San Lucas 22:3 - Táurinakene máechejiriruwa’i ema Viya tikaijare

³ Taka'e, ema Wínaraji máwa'akapa ema Júlasi. Émaichu'i nachamuri'i ena dósekeneana'i máimitureana ema Jesús, ema naimijarechakene'i Iscariote.

Ignaciano

³ Tacahe, ema Satanás mávahácapa ema émana máimiture ticaijare Júlasi. Émarichuhi nachamurihi ena dócequeneana apóstoleana.

San Lucas 22:3 Iomraidhean Croise

San Mateo 10:4

ema Simón ema Cananeo, émapa ema Júlasi Iscariote, ema tíjarareka'i ema Jesús.

San Mateo 26:23

Ema Jesús majikapawakapa: –Mákani tétamuka'i eta pan te juka nukuruja, émara ema tíjararekanuyare.

San Mateo 4:10

Ema Jesús majikapapa: –Péwisi'a piti Wínaraji te juka numira'u, taicha eta táechejiriruwa'i eta Takapika'ukene Ajureka ani taka'e: ‘Makarichu ema Viya vépuyumirauchaya, makarichuware vikaemataneakayare.’

San Lucas 22:21

Puítisera, marari'i ema tíjararekanuyare ani te juka te mesa.

San Lucas 6:16

ema Judas, machicha ema Santiago, émapa ema Júlasi Iscariote, ema tíjarareka'i ema Jesús.

San Juan 12:6

Ema maka Júlasi, wa'i étaina'ini eta majapanuiraina'ini ena páureana. Étachuchaneni mawaraira'i mayumuruka eta plata, taicha ema tiámera'i'i. Títekapa émaichu'iware tiúnarekara'i eta plata.

San Juan 13:18

“Nécha'ineni nuti wa'i ámutu'ini esuapanu. Nímati'e'iware eti yátupikeneana nunerejiruana'i. Títauchawayare'isera eta táechejiriruwa'i eta Takapika'ukene Ajureka, ani taka'e'i: ‘Ema néniruasa'i, masapi'a'i tikatianakanu'i.’

San Juan 13:2

Jé'esare ema Júlasi, máimipanerechaipa ema Wínaraji eta máijararesirayare'i ema Jesús.

Hechos 5:3

Ema Pedro máichapa: –Ananías, ¿tája'a takayema písapawa'i tikaetemavi ema Wínaraji? Pipanerechaipa piwayuarakayare ema Machanewa ema Viya, eta piyumurusira'i eta tawacha'i eta piye'e apake'e.