San Lucas 2:1 - Táurinakene máechejiriruwa’i ema Viya tikaijare

¹ Taka'e, te jena sácheana, ema emperador Romano Augusto, makawanairipipa nakuchuka eta wanairipi, nakatupairayare namutu ena achaneana te awasareana.

Ignaciano

^1-3 Tacahe, te jena áñoanahi cape juca viásine­quenehi te émarichaha aquenucahi ema Emperador Augusto, matiari­hi­hivare ema apana achane ticaijare Cirenio, majupahahi ema Augusto. Prefectohi éma, tayehe eta avasareana. Ticaijare Siria eta mávihahi­. Tacahe, te jena sácheana, ema Augusto macava­nai­ripipa nacuchuca eta vantu eta nacatu­pai­rayare namutu ena achaneana te avasareana. Tacahe, tiyananapa ena achaneana te návasa­napachu te náuchusineana eta nacatu­pai­ra­yarehi. Nasuapa­yarehi eta vanairipi. Táinapuiruhi censo maicha ema Emperador Augusto.

San Lucas 2:1 Iomraidhean Croise

San Mateo 22:17

Viwara'a'i viyaserekaviyare eta pipanereru'i: ¿Táurika'ipuka viwachacha eta viyase'ana maye'e ema akenuka emperador romano, wa'ipuka?

San Mateo 24:14

Tási'a eta juka tiúrina techakare, tikámetakasiyare tamutu awasareana, apaesa naimati namutu ena tiavi'ana'i te apake'e, te taekenepa eta juka titekapainapa eta taitaviraya eta apake'e.

Marcos 14:9

Nutupiruwa numetaka'e, nákani tikametarairuanayare eta tiurinakene echéjirirukawa, náechejisi'ayare eta juka suíchakene'i esu suka esena, témechanayare tamutu awasareana te juka apake'e.

Marcos 16:15

Tási'a máichawakapa: “Eyana epaika tamutu eta awasareana eta te juka apake'e, ekametarairuyare eta tiúrina echéjirirukawa naye'e ena achaneana.

San Lucas 2:3

Taka'e tiyananapa namutu ena achaneana te náwasapaichu, te náuchusineana eta nakatupairayare'i. Nasuapayare'i eta wanairipi.

San Lucas 2:5

Tiyananapa ánaki kajuanayare'i mámapa esu mayena María, esusera tikajaripaipa'i.

San Lucas 3:1

Taka'e, quince añuipa'i eta makatupara'aira'i. Ema Poncio Pilato, émaipa tuparairuka'i taye'e eta tinapaika te Judea. Tási'a, ema Aluresi, tuparairuka'iware taye'e eta tinapaika Galilea. Ema maparape Felipe, tuparairuka'iware ema, taye'e eta Iturea, tási'a étapa eta Traconítide. Tási'a ema Lisanias tuparairuka'iware ema taye'e eta Abilene.

Hechos 11:28

Tási'a titupi'apa, ema tikaijare Agabo te namuri ena machamuriana. Makaimitukasikene'i ema, maye'e ema Machanewa Viya. Mametakawakapa eta tatiari'iyare eta eku'a te tamutu eta awasareana. Eta juka táichawakenewa'i, te tupi'aicha'a'i ema akenukaini emperador Claudio.

Hechos 25:11

Té'eserapukaini nukaviurewa'ini, táimikapakanu'ini eta nuviurewa. Tájinasera nuviurewaina eta nametauchiranu'i. Wá'iware tituparakavi píjararekanu'ini eta naye'e ena nani. Té'eserapuka te wa'i pikukaitikanu, nuyasesereka puiti nuyana te mamira'u ema emperador nuye'ena juez ema.

Hechos 25:21

Émasera tiyaseuchawapa eta mayaniraya te mamira'u ema emperador. Eta taka'e, nímiwanerekapa makajane'a, tiámainukawa te nítujikawa nímiwanerekapa nanapana.

Romanos 1:8

Nuti, tétavikawa'i eta nukunachira'i ema Viákenu Jesucristo, nu'asulupayacha'i ema Viya íchavene'i emutu eti, namutu ena achaneana te awasareana téchejisia'eana'i eta yátupira'i ekasiñawaira'i maye'e ema Viya.

Filipenses 4:22

Téchejika'eana'iware namutu ena vichamuriana machanerana ema Viya, ena tikawasana'i ani te juka, narari'iware ena tiávi'ana'i te maye'e palacio ema Emperador, énarichuware vichamuriana, téchejika'eana'iware ena apana.