San Lucas 2:10 - Táurinakene máechejiriruwa’i ema Viya tikaijare

¹⁰ Tási'asera, ema ángele máichawakapa: “Wa'i ekupika, yare, juka'i eta tímitekanu'i nuti numetapana'eyare. Tétavikawa táurisamurekarewaya naye'e namutu ena achaneana:

Ignaciano

¹⁰ Tásihasera, ema ángele máichavacapa: —Vahi ecupica. Yare, jucarihi eta tímite­canuhi núti numeta­pa­na­heyare. Tétávicava táurisa­mu­ré­ca­revaya nayehe namutu ena achaneana.

San Lucas 2:10 Iomraidhean Croise

San Mateo 14:27

Émasera ema Jesús maéchejikapa: –¡Wa'i ekupika! ¡Nútichucha: Étumechawa!

San Mateo 28:18

Ema Jesús témeña'awapa naye'e ena, tási'a máichawakapa: –Ema Viya tijarakanu'i eta tuparairukanuya'i taye'e eta anuma, tási'a étapa eta apake'e.

San Mateo 28:5

Ema ángele máichawakapa ena esenana: –Wa'i ekupikanu. Nuti nécha'i eta etánusirapa'i ema Jesús, ema makaetatakenéni'i.

Marcos 1:15

Ánipa taka'e'i eta mametarapi: “Eta mawasa ema Viya akenuka te anuma tiane'ipa titekapaucha'e eta eye'e. Échawa éñauchawa me Viya tási'a ejákapa eta ekasiñawairaina me Viya, esuapapa eta Arairu maechejiriruwa.”

Marcos 16:15

Tási'a máichawakapa: “Eyana epaika tamutu eta awasareana eta te juka apake'e, ekametarairuyare eta tiúrina echéjirirukawa naye'e ena achaneana.

San Lucas 1:13

Émasera ema ángele máichapa: –Zacarías wa'i pikupika, taicha ema Viya masama'i eta piyaseserepi'i píti eta maye'e. Puiti esu piyena Isabel tikachichayare. Juan eta máijareyare ema echichayare.

San Lucas 1:19

Émasera ema ángele majikapawarepa: –Nuti nukaijare Gabriel. Nuti mawanerunu'i ema Viya. Nutuparakasiwaichu'i eta numetasiraviyare eta juka Arairu techakare.

San Lucas 1:30

Émasera ema ángele máichawarepa: –Wa'i pikupika, María. Piti manerejiruvi'i ema Viya.

San Lucas 2:11

Puiti te jena awasare Belén, máwasaini ema rey David, tiúchukaipa ema Tikatiura'iyare eye'e emutu eti. Ema, tikaijare Cristo Tataya.

San Lucas 24:47

tási'a etayareichu'i námapikayare eta maíjare eta naímitusirayare ena achaneana tikawasana'i te tamutu eta awasareana. Étaipa te juka Jerusalén, emétakawakayare eta náeñauchirawaina me Viya, apaesa makaepa'a eta napekaturana,

San Lucas 8:1

Te táekenepa eta juka, ema Jesús tiyanawarepa tipaika'i te awasareana tási'a te'epa awasarechichana, kametarairupaipa eta máechejiriruwa ema Viya akenuka te anuma. Náe'ikapa'i ena dósekeneana apútuleana,

Hechos 13:32

“Taka'e vitira vikametarairu'i eye'e eta Arairu maechejiriruwa ema Viya: Eta maikure'i ema, naye'e ena viáchukanaveanaini,

Romanos 10:15

¿Tasi'a waipaine'iware kametarairuanaima'i, taicha ena wa'i maewataruina'ini ema Viya? Eta Takapika'ukene Ajureka ani taka'e: “¡Tétavikawa'i eta náurisamurewana ena achaneana eta nasamira'i eta táurikene'i máichuarapi ema Viya eta majakapirawakaya, tási'a tiúriyare eta majakapira'avi'i viti mawaneruana ema Viya!”

Efesios 3:8

Wa'i németeakawa'ini nútinasami'ini manerejika, taicha narari'i'i ena títupajijiapanawana'i eta nuye'e, tijapanunu'isera ema Viya, nútisamipa manerejiru'i, mawaraira'i numetapana'e eta máichuira'e'i eti apana eti apawasana, eta ejakapiraya eta táurikakarekene víkuchi maicha ema Cristo, tétavikawaya eta viúrikakarewayare.

Colosenses 1:23

Taka'e, nuwara'a étumechawayarechucha, ímiyanawa táuri eta é'isira'i. Wa'i ekuyakujiekene'awa eta ekuchapira'i eta iúchukuiraya. Wa'i ekuemepurureka eta esuapiraipa'i eta máechejiriruwa ema Viya. Tétavikawa'i tasuapakarewa'i naye'e namutu ena achaneana te juka apake'e. Núti'ipa nuti Pablo wanairukakenenu'i, étaichu'iware taka'e'i eta nukametarairuira'i.