San Lucas 19:9 - Táurinakene máechejiriruwa’i ema Viya tikaijare

⁹ Tási'a, ema Jesús majikapa: –Puiti titekepapa eta nauchukuiraya te juka peti, taicha émaichu'i maumuriwa'i ema viyara'aini Abraham.

Ignaciano

^9-10 Tásiha, ema Jesús majicapa: —Nímahapa puiti eta yátupirahi eta péneuchi­ravahi eta pipeca­turana, taicha pivarahahi pímicha­vayare eta plata picaete­ma­re­ruanahi. Tásiha puiti, pijaca­pa­carepa me Viya. Vaipa pémitie­que­néimahi. Taicha píti picutipa ema viáchucaini Abraham eta macasi­ña­vairahi mayehe ema Viya. Píti nuchane­ravipa, picutipa ena apamuriana nucuru­ji­ruanahi. Taicha éta tímite­canuhi nuti Manere­ji­ru­nuhi ema Viya —macahepa ema Jesús.

San Lucas 19:9 Iomraidhean Croise

San Lucas 13:16

Suvetijicha esu suka esena vikutikene'i achane, mámariekene'i ema viáchukaini Abraham, tikatajikakare'i eta nukanarasirayare'i taye'e eta máitiarapi ema Wínaraji. Taicha dieciocho añuipa'i eta máekajumachira'i esu. ¿Wa'ipuka táurika'ini nukanaraka'ini puiti juka sache sáwarumu'u?

San Lucas 13:30

Tási'a, te jena sácheyare, nákani tékene'ana'i puiti, nasapi'ainapa tisiapanayare. Étisera eti ínapureana'i puiti, étinawarepa wa'i ítujikawaima'i esiapa.

San Lucas 16:24

Taka'e, tipiarakapa: ‘¡Tata Abraham, pájapanunu! Piwanesinanu ema Lázaro máechipaikaini apaesachicha eta mawauki te une, máekasarechapana eta nunene. Taicha nukatajiwaiya'i eta te juka návi'a'i táijurekene yuku.’

San Lucas 16:30

Ema rícu majikapawarepa: ‘Tata Abraham, Tiúripana'isera'ipukaini mayana'ini ema émana máepenakene, eta naye'e ena nuparapenaveana, mametapanawaka'ini. Németeaka téñauchawawaneanaya.’

San Lucas 2:30

Nímatipa ema tikatiura'ikeneyare'i,

San Lucas 3:8

Yátupina tátupiruwa eta epanereruana, ímerekawa eta é'isira ema Viya, wá'iware ekukajamurawa áka'e'i: ‘¡Viti mamariékene ema Abraham!’, ema Viya, tájina máemaitukaima'i te mawara'apuka, máepiyaka achaneanaina eta juka mari, mawarairaina'i enaina mámariekeneanaina ema Abraham.

Romanos 4:16

Ema Viya, tétavikawa'i eta majapanuraiwa'i, tási'a, yátupi máitauchayare eta máijarasirawana naye'e namutu ena mámariekeneana ema Abraham, wa'i nákarichu'ini ena té'ikana'i eta wanairipiana, naye'eyarewa namutu ena tikasiñawana'iware maye'e, tikutiana'i ema Abraham eta makasiñawaira'i, eta taka'e puiti, eta vikaiyaira'i vimutu víti ema Abraham.

Gálatas 3:14

Ema máicha'i eta juka, mawaraira'i eta iúrikakarewayare eti apawasana táichavene'i eta ekutira'i ema Abraham eta makasiñaira'i ema Viya, puiti, tétavikawa'i eta viúrikakarewa vimutu, taicha tiáwa'aka'avi'i ema Machanewa Viya máijararu'avi'i ema Viya táichavene'i eta vikasiñaira'i ema Jesucristo.

Gálatas 3:29

Puiti machicha'eipa ema Cristo, tási'a ekuti'ipa mámariekene'ena'ini ema Abraham, ímaekene'aichucha eta maikure'ei'i ema Viya eta máijarasira'eyare eta iúrikakareyare táicha.

Gálatas 3:7

Puiti, yátupina ákaikutiara eta juka, ena yatupikeneana mamairiekemeana ema Abraham, namutu ena tikasiñawana me Viya.

1 Pedro 2:10

Kape juka ítaresira'i eti, wa'i ímati'ini ema Viya. Wícha'aware écha'ini eta majapanuira'e'i ema. Puítisera ewapinawa'i eta ímatira'i yátupi eta majapanuira'e'i, taicha machanera'eipa.