San Lucas 2:14 - Táurinakene máechejiriruwa’i ema Viya tikaijare

¹⁴ “¡Tétávika vikunachira'i ema Viya vimutu viti viávi'ana'i te anuma! ¡Jé'eware puiti, tiúrikawanainapa ena achaneana te juka apake'e, ena manerejiruana'i makatajiruana'i ema Viya!”

Ignaciano

¹⁴ ¡Tétávi­cavapa eta vicuna­chirahi ema Viya vimutu viti viávihanahi te anuma! ¡Jéhevare puiti, tiúrica­va­nainapa ena achaneana te juca apaquehe, ena manere­ji­ruanahi macata­ji­ruanahi ema Viya! ¡Tájinainapa náichira­vaimahi! —nacahepa.

San Lucas 2:14 Iomraidhean Croise

San Mateo 21:9

Tási'a ena tínapumirauchanapa'i, énapa ena tékene'anapa'i tipiararekanapaipa'i: –¡Pikatiucha'avi! ¡Pájapanu'avi! ¡Asulupaya eta pítekapira'i te maijare ema Tata! ¡Asulupaya eta pítesira wanáirukakenevi'i me Viakenu tiasi'a te anuma!

San Lucas 1:79

ema maijaraka'i eta majaraiwa ena tiavi'ana'i te ichapekene mapiku'ana, tási'a timecha'aviya eta tauriwaya eta vipaisira te taurikakarekene achene.”

San Lucas 19:38

Naka'epaipa'i: –¡Yare piti rey-kene'i, wanairukavi'i te maijare ema Viákenu! Asulupaya ¡Puiti te anuma vikutikaka'i eta viúrisamurewa'i víti te juka apake'e! Tétávikawa eta vikunachira ema Viya eta makatajisira'avi'i.

San Lucas 2:13

Tási'a, tíja'uchawapa tímerekawana ena kamurikeneana ángeleana. Najira'i eta majira'u ema Viya te anuma. Ánipa naka'e:

San Lucas 2:15

Te tiyananapa ena ángeleana, tichawana te anuma. Ena pástuleruana tepanawanapa naichakaka'i: –Viyana te Belén. Víma'apana eta juka mametaru'avi'i ema ángele, mawaneru'i ema Viya Viákenu.

San Lucas 3:22

Taka'e, nasamapa eta ma'u ema Viya tási'akene'i te anuma. Ani maka'e'i: –Pítira nuchicha némunarukene, núrisamurecha piye'e.

San Juan 14:27

“Nunakika eta iúriwaya. Nijaraka'e nuti eta iúriwaya, wá'isera nákutinu'ini ena apamuriana achaneana eta nujunijisira'eya. Wa'i ekuwayuchawa eta éñamawairaina. Wá'iware ekupika.

San Juan 17:4

Nuti nímereka'i ena achaneana eta pikunachakarewa'i. Nítauchaipa'i tamutu eta piwanairipiana'i piwara'akene'i níchayare'i.

San Juan 3:16

Taicha ema Viya, tétavikawa'i eta máemunasira'avi viti achaneana te juka apake'e. Eta máemunasira'avi, máijaraka'i ema makarichukene'i Machicha, eta máukupaisira'i eta ani viye'e. Tíjaraka'aviya eta vítaresiraya máichekuarakinepa eta vitaresira.

Hechos 10:36

Taicha ema Viya makaitekapa'i eta máechejiriruwa viye'e viti israelítana. Vimetakawakayare nákani tikasiñawana'i maye'e ema Jesucristo. Émara Viákenu vimutu.

Romanos 5:1

Puíti'ipa vijakapakareipa me Viya, táichavene'i eta vikasiñawaira'i eta maye'e. Waipa vipikakarakawa'ini eta víkuñayare'ini, taicha ema vímikuñaru'i ema Viákenu Jesucristo.

Efesios 1:6

Taicha mawara'a'i vijirauchayare ema, vítsirijikawayare'i eta táetaviuchirawa eta máemunasira'avi'i, mawara'a'iware ichape eta viúrikakarewana táichavene'i eta viúrujiasiraya ema máemunarukene Machicha.

Efesios 1:9

Taka'e timimaticha'avipa eta mapanereru'i maunaru'i te vuicha'a maitaucha'ini, taka'e mawanekapa ema machicha Jesucristo mawaraira'i maitauchayare'i eta mawara'akene maicha.

Efesios 2:4

Tétavikawa'isera eta majapanuira'avi'i ema Viya. Ichapeware eta máemunasira'avi'i,

Efesios 2:7

Eta juka émavene'i ema Viya, mawara'a'i máimereka eta viúrikakarewana máijararu'aviyare eta viye'e te jena sácheyare, taicha tétavikawa'i eta máemunasira'avi'i táichavene'i eta viúrujiasira'i ema Jesucristo.

Filipenses 2:11

Námutu nakunachayare yátupi ema, Jesucristo ema Viya, taka'e, tétavikawa'i eta majaraiwa ema Viya Vikaiyakene.

Filipenses 2:13

ema Viya, émaichu'i ema tinaka'i te esamureana eta ewarairayare ekurisamurechayare ema; tiáwa'aka'eware eta ítauchirayare tamutu. Takuija táemitiekene'a'ini eta tapachinawa'i eta iáchanewana.

Colosenses 1:20

Eta mapanereru'i ema Viya eta mawanesira'i ema Machicha te juka apake'e, tépenayare te crusu, taicha máetupirikayare'i tamutu eta juka apake'e pekatupaire, étapa tamutu eta anuma. Tichawayare'i tiuri tamutu.

2 Tesalonicenses 2:16

Nuparapenaveana, tétavikawa'i eta máemunasira'avi'i ema Viákenu Jesucristo, émapa ema Tata Vikaiyakene. Tayanapane wa'i viúri'ini, énasera nawara'a'i tikurisamurecha'avianaya. Tási'a, vikunewainapa eta viúrikakarewaya, máichekuarakirenapa náicha,

Apocalipsis 5:13

Nusamaware eta ta'u tamutu eta máepiyaruana'i ema Viya, eta tiávi'ana'i te anuma, étapa eta tiávi'ana'i te apake'e, énerichuware eta tiávi'ana'i te ama'e eta apake'e, étapa eta tiávi'ana'i te ichape une. Ánipa taka'e'i: “¡Ema tejaka'i te maye'e trono, ema tikaijare, Cordero, eti, tétavikawa eta ekunachakarewa'i. Eti, tétavikawa eta epikauchakarewa'i máitawakakayare eta vitsiusira'eyare!”