San Lucas 20:16 - Táurinakene máechejiriruwa’i ema Viya tikaijare

¹⁶ Waipa májapanuwakaima'i, makapakawakaya ena pártirarioana'i, máijarakainapa ena apamuriana.” Te nasamapa eta juka naka'emuripa: –¡Eta juka wa'i titauchawaima'i!

Ignaciano

¹⁶ Títeca­va­nénapa macapa­pa­na­va­ca­yarepa ena pártirá­rioanahi máurira­hanahi. Tásiha, máijara­cai­na­varepa eta úvaquiji ena apamuriana pártirá­rioa­na­yareva —macahepa ema Jesús. Tacahe, ena tisama­ra­ra­canahi, ánipa nacahehi: —Viti vicata­ji­cacare, vahi vácutihini ena nani máurirahana —nacahepa.

San Lucas 20:16 Iomraidhean Croise

San Mateo 21:34

Te títekapapa eta kaje taya'aira'i eta uwa, máimiwanerekapa ena mamusurana nayaseapanawakayare'i ena pátirarioana'i eta maye'eyare'i ema tikaye'e.

San Mateo 21:41

Ena najikapapa: –Waipa májapanuwakaima'i, makapakawakaya ena pártirarioana'i, máijarakainapa ena apamuriana pártirarioanayarewa, nákani tipikaura'iana'i eta maye'e.

San Mateo 22:7

Taka'e, te máechapa ema rey, tisemapa. Mawanekapa ena masuntaruana nakapapanawaka ena tikapa'iana'i, náijuchaware tamutu eta nawasaini.

Marcos 12:9

“¿Tási'a tája'apuka máicharakawakayare ema tikaye'e eta úwakiji? Waipa májapanuwakaima'i, makapakawakaya ena pártirarioana'i, máijarakainapa ena apamuriana.

San Lucas 19:27

Énasera ena tikatianakanuana'i ena wa'i najakapanu'ini eta nurey-wa'i, iáminanuyare ani te numira'u. Ekapapajikawaka te numira'u.’ ”

San Lucas 20:15

Taka'e nakaratakapa, nakuchukapa taye'e eta úwakiji, tási'a nakapakapa. “¿Tási'a tája'apuka máicharakawakayare ena, ema tikaye'e eta úwakiji?

Hechos 13:46

Te nasamapa ema Pablo émapa ema Bernabé eta náichira'i ena tikatianakana'i, tájina wa'i nayututuema'ini, náichawakapa: –Tatuparaka'i étiwayare'i eti vijaneanana juriyuana; vímituka'e eta juka máechejiriruwa ema Viya. Étisera wa'i iúrika'ini eta esamira'i, wá'iware ésacha'ini ésenika eta máwasa ema Viya, taka'e puiti, énainapuka vímitukawakaya ena apawasana.

Romanos 11:1

Puiti nuyasereka'e ¿Émapuka ema Viya makaerajikawaka'i ena machanerana? ¡Wá'i táka'e'ini! Núti'ichu'i israelitanu'i, mámariekenenu'iware ema Abraham, émapa ema apanaware náchuka Benjamín.

Romanos 11:11

Puiti nukayesesereru: ¿Yatupiuka ena juriyuana, eta nakayutetera'i, nanasipa eta nakipaisirawa'i? ¡Wá'ikene énena táka'e! Puítisera nasapi'a ena apawasana najakapakare'i ema Viya, taicha mawara'a máimikatsiriakawaka ena israelítana, apaesa náeñeuchawayare eta maye'e.

Romanos 3:31

Taka'e, ¿eta vikasiñawaira'i maye'e ema Viya waipapuka tiuri eta wanairipiana? ¡Wa'ineni etaparakaina eta juka! Tiapajukawapa murakapanapa eta Vitauchirayare eta wanairipiana

Romanos 3:4

¡Waipaine'i! Tayanapanepuka, natiari'i ena achaneana énaina náepiya'ira'i, émasera ema Viya máitauchayare tamutu maicha eta yatupikeneana, eta Takapika'ukene Ajureka, ani taka'e: “Namutuyare naimatiya eta piuriwa etapa eta pitauraiwa, piti pita'arekaya naye'e ena tikatichaviana'i.”

Romanos 3:6

¡Nemeteaka wa'i! Taicha ema Viya te wa'i makuetupikawa'ini eta maechejiriruwa, ¿waipaine'i maikuñakaima'i ena achaneana te juka apake'e?

Romanos 6:15

¿Taja'a vikayemainapa? ¿Vimiyanawayare vicha eta tamaurikeneana, taicha waipa tawanara'avina'ini eta wanairipi, taichavene eta maemunasira'avi'i ema Viya kawanara'avipa? ¡Nemeteaka wa'i!

Romanos 6:2

Wá'ikenesera táurika'ini vímiyanawa'ini vicha. Taicha tépa'aipa eta tapamisira'avini eta pekatu.

Romanos 7:13

Eta taka'e, ¿eta juka wanairipi tiuri'ineni eta taechejiriruwa tasi'asera tiama'avi'i eta vepenira? ¡Wa'ineni taka'e'ini! Németeaka eta pekatu, eta tawaraira'i timecha'avi eta yatupira'i pekatuira'i, eta taka'e'i tiviucha'avipa eta vepeniraya takamapuraipa eta tauriwa eta wanairipi. Eta taka'e taimerekapa eta wanairipi eta taiñe'iwa eta pekatu.

Romanos 7:7

¿Etiari'ipuka eti ímijacha'i tipamika'e'i eta wanairipiana eta ekapekaturairaya? ¡Wá'ineni étaina! Víti'ipa wa'i vímatiekene'awane'ini eta tamauriwa'i eta vikapekaturaira'i, te wicha'a vímati'ini eta wanairipiana, vuicha'aware vímati'ini eta tamauriwa'i eta vijamurachirana eta apaye'e, eta wanairipi, ani taka'e'i: “Wa'i pikujamuracha eta apaye'e.”

Romanos 9:14

¿Puiti, vimijachainapa wa'i tétupikawa ema Viya eta manerejisirawaka'i ena achaneana? ¡Wá'ikenesera enena táka'e!

1 Corintios 6:15

¿Échaichu'i emutu eti, eta iáke'eana maye'eipa'i ema Cristo? ¿Émaipa'i técha'e'i, etiari'iserapuka eti ímijacha táurika'ini vímikachanecha'ini eta viáke'e taye'e eta suáke'e esu esena tú'usi, wáipaine'i táurikaima'i? ¡Wa'i jakaini!

Gálatas 2:17

Natiari'ipuka ena téjekapawana'i te napanereruana, ánipuka naka'e'i eta náechejiriruwa'i, yátupipukaji eta vijakapakare'i me Viya táichavenechucha eta vé'isiraya ema Cristo, ¿Vivetijinapaserapuka tiápajukawainapapuka eta visipekaturaiwaya taicha vínajikainapa eta wanairipiana, taka'e, émapapuka ema Cristo táemesiawaya eta vikapekaturaiwaya taka'enapapuka eta napanereru'i? ¡Wa'ineni taka'e'ini!

Gálatas 3:21

¿Wa'ira etaina taechejisi'a eta wanairipi taviucha'ini eta maitauchirayare eta maechejiriruwa ema Viya? ¡Wá'ikene étaima'i! Taicha te etaina'ini eta wanairipi tarata'aipa'ini taijaraka'avi'ini eta maichekuarakirena'ini eta vitaresira, wá'isera étainayare tikaitareka'aviyare eta wanairipi.

Gálatas 6:14

Nútisera, eta nítaresira'i, nuwapinawa'i ichape maicha ema Jesucristo, máepeninanu'i te crusu níchavene'i nuti. Taka'e, nuti apana nínajikaipa eta né'isiraini'i eta taye'erepiana eta apake'e, waipa nútiparakaina taye'e, taicha eta máepenira'i níchavene'i nuti.