San Lucas 18:7 - Táurinakene máechejiriruwa’i ema Viya tikaijare

⁷ Ene maka'e'i ema Viya, wa'i máyererejima'i eta makatiuchira'ewaneya eti manerejiruana'i, esamakareyare'i taicha eta emakainajiruwaira'i eta eyujarasiraina'i tamutu sácheana, yátiana ¿tiyereyarepuke eta majikapira'e?

Ignaciano

^7-8 Ene macahehi ema Viya. Vahi máyere­re­jimahi eta macatiu­chi­ra­he­vaneya eti manere­ji­ruanahi, esama­ca­re­yarehi taicha eta emacai­na­ji­ru­vairahi eta eyuja­ra­si­rainahi tamutu sácheana, yátiana. Étaripa te táitecapa eta nuchavi­rayare nuti Manere­ji­ru­nuhi ema Viya, németeacahi natiari­hi­ya­reichaha nuchima­pa­que­neanaya ena vahi ticaina­ji­ru­vanahi eta nayuja­rasira, nacutihi esu suépenai­maquene eta sumacai­na­ji­ru­vairahi —máichavacapa ema Jesús.

San Lucas 18:7 Iomraidhean Croise

San Mateo 24:22

Tási'a ema Viya te wa'i makukaechepaikawane eta ekuñaraki, nakuija nakuitareka'ini, námutu'ini tepenarakana, eta sera, eta maemunasira'avi'i ema, makaechepaikawane'i eta tiñe'ikare, taicha viti manerejiruana'i.

San Mateo 24:24

Taicha titekapanaya ena tímikutichawanayare profetana, tási'a tímikutichawanayarewa ema Cristo. Naichaya eta ichapeana tiáramikareana, tási'a étapa eta ekutiarareanayare. Kamurianayaré ena nawayuaruanayare, enaipa ena manerejiruana'i ema Viya, nawayuakayarewa.

San Mateo 7:11

Etiripa murakasamure'e'ineni, ituka'i ijaraka ena echichanaveana eta jákani tiurinana nayasearapiana'i, ¡mavetijicha ema Tata Vikaiyakene tiávi'a'i te anuma, ema tíjaraka'eyare'i tamutu eta táurikeneana eyasearuanayare'i!

San Lucas 11:13

Etiripa murakasamure'e'ineni, ituka'i ijaraka ena echichanaveana eta jakani tiurinana nayasearapiana'i, ¡mavetijicha ema Tata tiávi'a'i te anuma tíjaraka'eyare'i ema Machanewa Viya, tamutu eta táurikeneana eyasearuanayare'i!”

San Lucas 2:37

Ochenta y cuatro añuipa'i eta suépenaimawa'i. Sunasikene'i sukapena'i esu te templo, tamutu'i sácheana, yátiana, tíjima'i, tiyujaraka'i esu.

San Lucas 21:28

Te íma'apa tanakuchawapa eta juka, échainapa eti, taicha tiáne'ipa eta nítekapiraya nukatiuchirá'eyare.”

Romanos 8:33

Puiti tájinapa viviurewaina táimikuñaka'avi'ini viti manerejiruana'i, taicha ema Viya tépachiaka'avipa eta majakapira'avi'i.

Colosenses 3:12

Ema Viya tétavikawa'i eta máemunasira'e'i, eta taka'e, tinerejika'e'i eti machaneranayare'i ema, ekutipaipa ema, eta masantuwa'i. Eta taka'e, puiti étijiwainapa ekarawa'uyare eta táuriwayare eta ítaresirayare, étaviuchayare eta ejapanuraiwaya, émunara'iyarewa, ímerekaya eta emansuwayare, ekamicha tamutu.

1 Tesalonicenses 3:10

Tamutu sácheana, yátiana, viyujaraka'i maye'e ema Viya, viyaseaka'i vítujisirawaina'ini viápechawa víma'a'e, vímituka'e'ini eta apamuriana títukakareana taye'e eta juka vé'isira'i ema Jesús, támutu'ini ítuka.

2 Tesalonicenses 1:6

Máima'ainepasera ema Viya eta máikuñasirawakayare ena tikatianaka'eana'i eti, taicha makarichu ema tikatupara'a'i téchayare'i,

1 Timoteo 5:5

Súkani tépenaima'i sukarichu'ipuka, nájina suchichaina'i, nájinaware suviyawa'i. Sukuchapainapa eta tási'akeneya maye'e ema Viya, taicha suíjararuwaipa yátupi eta maye'e. Tiyujarakainapa te sacheana, te'epa yátiana.

2 Timoteo 1:3

Nuti nécharairikavi'i te sácheana yátiana te nuyujarasirana, nuyaseuchavi'i me Viya. Nu'asulupayacha'i ema eta piúriwa'i máicha. Ema nukasiña'i nuti, takuti'i eta nakasiñaira'i ena viáchukanaveanaini.

2 Timoteo 2:10

Nukamicha'isera tamutu eta náichiranu'i, nuwaraira'i nasuapa'ini nákani máichu'akeneánayarepa'i ema Viákenu Jesucristo, apaesa náuchuku'a'ini ena apanawa, náitujikawa'ini nasiapa taye'e eta táurikakarekene máwasa, máichekuarakirenapa eta vikachaneraya ema.

Tito 1:1

Eta najure nuti Pablo, mawanaranu ema Viya apústulenu'iware maye ema Viákenu Jesucristo, mawanerunu'i ema, apasea ena manerejiruana'i ema Viya naimatiekene'a eta yátupikene'i makasiñakarewa ema Viya, eta juka tiavi'a'i te juka viawapairu'i,

1 Pedro 1:1

Nuti Pedro, maye'enu apústule ema Viákenu Jesucristo. Nukajure'e eta juka eti nuchamuriana éjanerepairuana'i ekakijikeneana'i taye'e eta apana awasareana, eti iávi'ana'i te Tinapaika te Ponto, eti iávi'ana'i te Galacia, eti iávi'ana'i te Capadocia, eti iávi'ana'i te Asia, étipa eti iávi'ana'i te Bitinia,

2 Pedro 3:9

Ema Viya, manaka'i eta tayerewa'i, mawaraira'i makuchapa ena achaneana eta náeñauchirawayare maye'e. Ichapemuri eta makamichira'avi'i, eta viye'e, mamawaraira'i wámutu'ichaini vémitiekene'ini. Narari'i ena achaneana tejekapawana'i te napanereruana. Eta naimaira'i eta mayerewa'i ema Viya eta maikuñasirawakayare'i, naimijachaipa'i waipa marata'aima'i maikuñaka eta juka apake'e.

Apocalipsis 18:20

Iúrisamurekarepa puiti eye'e eti iávi'ana'i te anuma, emutu eti machanerana'i ema Viya étipa eti apústuleana, étipa eti profetana, taicha máitsirijiekene'aipa puiti ema Viya tamutu eta táemekatajiwachira'e'i eti.

Apocalipsis 6:10

Puiti ena, tipiaraikana'i muraka naka'e'i: “Tátachicha, santukenevi'i píti. Yátupikenevi'i eta pikasiñakarewa. ¡Puiti viwara'a pítauchayare eta pitsirijiekene'airayare ena tikapaka'aviana'i te apake'e! Tási'a viwara'apa nakáemechara'ipaini.”

Apocalipsis 7:15

“Eta taka'e, titupi'ana'i te tamira'u eta trono mávi'a'i ema Viya, tási'a tamutu sácheana yátiana naitati'i te maye'e'i templo. Ema tejaka'i te trono ema majaneakawaka'i.