San Lucas 21:8 - Táurinakene máechejiriruwa’i ema Viya tikaijare

⁸ Ema Jesús majikapapa: “Ekuneuchawa, apaesa nakuija nakuwayuaka'e, taicha nárajapayare ena tépiyakawanayarepa'i tímiwasichawana nuye'e. Naka'enapa ‘Nútipa’ ‘Puiti táitekapakenepa eta sache.’ Étisera wa'i ekue'ikawaka.

Ignaciano

⁸ Ema Jesús máichavacapa: —Ecuneu­chavaicha yátupina, machu navayuacahe, taicha náraja­payare ena tépiya­ca­va­na­ya­repahi tímiva­si­cha­va­na­ya­repahi nuyehe. “Nútiripa Cristo” nacahénapa. Ena apamuriana nacahénapa: “Táiteca­pa­quenepa puiti eta sache”. Váhisera ecusua­pavaca, váhivare ecuehi­cavaca.

San Lucas 21:8 Iomraidhean Croise

San Mateo 24:11

Natiari'inawarepa nákani tépiyakawanayare profetana, tási'a kamurianayare ena achaneana nawayuaruanayare.

San Mateo 3:2

Ánipa maka'e “¡Ítsiwacha eta epanereruana, éñauchawa maye'e ema Viya, taicha tiane'ipa eta mawasa ema Viya akenukaya te anuma!”

San Mateo 4:17

Taka'e ema Jesús tepanawapa kametarairu: “Eta mawasa ema Viya akenuka te anuma tiane'ipa titekapaucha'e eta eye'e.”

San Lucas 17:23

Naka'enapapuka: ‘Makaipa’, waka'epapuka'ni ‘Maena'i ánaki’, wá'isera ekusuapawaka ena. Wá'iware ekue'ikawaka.

San Lucas 21:7

Taka'e, nayaserekapa: –Tata Maestro, ¿tajamu'upuka eta taitauchirawayare? ¿Tájamu'upuka eta náimiakipaisirayare eta mapena ema Viya Jarari'iyarepuka eta ekutiarareyare te táne'ipa eta táitauchirawayare eta apana péchejisi'akeneana'i?

San Lucas 21:9

Tási'a te ésamairikapa eta techakareyare, táe'akakairayare eta ichapekeneana awasareana. Wá'isera ekuarameka eta esamairisiraya, eta ekutiarareanayare wícha'asera étaima'i eta táichekuiraina.”

San Juan 5:43

Nuti nuwanekasiwaichu'i me Tata eta nítesira'i. Étisera wa'i esuapanu'ini, wá'iware ejakapanu'ini; té'esera te máiteka'ini mákani apana achane, tímijachawapuka ema ekuchapakene'i, masapi'apukaini ema tisuapakare'ini eta eye'e.

San Juan 8:24

Eta taka'e, numetaka'enuma'i eta tanasinapa eta epekaturana te épenapa. Taicha te wa'i esuapanu'ini eta nútikenera'i ema ekuchapakene'i, tanasiyare eta epekaturana te épena.

San Juan 8:28

Tási'a, máichawarepa: –Jé'ewaresera te ekatupi'anupa te anuke'e, tapaenumawainapa ímatinuyare eta nútikenera'i ema Cristo ekuchapakene'i, ekaikutiarayarewa yátupi'i nímituka'e eta máimiturapiana ema Tata. Taicha wa'i étaina nuviya'ini te nuchuti nútijiriruwaina'ini.

1 Corintios 6:9

¿Wá'ipuka écha'i eti eta namaitujisirawaya tisiapana te máwasa ema Viya? Wa'i ekuisapawa eta nawayuaka'e naye'e ena tíchana'i eta tamaurikeneana, taicha yátupi'i eta namaitujisirawayare tisiapana ena ajairana esenamareana, énapa ena ajairakakana tive'akakana, énapa ena tikasiñarajiana ena achanemirana,

Efesios 5:6

Wa'i ekuisapawa nákani nawara'a nawayuaka'e te náechejiriruwa súnsurupiana, napamisira'eya ícha eta júkana tamaurikeneana, taicha eta júkana, eta tiviuchawakayare nákani masuapajiraira'ana'i me Viya, murakayare eta náikuñayare.

2 Tesalonicenses 2:3

Wa'isera ekuisapawa nawayuaraka'e ena tepiya'ira'iana. Taicha wicha'a titekapaima'i ema Viya, tiamainukawa te mauchukapa ema achane tikaticha'i ema Viakenu taicha ema techepukainapa makanarainapa, je'ewarenapasera tiane'inapa eta maitekapirayare ema Viya, te'esera te maitekapapa émainapa tikuñakayere.

2 Timoteo 3:13

Énerichuware, ena achaneana wínarajikeneana tiápajukawainapa eta nawínarajiwanaya, éneichuware ena tikaetemara'iana, tiápajukawainapa eta nakaetemaraiwaya, énajikakainapa tikaetemakakanayare.

1 Juan 4:1

Némunakasareana nuparapenaveana, ekuneuchawa naye'e ena tépiyakawana tikametarairuana. Taicha puiti narari'i ena, wa'i mawaneruanaina ema Viya, wá'iware máwa'aruanaina ema Machanewa Viya, tási'a, te náitekapaucha'epuka ena náwara'a tímituka'eana, eti eyaseresinawaya te yátupipuka wanairukana me Viya, esamayare te étaichupuka eta vímiturapiana'i víti.

2 Juan 1:7

Narari'i te juka apake'e te viávi'a'i ena nawara'a'i tikaetema'eanaya, ena nani, wa'i náwara'a'ini náimikaecheracha'ini eta máuchusira'i yátupikenera'i achane ema Jesucristo. Ena nani, tiwayuara'iana'i, tikatianakana'iware ema Cristo emapa ema anticristo.

Apocalipsis 1:3

Tétavikawa eta náurikakarewaya ena téchejiku'anaya eta juka máechejiriruwana'i ema Viya. Éneichuware tétavikawa eta náurikakarewaya namutu ena tisamanaya tisuapanaya eta juka. Taicha tiáne'inapa eta táitavirayare tamutu.

Apocalipsis 12:9

taka'e, tikakijianapa te juka apake'e eta ichape kichare, eta tikaetema'i esu suinapure esena Eva, émapa ema nákenumuri'i tikaijare Ereana Wínaraji, ema tikaetema'i namutu achaneana te juka apake'e. Namutu tikakijiana ema, enapa ena machanerana, te juka apake'e.