San Lucas 2:48 - Táurinakene máechejiriruwa’i ema Viya tikaijare

⁴⁸ Taka'e, tiáramiwanaine'i ichape ena tikachichana te náetupiakapa. Tási'a, suíchapa esu maena: –Nuchicha, ¿tája'a takayema picha'avi'i? Ichapemuri eta vikañamarasirawa'i pícha. Vitanujirikavi'i, nuti éñipa eñi piya.

Ignaciano

⁴⁸ Tacahe, tiárami­va­na­rinehi ichape ena ticachichana te náetupiacapa. Tásiha, suíchapa esu maena: —Nuchicha, ¿tájaha tacayema píchahavihi? Ichapemuri eta vicaña­ma­ra­si­ravahi pícha. Vitanu­ji­ri­ri­cavihi, núti éñipa eñi piya —suíchapa esu maena.

San Lucas 2:48 Iomraidhean Croise

San Mateo 12:46

Tímiturekaicha'a ema Jesús naye'e ena achaneana, te títekapanecha esu maena énapa ena maparapenaveana, títekapanapa nanasi'isera te aneka, nawara'a'i náechejikayare'i ema,

San Lucas 2:49

Ema Jesús majikapapa: –¿Tája'a takayema, eta etánujirikanu'i? ¿Wá'ipuka écha'ini eti eta návi'aira'i eta ani. Níchayare eta máemataneana ema Tata?

San Lucas 3:23

Ema Jesús makaye'eipa'i treinta añu, te tinakuchawapa tímitureka'i naye'e ena achaneana. Ema, náimijachakene'i machicha ema José. Ema máiyaini'i ema José, ema Elí.

San Lucas 4:22

Namutu'i tiuri'i eta naechejisira'i maye'e ema Jesús, tási'a nárami'i eta maichakeneana'i. Taka'e naka'epa: –¿Wa'i émaina ema maka, ema machicha ema José?

San Juan 1:45

Ema Felipe tiyanapa matanupana'i ema Natanael, tási'a te máetupiakapa, máichapa: –Víma'aipa ema májuekeneru'i ema Moisés, émaichuware ema táechejisi'akene'i eta libro nájureana'i ena profetanaini. Ema tikaijare'i Jesús, machicha ema José, tikawasa'i te Nazaret.