San Lucas 2:9 - Táurinakene máechejiriruwa’i ema Viya tikaijare

⁹ Tiáramikarepa tímerekawa ema ángele mawaneru'i ema Viya. Jé'esare, tamikauchamurine'i ena janeapairikana. Eta majaraiwa'i ema tiáramekanaine ena.

Ignaciano

⁹ Tiárami­carepa tímerecava ema ángele mavaneruhi ema Viya. Jéhesare, tamicau­cha­mu­rinehi ena pástuléruana eta majaraivahi éma. Tiárame­ca­narine éna.

San Lucas 2:9 Iomraidhean Croise

San Mateo 1:20

Mapanerechaipa'i eta maichiraya'i, taka'e tiúkupaikapa ema ángele mametapana'i te mawapure ema José. Ánipa máicha: “José, mamariekene ema David, tímitekanu'i numetapanavi, wa'i pikupika eta pítauchira esu María, taicha tikajaripa'i esu, máwajuechira'i ema Machanewa Viya.

San Lucas 1:28

Taka'e, ema ángele máukupauchapa esu taye'e eta suávi'a'i. Máichapa esu: –Pícharakawa, María. Piti manerejiruvi'i ema Viya. Tétavikawa'i eta piúrikakarewayare, taicha ichape eta majapanuiravi'i ema Viya. Pikachurika'i namutu ena apamuriana esenana.

San Lucas 2:8

Te wáma'i, tachakaya eta awasare Belén, natiari'i'i ena janeapairikana. Ena, najaneaka'i eta naye'eana uvesana te jena yátikene'i.

San Lucas 24:4

Wa'i náimatiekene'a'ini tája'a'ipuka eta máichararakawa'i. Tási'a, náima'apa ena apinana ajairana titupi'ana'i te nachakaya ena. Tijanunukawaka'i eta namuiri'ana.

San Juan 12:41

Ema Isaías maka'e'i eta juka, taicha maima'aipa'i eta majaraiwa ema Jesús, tási'a maechejisi'aware.

Hechos 12:7

Tíja'uchawapa tímerekawa ema ángele mawaneru'i ema Viya. Tijara'iju'eine'i eta makaerataiya'i. Ema ángele maemamakapa ema Pedro, makajamikapa, tási'a maichapa: “¡Piputuvu'u péchepuka!” Tíja'uchawapa téjapumuri'a eta cadena máiti'ana'i te mawa'u ema Pedro,

Hechos 27:23

Taicha yati téchejikanu'i ema ángele mawaneru'i ema Viya, ema nákenu'i nukaematanearu'i,

Hechos 5:19

Émasera ema Viya majaneakawaka'i ena, te jena yati, mawanekapa ema maye'e ángele, mavejiapana eta nakaeratairare návi'a'i ena, mawanekapa náuchuka, ánipa maicha:

2 Corintios 3:18

Taka'e, vimutu viti vé'ikana'i ema Viákenu vikuti'ipa eta espejo eta tarapepesira'i eta tajaraiwa'i eta sache, víti, yátupi'i vímereka'i eta máuriwa'i ema Viákenu, waipa vikaepakamira'ini, eta taka'e, víti puiti tiápajukawainapaipa eta vikutirayare ema Viákenu taicha tiápajukawa'i eta majaraiwa'i te visamureana. Étavene'iware eta máwa'asira'avi'i ema Machanewa Viya máijararu'i ema Viákenu.

2 Corintios 4:6

Ema Viya, te máepiyakainapa eta juka apake'e, makawanairipipa tatiari'iyare'i eta tijara'i, témitiakayarepa eta timapikukenéni'i, ene maka'e'i eta viye'e, tímimaticha'avi'i eta majaraiwa ema Machicha. Tétavikawa'i eta tajaraiwa'i te visamureana, ema, tímimaticha'avipaipa'i eta máetaviuchakene'i máuriwa'i ema Viya.

1 Timoteo 3:16

Taicha eta juka vé'iru'i vimutu, tétavikawa'i eta táuriwa taechapewa'i: Ema Viakenu timerekawa'i eta máukupaisira'i makake'era'i eta juka viake'e'i viti achaneana, émaipa ema Machanewa Viya makametarapi'iware eta yátupira'i Machicha ema Viya. Náima'a'iware ena ángeleana eta máechepusira'i te máekari. Nakametarairpa tamutu awasareana, namutu achaneana nasuapa'i te juka apake'e. Ichapemuriana ena tijachapána eta majaraiwa te anuma.

Hebreo 12:21

Tétavikawa'i eta táiñe'iwa'i, émaipa ema Moisés ani maka'e'i: “Nuyayakarenecha eta nupisira'i”

Apocalipsis 18:1

Níma'awarepa ema apana ángele tiúkupaikapa'i mási'a'i te anuma, muraka eta matupara'a'i, mamikauchapaine'i eta apake'e eta majaraiwapa'i.

Apocalipsis 20:11

Níma'awarepa eta ichapekene trono tijapu, tási'a téjaka'i ema Viya taye'e. Eta nímararasira'i ema, nukamitiakapa. Waipa necha távi'apuka návi'a'i té'epuka anuma, té'epuka apake'e.