San Lucas 24:6 - Táurinakene máechejiriruwa’i ema Viya tikaijare

⁶ Májinaipa'i ani, téchepukaipa'i te máekari. Échawaichu'i eta makayemakeneana'i te manasikeneicha'a te Galilea:

Ignaciano

^6-7 —Éti ímija­chai­papuca manasihi tépenahi ema Jesucristo, Manere­jiruhi ema Viya. Májinaripa, tichava­ripahi títareca. Échava­ri­chu­hipuca eta macaye­ma­que­neanahi te achane­richaha te manasi­que­ne­richaha te Galilea. Macahehi eta máechaji­ri­ruvahi eta nacara­ta­si­ra­yarehi ena ticatia­na­canahi éma, náetata­si­ra­ya­rehiva te crusu. Téchepu­ca­ya­re­hisera te mapana­que­nénapa sache —nacahepa ena ajairana.

San Lucas 24:6 Iomraidhean Croise

San Mateo 12:40

Taicha ema Jonás masiapajuecha'i eta ichapekene jima, mapana sache, mapanaware yati eta mayerewa'i. Ene nuka'eyare núti, Machichanu ema achane, mapanayare sache, mapanaware yati eta nepeniraya.

San Mateo 16:21

Tepanawapa, ema Jesús, máimitukawaka'i ena máimitureana, eta mayanirayarre'i te Jerusalén, eta makatajiwairayare, náepuruyar'i ena viyakarana, énapa ena tachutiri'ana naye'e ena tiyujarakara'iana, énapa escriwánuana. Mametakapa eta náimikapakayare'i, mapanayaichu'isera sache eta maka'eyare'i eta maepenirayare'i, tási'a tichawayarepa téchepuka.

San Mateo 27:63

Ánipa naka'e: –Tata, vechapa eta máechejiriruwa'i ema maena tepiya'ira'i Jesús, te achaneicha'a maka'e'i eta máechepusirayare'i te máekari te mapanakenénapa sache.

San Mateo 28:6

Májinaipa'i ani, téchepukaipa'i te máekari, échawaichu'i eta makayemakeneana'i. Yare, íma'a eta juka mávineni'i.

Marcos 16:6

Émasera máichawakapa: –Wa'i ekupika. Eti etánukapa'i ema Jesús Nazareno, ema makaetatakené'i. Májinaipa'i ani, téchepukaipa'i te máekari. Yare, íma'a eta juka mávineni'i.

Marcos 8:31

Ema Jesús, tépanawapa máimitukawaka'i eta táichararakawayare eta máepenirayare. Ema Machicha ema achane, matupara'aichu'i ichapemuri eta makatajiwairayare, náepuruyare'i ena naiyakarana, enapa ena tachutiri'ana naye'e ena tiyujarakara'iana enapa escriwánuana. Mametakapa ena eta náimikapakayare'i, mapanayaichu'isera sache eta maka'eyare'i eta maepenirayare'i, tási'a tichawayarepa téchepuka.

San Lucas 24:34

Tikametakasianaipaware, naka'ewarepa: –Yátupi eta máechepusiraipa ema Jesús. Máima'aipa ema Simón.

San Lucas 24:5

Tétavikawaine'i eta napisira'i tétipaimuri'anapa. Énasera ena ajairana náichapa: –¿Taja'a takayema eti, etanuka'i naye'e ena naepenakeneana, ema achanekene'i?

San Lucas 9:22

Taka'e, máichawarepa: –Ema machicha ema achane, matupara'aichu'i ichapemuri eta makatajiwairayare, náepuruyare'i ena naiyakarana, enapa ena tachutiri'ana naye'e ena tiyujarakara'iana enapa escriwánuana. Nakapakayare'i, mapanayaichu'isera sache eta maka'eyare'i eta maepenirayare'i, tási'a tichawayarepa téchepuka.

San Lucas 9:44

–Esama eta juka numetaru'eya, wa'i ekuemitisika: Nuti Machichanu ema achane, járajapainapa eta sácheyare tíjararekanuyare mákani achane naye'e ena tikatianakanuana'i.

Hechos 2:24

Émasera ema Viya makaechepuka'i ema Machicha, makaitareka'i taye'e eta máepenira'i, taicha wa'i máwara'a'ini mánasi'ini máepena'ini.

2 Tesalonicenses 2:5

¿Échawaichu'i eti eta nímitusira'eparaka'i kape juka te návi'aicha'a'i eye'e?