San Lucas 2:34 - Táurinakene máechejiriruwa’i ema Viya tikaijare

³⁴ Taka'e, ema Simeón mayaseakapa ema Viya eta náuriwaina ena. Taka'e, máichapa esu María esu maena ema amuya Jesús: –Píma'a, ema maka amuya, matuparakasiwa'i eta máimituresiraya eta máechejiriruwana ema Viya. Natiari'iyaresera kamuriana ena vijaneanana israelítana énajiwayare tíchawanayare, taicha naepuruyare,

Ignaciano

³⁴ Tacahe, ema Simeón mayaseacapa ema Viya eta náurivaina éna. Tacahe, máichapa esu María esu maena ema amuya Jesús: —Pímaha. Ema maca amuya, matupa­ra­ca­si­vaichuhi me Viya eta máimitu­re­si­rayare eta máechaji­ri­ruvana ema Viya. Natiari­hi­ya­resera camuriana ena vijaneanana israelítana énaji­vayare tíchava­nayare, taicha náepuruyare ema pichicha, nacatia­na­ca­yareva. Tásiha, natiari­hi­ya­re­va­resera ena apamuriana vijaneanana tinara­ca­nayare tiúrica­va­nayare taicha eta nacasi­ñairaya éma.

San Lucas 2:34 Iomraidhean Croise

San Mateo 11:19

Taka'e titeka'i ema manerejiru'i ema Viya, kánisiukitataji, terara'i makachanewaka'i ena achaneana tisipekaturara'iana, enapa ena tive'ara'iana eta viyase'ana taye'eyare'i eta awasare Roma. Etasera eta maitukakene ema Viya timereuchawa'i eta maitauchira'i.”

San Mateo 12:46

Tímiturekaicha'a ema Jesús naye'e ena achaneana, te títekapanecha esu maena énapa ena maparapenaveana, títekapanapa nanasi'isera te aneka, nawara'a'i náechejikayare'i ema,

San Mateo 21:44

Ena nákani, testapaikawana te taina'u eta mari tevetutujikanayare, te etainapuka temirika eta mari te ina'u emajupaya.

San Mateo 27:63

Ánipa naka'e: –Tata, vechapa eta máechejiriruwa'i ema maena tepiya'ira'i Jesús, te achaneicha'a maka'e'i eta máechepusirayare'i te máekari te mapanakenénapa sache.

San Lucas 2:35

Étainapa takaecheraiyaya eta napanereruana te nasamureana. Éneichuware, numetakavi piti María: Ichape eta pikatisamurewayare, taicha píma'ayare eta máichararakawayare ema pichicha. Tímikutijirikawayare tayuwaraka'ini eta pisamure eta tumare.

San Juan 3:20

Taicha nákani tíchana'i eta tamaurikeneana, nakaticha eta majaraiwa ema Viya. Wáipaine'i napauchaima'i, namawaraira'i takaechera'ini eta náichira'i eta tamaurikeneana.

San Juan 5:18

Eta nasamira'i ena tuparairukana eta máichirawaka'i, navetijipaicha eta nasemira'i. Nawara'apa nakapakawaneyare'i ema. Eta tiviucha'i eta makanararesira'i te sáwarumu'uana, náimijachira'i máepuru'i eta naye'erepi. Tavetijipaicha eta máimikaecherachirawa'i Machichaira'i ema Viya.

Hechos 13:45

Énasera ena juriyuana masuapajiraira'ana'i, te náima'apa ena kamurikeneana, tisemanapa eta mametasirawaka'i ema Pablo eta najakapakarewa'i me Viya ena apanawa, eta taka'e, nákapaemachapa ema Pablo, napanararachapa eta nakajachira'i.

Hechos 17:6

Eta namaichimavira'i ema Pablo émapa ema Silas, nakaratakapa ema Jasón énapa ena apamuriana machamuriana. Nachururupaikawakapaipa'i eta námirapa'i te namira'u ena tuparairukana'i. Tipiarakanapa: –¡Títekapaucha'aviana'i ena nani achanetatajiana. Najararekapa'i eta viye'erepiana, na'apapika'iware eta napanereruana ena vijaneanana,

Hechos 24:5

Puiti vímatipa ema maka achane, ti'apapira'i ema, tamutu awasareana te jákani navi'aipa'i ena vijaneana israelítana, mayurukawaka ena, émaichuwa tachutiri'a'i naye'e ena té'ikana ema Jesús Nazareno.

Hechos 28:22

Viwara'asera visamavi puiti péchejisi'a eta pipanereruana'i, taicha visamairika'i eta nakatichira'i ena vijaneanana eta juka arairu'i é'iru'i.

Hechos 4:26

Ena reyeana, enapa ena akenukara'ana te juka apake'e tási'a tisemauchawanapa tikurujikakanapa nakapanereruya nakanaraya ema Tata, nakanarayarewa ema Cristo.’

Hechos 6:7

Eta nasamira'i eta máechejiriruwa ema Viya, kamurianapa ena té'ikana'i taye'e eta awasare Jerusalén. Tisimutuanaware ena tiyujarakara'iana israelítana, náunakaipa te nasamureana eta náe'isiraipa ema Viákenu.

Romanos 9:32

Taicha ena, náemepurureka'i eta najakapakarewayare'ini me Viya. Ena tímijachawana'i étachucha nakunachiawa'i taye'e eta náitauchira'i eta nawanesirakakana'i. “Eta tiviucha'i eta nakatianasira'i murakakene'i ema Viákenu Jesús”

1 Corintios 1:23

Eta taka'e, wa'i tasuapakare'ini naye'e eta vimetasira'i eta viúchukuirayare táichavene eta máepenira'i te crusu ema Cristo. Ena israelitana titsiri'ana'i eta juka, tási'a náepuru náe'ika ema. Ena apamuriana apawasana náimijachaichucha súnsurupiana eta juka;

Hebreo 7:1

Ema Melquisedec, rey'i, taye'e eta awasare Salem. Ema'i mawanara'iware ema Viya, tiyujarakara'i ema. Taka'e ema Abraham énapa ena masuntarurana té'akakapana'i, makanarawaka'i ena reyeana. Máita'akakawaka'isera. Taka'e, te tichawapa te mapena ema Abraham, mákapapa ema Melquisedec, mayujaraucha'i;

Hebreo 7:7

eta taka'e, vimutu vecha víti, mákani tiyujaraucha'i ema apana, ema tikunachakarepana'i maye'e mákani mayujarauchakene'i.

1 Pedro 4:14

Te náume'a'epuka máichavenena'i ema Cristo, tétavikawayare eta iúrikakarewaya eti, taicha tiáwa'aka'eyare ema Machanewa Viya, mási'akene'i te majaraiwa ema Vikaiyakene, tayanapane náepurupuka ema, étisera ekunacha'i ema.