha tayanapane mámari­hepuca éma, váhisera iúchucu­haimahi te vahi ecuitsivacha eta epane­reruana. Ema Viya, tájina máemaitu­caimahi éma. Te mavara­hapuca, vahi máejeca­ra­chaimahi máepiyaca achaneanaina eta juca mari, mavarai­rainahi yátupina ena mámarie­que­neanaina ema Abraham.

San Lucas 3:8 Iomraidhean Croise

San Mateo 21:43

Táichavene'i eta emasuapajiraiwa'i, eta mawanairipi ema Viya, ena tisuapajira'iana'i, ena tikawakureanayare te jena sácheyare. Énainapa téchanayare eta wanairipiana.

San Mateo 3:8

Yátupina tátupiruwa eta epanereruana, ímerekawa eta é'isira ema Viya,

San Mateo 3:9

wá'iware ekukajamurawa áka'e'i: ‘Viti mamariékene Abraham’, ema Viya, tájina máemaitukaima'i te mawara'apuka, máepiyaka achaneanaina eta juka mari, mawarairaina'i enaina mámariekeneanaina ema Abraham.

San Lucas 13:25

Te taekenepa, ema tikaye'e eta peti techepukainapa, tási'a máeratakainapa eta tapaja, tási'a eti, etiari'ikene'i te aneka e'a'amekainapa eta tapaja, eka'enapa: ‘Tata, pivejiekene'a'avi.’ Émasera jikapa'énapa: ‘Nája'a'esika eti.’

San Lucas 13:26

Taka'e, eti épanawainapa íchanuya: ‘Víti'ichu pikachanekeneana'i te mesa eta vinisira'i. Pímituka'avi'iware te plaza te jena viáwasa.’

San Lucas 14:9

Taicha ema kumpirachavi'i jurikati maichavi: ‘Pijaraka eta pejasine'i ema maka apana nichu'akene.’ Titsiri'akarepa eta makaejakavi'ini te náekenemuri.

San Lucas 19:40

Ema Jesús majikapawakapa: –Numetaka'e puiti, te namatinapuka ena nani, táitsiwasera étainapa tipiarakaya eta máriana.

San Lucas 19:9

Tási'a, ema Jesús majikapa: –Puiti titekepapa eta nauchukuiraya te juka peti, taicha émaichu'i maumuriwa'i ema viyara'aini Abraham.

San Lucas 5:21

Taka'e ena escriwánuana tási'a énapa ena fariséuana, napanerekene'apa: “¿Naja'asika ema maka tijarakawa eta maka'e eta maechejiriruwa, tétavikawa eta matapirawa maye'e ema Viya? Makarichu ema Viya marata'a makaepa'a eta pekatuana.”

San Juan 8:33

Enasera nájikapapa: –Viti mámariekene'avini ema Abraham. Tájina vímatiya'ini eta vítaresira'i nakawanara'avi'ini, ¿tája'a takayema eta pika'e'i waipa wanaraka'avima'i?

San Juan 8:39

Ena najikapapa: –¡Viti machicha'ekeneánaicha'a ema Abraham! Emasera ema Jesús majikapawarepa: –Te yátupina'ini machicha'ena'ini ema Abraham, ákuti'ini ema eta maichakeneana'i.

Hechos 26:20

nukametarairupa tatiwa'i naye'e ena tikawasana'i te Damasco, te nuchawapa, étapa te Jerusalén, nekekawapa te awasarechichana te Judea. Tási'a núchukapa taye'e eta awasareana tayere'ikeneana naye'e ena apawasana. Numetakawakapa'i eta nákaiju'eraina ema Viya, tási'a náeñauchirawaina náitsiwachiraina eta náitaresiraina.

Romanos 4:16

Ema Viya, tétavikawa'i eta majapanuraiwa'i, tási'a, yátupi máitauchayare eta máijarasirawana naye'e namutu ena mámariekeneana ema Abraham, wa'i nákarichu'ini ena té'ikana'i eta wanairipiana, naye'eyarewa namutu ena tikasiñawana'iware maye'e, tikutiana'i ema Abraham eta makasiñawaira'i, eta taka'e puiti, eta vikaiyaira'i vimutu víti ema Abraham.

Romanos 9:7

Wa'isera namutu'ini ena mamariekeneana ema Abraham yatupina'ini machichanaveanaina'ini, emasera ema Viya Maichapa: “Ena piamairiekeneanayare piti tiasi'anayare maye'e ema Isaac.”

Filipenses 1:11

nuwara'aware iápajusirawaina'ini eta íchakeneana táurikeneana eta ekaemataneasira'i ema Viákenu Jesucristo. Tási'a, tétavikawayare'i eta nakunachirayare'i ema Viya ena achaneana eta náimaira'e'i eti.